سكودا فانتازيا 2013ولا اوبل استرا سيدان 2013

**mohammedrefaat** · 03-12-2012 12:48 AM

اصدقاء فى المنتدى احب انقلكم خبر من مدير مبيعات اسكودا فى ارتوك اوتو
انا اتصلت بيه امبارح علشان اعرف بيانات عن الفانتازيا 2013 و المفاجاه انه قاللى انه ماعندهمش فى الوكيل اى عربيات فانتازيا نهائى و ان اخر دفعه هاتنزل من العربيه دى هايبقى فى اخر شهر 12 و مافيش اى حجز قبل كده و الاستلام بعد الحجز باسبوعين و انه احتمال مايبقاش فى الشحنه دى اى فئه اليجانس و هايبقى فيه عدد قليل عربيات فئه سبورت و قاللى انه المفروض ان الفانتازيا ما كانتش هاتنزل خالص بس الوكيل طلب شحنه للسوق المصرى مخصوص و ان المصنع بعتلهم كميه قليله جدا عن المتوقع و ده كان ليه اثر عكسى على الوكيل

انا سالته عن لو فيه حاجه جديده هاتنزل الراجل صدمنى لما سالته عن الرابيد
قاللى ان الرابيد تعتبر تعديل للعربيه الa4 و انها نزلت بره بموتور 1400 cc تربو و بتشتغل على بنزين 95 فقط و انهم هايحاولو يعملولها تعديل بحيث يبقى الموتور 1600 cc و مايكونش تربو و تقبل تشتغل بنزين 92 بس هو مش متاكد من موضوع البنزين ده اذا كانوا هايقدروا ولا لأ و قاللى ان فتيسها دى اس جى DSGو لما قلتله انه وحش قاللى مافليش وكيل هايبهدل سمعته علشان فتيس اكيد هايشوفولو حل قلتتله ماهو موجود فى الجيتا و مهما بيعدلوا فيه برضو بيضرب و مالوش لزمه حاول يقنعنى ان المانيوال هاتبقى حلوه برضو مش وحشه

ساتلته برضوا عن اذا كان فيه حاجه تانى غير الرابيد قالى ان شاء الله هايبقى فيه حاجه تانى على اخر السنه هاتبقى اوكتافيا a7و لما سالته عنها او ن اى بيانات عنها الراجل مرضيش يقوللى و قاللى ماحدش لسه يعرف عنها حاجه بس هى هاتنزل على اخر السنه موديل 2014 و انها احتمال كبير تبقى بنزين 95 و هايبقى فيه محاولات علشان تبقى بنزين 92 و فى الاول و الاخر العميل معاه ضمان و سالته هى هاتبقى احسن من الفانتازيا قاللى ان مافيش اى وجه للمقارنه اساسا و انها هاتكون اجمد بكتييييييير من الفانتازيا فى الشكل و فى الامكانيات

**hdlhkhgikn** · 05-12-2012 06:28 AM

ايوة اعمل اية انا دلوقتى يعنى... انا مكفر سيئات الناس كلها بسبب ام الاسترا دى وهموت واجيبها اليومين دول وكل واحد يطلعلى فى البخت ويقولى هات الاوكتافايا احسن وهتعرف تبيعها وقفشت على ابويا كمان لما جية يقولى هات حاجة تعرف تبيعها وشكلى هولع فى المصريين كلهم عشان كل مكلم حد يقولى هات حاجة تعرف تبيعها... يا جدعان لية الاحباط انا عجبانى العربية واة انا عايز ارمى فلوسى فى الارض واشحت.. شعب غريب صحيح... المهم قولولى بقى اعمل اية هههههههههههه :p

**ahmedsadek82** · 05-12-2012 08:02 AM

المشاركة الأصلية كتبت بواسطة hdlhkhgikn

ايوة اعمل اية انا دلوقتى يعنى... انا مكفر سيئات الناس كلها بسبب ام الاسترا دى وهموت واجيبها اليومين دول وكل واحد يطلعلى فى البخت ويقولى هات الاوكتافايا احسن وهتعرف تبيعها وقفشت على ابويا كمان لما جية يقولى هات حاجة تعرف تبيعها وشكلى هولع فى المصريين كلهم عشان كل مكلم حد يقولى هات حاجة تعرف تبيعها... يا جدعان لية الاحباط انا عجبانى العربية واة انا عايز ارمى فلوسى فى الارض واشحت.. شعب غريب صحيح... المهم قولولى بقى اعمل اية هههههههههههه :p

