الموضوع: سكودا فانتازيا 2013ولا اوبل استرا سيدان 2013

المشاركة الأصلية كتبت بواسطة super_waves20

سبب تحيزى للاسترا ماتور اقوى شكل لسة جديد موديل السنة وشكل السنة مش منتشرة من نحيت التميز والانفراد عربية شيك مش اى حد ممكن يركبها التكنولوجيا الى فيها اعلى خد بالك.
ما دام بدفع فلوس يبقى اى كمالية زيادة تفرق معايا لو حتى (فواحة بيلت ان)
اكيد طبعا انتا فهمت التكنولوجيا الى فى العربية مش محتاج حد يقولك مميزتها دة غير انها اوبل انت بتركب عربية المانى مش صينى تانى حاجة اوبل عمرها ما نزلت عربية وطلعت تعبانة او قطع غيرها مش متوفرة ما دام انت قدرت انك تجمع المبلغ دة يبقى انت هتقدر على صيانة الاوبل كل الى اعرفهم جابوا عربيات زيروا صينى كورى المانى امريكى
بسم الله ما شاء الله اول 3 سنين مش بيحتاجوا حاجة فى العربية غير القطع الاستهلاكية الى بتفرق فى طول عمرها من ماركة لماركة
يعنى مش حجات تخض يعنى


فى المنتدى هنا اخ كريم اشترى فورد2012 فوكاس وعلق على موضوع حضرتك وقالك تقريبا اوكتافيا مش فاكر
وهوه راكب فورد ومعجب بيها واشتراها وبسببة دخلت شوفت اسعار قطع الغيار لقتيها كويسة يبقى اكيد هوه مش رامى فلوسة على الارض او حد لقاهم وبعدين مين قال لحضرتك ان سعر اعادت بيع الاوبل ضعيفة شوف الاوبل فيكترا 2010 دلوقتى بكام وشوف الفكترا a5دلوقتى بكام واحد معايا فى الشغل مهندس صيانة مشترى العربية فى شهر 6 ب 95 الف وعاملة حاجة 85000 كيلوا وفابريكة برة وجوة موديل على ما اعتقد 2008 كان ساعتها قدامة عربية فكترا 135 الف جنية يبقى فين سعر اعادة البيع المنخفض
فى حاجة كمان كل ما الشكل بيقدم كل ما سعرة بيقل الاوكتافيا بقالها كام سنة شكلها ثابت فى ناس كتير مش بتعرف تفرق قوى من الخلف ما بين ال a5 و الفانازيا
فا حرام تقارن حاجة تصميمها جديد بحاجة بقالها اكتر من سنه واحدة دة بس فى حالة التصميم

فا الاوبيل حاجة جميلة مش تخوف انك تركب عربية مش علشان لسة هتبقى من اوائل الناس الى هتركبها يظلمها او يعبها

ورشحتلك الاوكتافيا لان دة تفكير اكتر الناس الى حابة تركب المانى يعنى بالبلدى التفكير الى مش هيخصرك فلوس لا من سعر اعادة البيع ولا قطع الغيار ولا من نحيت اعطال غريبة ولا فتيس ولا حاجة من الحجات الى خلت الاوكتافيا تتميز وتثبت جدارة [overline]يعنى ركوبتها مكسب مش خصارة[/overline]
مع تحفظى على شكلها من وجه نظرى والعزل والاعدة فى العربية بالنسابلى كانت مش مريحة خاللللللص فى المشاوير الطويلة من مصر للمحلة للمنصورة الطريق الزراعى
فرامل جميلة اى ثبات حلو بس مش زى ال بى ام موديل 2002 والمرسيدس 500 ولينكون1999 مع خالى حابب اقولك حاجة اخير بتقارن اية باية

1. شكل قديم باخر موديل احدث تصميم وتكنولوجيا وكماليات
   
2. حجم اصغر بحجم اكبر من ناحية الطول والعرض وعرض قاعدة العجلات (لو ملى متر واحد يفرق معايا)
   
3. محرك اقل فى القوة مع محرك اعلى عزم وقوة احصنة (ولو حصان واحد فقط)
4. استهلاك بنزين 7.4 ضد 7.1

وربنا يعينك فى الاختيا انا حاسس بصعوبة الامر

كلام مظبوط جدا بس انا على فكرة رشحتله الاسترا وده امر طبيعي عشان اللي بيجيب عربية بيبقى نوع من اتنين واحد بيحب يركب عشان يستمتع ويحس انه دفع فلوس مقابل تكنولوجيا وحداثة وامكانيات وده زبون الفورد والاوبل السوبارو والرينو وواحد بيركب عشان السوق وده زبون الاوكتافيا والتيوتا والهيونداي والكيا مع احترامي طبعا للماركات دي انما ما ينفعش اقارن عربية موديل 10 سنين فاتو بعربية موديل السنة وخصوصا لو كانت اسم كبير زي الاوبل وفي الاخر هي اراء وربنا يوفق صاحب الموضوع للاختيار السليم ان شاء الله

