الموضوع: نيسان صنى الجديده ولا رينو فلوينس

المشاركة الأصلية كتبت بواسطة ahmed-adel

'انما لو بتتكلم على الفئه الاولى اللى هى ب ١٣٢ الف فى فرق سعر جامد اعتقد انه كتير على الفرق ما بين العربيتين كامكانيات يعنى الفلوانس افضل لكن مش بكل الفرق ده على الفئه الأولى ففى الحاله دى ممكن الصنى الهاى لاين تبقى اوفر'

حضرتك بتقول لا يجيب تاني فئة في ال fluence ,لا اما يجيب الصني اوفر

الصني مهياش اوفر ولا حاجة , عربية مكوناتها 40 % مصري
و تقفيل مصري و بتتباع بـ 112 ألف ده غير ال overprice كمان لو فيه

فيه فرق موتور
فرق فتيس
فرق خامات
فرق صناعة
فرق شكل من جوه و من بره
فرق وسع

أنا لا معايا دي ولا دي ,بس فعلا مفيش مقارنة

انا بقى شفت و سوقت العربيتين الصنى و الفلوانس الفئه الاولى اكتر من مره و كمان جربت الفلوانس الفئتين الاولى و التانيه مع اكتر من حد من اصدقائى كان عايز يشتروها و جربتها حتى بعد ما اشتروها و بتكلم من هذا المنطلق. موضوع الاوفربرايس ده انا ذكرت فى المشاركه انه غلط و طلبت منه ما يشتريش بيه أبدا اكيد و ده بيوضح تانى ان حضرتك ما بتقراش مشاركات الناس كامله قبل ما ترد و دى مشكله لانها بتضيع وقت اللى بيرد انه لازم يكرر كلامه تانى لعل و عسى حظه يكون حلو و حضرتك تقرأه كله المره دى

المشاركة الأصلية كتبت بواسطة land_cruiser

انا بقى شفت و سوقت العربيتين الصنى و الفلوانس الفئه الاولى اكتر من مره و كمان جربت الفلوانس الفئتين الاولى و التانيه مع اكتر من حد من اصدقائى كان عايز يشتروها و جربتها حتى بعد ما اشتروها و بتكلم من هذا المنطلق.

اللي أنا بكلمك فيه ,ملوش علاقة بتجربة العربية خالص
أنا متكلمتش عن ثبات مثلا ولا فرامل ولا تسارع

أنا بأتكلم في فروقات سعة الموتور ,نوع الفتيس ,جودة الخامات ,فرق صناعة ,فرق شكل ....الخ
حاجات مش محتاجة تجربة يعني

و مظنش حد جرب الاتنين ,هيقول الكلمة دي
'أما اللى هتاخده من الصنى هو التوكيل و الثبات و الشنطه الواسعة'

المشاركة الأصلية كتبت بواسطة Land_Cruiser

ا موضوع الاوفربرايس ده انا ذكرت فى المشاركه انه غلط و طلبت منه ما يشتريش بيه أبدا اكيد و ده بيوضح تانى ان حضرتك ما بتقراش مشاركات الناس كامله قبل ما ترد و دى مشكله لانها بتضيع وقت اللى بيرد انه لازم يكرر كلامه تانى لعل و عسى حظه يكون حلو و حضرتك تقرأه كله المره دى

أنا عارف حضرتك قلت إيه بس ده ميمنعش إن ده واقع و كلنا عارفينه
كل عربيات nissan عليها overprice لا اما تستنى أكتر من 3 شهور في التوكيل

المشاركة الأصلية كتبت بواسطة Land_Cruiser

ده بيوضح تانى ان حضرتك ما بتقراش مشاركات الناس كامله قبل ما ترد و دى مشكله لانها بتضيع وقت اللى بيرد انه لازم يكرر كلامه تانى لعل و عسى حظه يكون حلو و حضرتك تقرأه كله المره دى

عموما عشان مانطلعش بره الموضوع ,و اضيع وقتك الثمين
دي آراء و حضرتك حر في رايك

المشاركة الأصلية كتبت بواسطة ahmed-adel

أنا عارف حضرتك قلت إيه بس ده ميمنعش إن ده واقع و كلنا عارفينه
كل عربيات nissan عليها overprice لا اما تستنى أكتر من 3 شهور في التوكيل




عموما عشان مانطلعش بره الموضوع ,و اضيع وقتك الثمين
دي آراء و حضرتك حر في رايك

معنى انها عليها اوفربرايس انها مطلوبه و معنى انها مطلوبه فى السوق ده اكيد مرتبط بالجوده و السعر الكويس و ان كان غير مقبول كمبدأ و انما دلاله على الاقبال .بالضبط كده كل واحد حر فى وجهه نظره( و انا باكتب دائما ان دى وجهه نظرى) طالما ذكر أسباب الاختيار و الاختيار للمتلقي لان فى الاخر دى نصائح الهدف منها مساعده السائل فى اتخاذ قرار و ألنصيحه أمانه زى ما حضرتك عارف و بالتالى الهدف فى النهايه واحد

انا متشكر جداً لحضراتكم
وهدوا نفسكم المسأله مجرد مناقشه للوصول للسياره الامثل