يا باشا فرق السعر و الكماليات الزياده و الشكل و رضاك الشخصي و اقتناعك بالسيارة دول يعوضوا فرق سعر اعاده البيع , يعني روح هات العربية اللي نفسك فيها من الاخر ,, و بعدين اوبل ماركة ليها شعبية في مصر عامة ,, ففرق اعادة البيع ميخليكش تتردد ,,,,و الله الكلام ده عن تجربه في ماركات اضيع بكتير من اوبل

**Mohamed Fawzy** · 05-12-2012 08:06 PM

المشاركة الأصلية كتبت بواسطة hdlhkhgikn

ايوة اعمل اية انا دلوقتى يعنى... انا مكفر سيئات الناس كلها بسبب ام الاسترا دى وهموت واجيبها اليومين دول وكل واحد يطلعلى فى البخت ويقولى هات الاوكتافايا احسن وهتعرف تبيعها وقفشت على ابويا كمان لما جية يقولى هات حاجة تعرف تبيعها وشكلى هولع فى المصريين كلهم عشان كل مكلم حد يقولى هات حاجة تعرف تبيعها... يا جدعان لية الاحباط انا عجبانى العربية واة انا عايز ارمى فلوسى فى الارض واشحت.. شعب غريب صحيح... المهم قولولى بقى اعمل اية هههههههههههه :p

هات حاجة تعرف تبيعها اكيد

وبعدين والدك نفسه بيقولك كده واهم حاجة في الدنيا رضا الوالدين
الموضوع مش محتاج تفكير طبعا طبعا هات الاسترا

**mohammedrefaat** · 06-12-2012 08:03 PM

المشاركة الأصلية كتبت بواسطة hdlhkhgikn

ايوة اعمل اية انا دلوقتى يعنى... انا مكفر سيئات الناس كلها بسبب ام الاسترا دى وهموت واجيبها اليومين دول وكل واحد يطلعلى فى البخت ويقولى هات الاوكتافايا احسن وهتعرف تبيعها وقفشت على ابويا كمان لما جية يقولى هات حاجة تعرف تبيعها وشكلى هولع فى المصريين كلهم عشان كل مكلم حد يقولى هات حاجة تعرف تبيعها... يا جدعان لية الاحباط انا عجبانى العربية واة انا عايز ارمى فلوسى فى الارض واشحت.. شعب غريب صحيح... المهم قولولى بقى اعمل اية هههههههههههه :p

الحيره قاتله و الفلوس بتقرص االاواحد و العربيتين احلى من بعض

**AHMED REFAT** · 07-12-2012 02:38 AM

المشاركة الأصلية كتبت بواسطة hdlhkhgikn

وقفشت على ابويا كمان لما جية يقولى هات حاجة تعرف تبيعها ... المهم قولولى بقى اعمل اية هههههههههههه :p

اسمع كلام ابوك .... اسمع كلام ابوك

اسمع كلام ابوك .... اسمع كلام ابوك

اسمع كلام ابوك .... اسمع كلام ابوك

**ayman1204** · 07-12-2012 10:34 AM

الاوبل اوبل برضوا
والاسترا السيدان الجديدة بتقول كلام حلوة على فكرة

**mohammedrefaat** · 07-12-2012 06:47 PM

و اللع يا جماعه رغم انى ميال للفانتازيا و بحب الاسكودا فى العموم يمكن لان معايا سكودا a4 بس بصراحه الاوبل اجمد بكتيييييير من الفانتازيا فى الامكانيات و الكماليات و سعرها ارخص بس هل هى هاتستحمل شغل زى سكودا ولا ايه ؟؟

**hdlhkhgikn** · 08-12-2012 03:20 AM

أفتكر هتستحمل .. يفترض يعنى بما إنها ألمانى

**moody_687** · 08-12-2012 07:12 PM

طبعا هتستحمل ياباشا ان كان التشيكي بيستحمل هيبقى الالماني مش يستحمل !!!

الموضوع: سكودا فانتازيا 2013ولا اوبل استرا سيدان 2013

LinkBack

أدوات الموضوع

عرض

-

-

-

-

المواضيع المتشابهه

اخوكم فى حيرة اوكتافيا فانتازيا ولا اوبل استرا سيدان 2013

استطلاع ما هو افضل لون اوبل استرا سيدان 2013

بيجو 408 2012 أو رينو فلوانس 2013 أو اوبل استرا سيدان 2013

نيسان بلوبيرد (جميع الكماليات) 2013 ولا استرا سيدان كوزمو 2013

حد جرب اوبل استرا سيدان 2013

الكلمات الدلالية لهذا الموضوع

المفضلات

المفضلات

ضوابط المشاركة