المشاركة الأصلية كتبت بواسطة schumy

انا ليه راي في الموضوع ده لاني كنت في نفس الحيره دي بس كان بقالي فيها خمس شهور ابتداء من المقارنه مابين القاسقاي والاوكتافيا والفورد والسوبارو وانتهاء بالاسترا والحمد لله اخدت قراري ورحت حجزت الاسترا من يومين بناء عل المعطيات التاليه: ١- الفورد فوكاس عربيه ممتازه فخمه ورياضيه وقطع غيارها معقوله وتوكيلها كويس لكن عيبها القاتل البنزين ٩٥ ٢-السوبارو برده عربيه ممتازه بسعر ممتاز لكن عيبها القاتل توكيلها وقطع غيارها ناااااار وسعر اعاده البيع مش قليل لا ده مش موجود اساسا والعربيه مانتشرتش ولا نجحت خالص ٣-القاشقاي جميله وعيني عليها بس شايف انها مش احتياجاتي دلوقتي فعشان كده شلتها من الحسابات ميفضلناش دلوقتي غير الاتنين الجبابره الاوكتافيا والاسترا تعالو نقارن مابينهم كده اولا :المواتير : اقدر اعتبر الاتنين مواتيرهم ضعيفه عليهم وان كان في فرق تكنولوجيا وقوه لصالح الاسترا مع طبعا اهمال النسخه التيربو عشان البنزين ثانيا : جوده التقفيل والخامات : الاتنين عربيتين يعتبرو الماني متقفلين بره المانيا والجوده والخامات في الاتنين ممتازه والعربيتين تحس بتقل فيهم كده وانت راكبهم فمفيش فرق في الموضوع ده يعتبر ثالثا : الشكل الخارجي والداخلي : انا بصراحه شايف الاتنين شكلهم حلو وقوي وفخم بس انا شايف انه حرام الواحد يدفع الفلوس دي فعربيه زيرو شكلعا تقريبا هوه هوه بقالو كام سنه فين احساسك ان جبت حاجه جديده تخيل كده نفسك طالع من المعرض راكب الاوكتافيا الزيرو ياترى هتحس بانك جبت حاجه جديده استحاله طبعا ماهي هي الاوكتافيا الي مرميه في الشارع بقالها كام سنه فين باه متعتك في الزيرو وانت بتفرج اصحابك واهلك على عربيتك الجديده مفيش عادي جدا هتروح تقعد مع اصحابك واهلك وتقلهم انا جبت عربيه اوكتافيا جديده حتى مفيش واحد هيقولك تعالى فرجهاني مهو هيشوف اه هيه الاوكتافيا الي اكيد ركبتها قبل كده مع حد انا بصراحه حاسس ان الاوكتافيا هتضيع متعه العربيه الزيرو لانها مش حاجه جديده غير طبعا الاسترا الي لسا جديده حتى الهاتش باك بتاعتها الي كانت موجوده مكنتش منتشره فمعظمنا مركبهاش قبل كده كفايه احساسك وانت قاعد بنستكشف في زراير العربيه ده بتاع اه وده بتاع اه غير الاوكتافيا الي اكيد محفوظه رابعا : الصيانه والتوكيل : في النقطه دي تتفوق الاوكتافيا ان صيانتها واسعارها افضل بس اكيد مش كتير اصل انت كعربيه زيرو هتعمل فيها اه ان شاء الله غير الصيانات العاديه زيوت وفلاتر وسيور واعتقد ان الاتنين هيبقو في رينج اسعار واحد في الحاجات دي وياريت لو حد عنده اسعار صيانات وقطع غيار للاتنين من التوكيل ينشرهلنا خامسا: سعر اعاده البيع : وده تتفوق فيه الاوكتافيا بس تفوق مرهون بحاجات كتير اولها نزول الشكل الجديد و يانرى الشكل الجديد هينزل بفتيس اه وموانير اه واسعاره هتبا اه وهل الرابيد هتنزل ولا لا حسبه كده معقده لايعلمها الا الله وتقريبا مينفعش ابني عليها قرار شراء عربيه لان ممكن كل حساباتي تطلع غلط وابا جبت عربيه عشان المحافظه عل فلوسي وطبعا ده شيء مهم جدا بالنسبه لينا كلنا وطلعت غلطان. سادسا : الكماليات : ودي خلتها في الاخر لان ناس كتير هتعتبرها حاجه مش مهمه ولو انها بات مهمه طلم بتدفع فلوس وفي فرق سعر كمان مابين العربيتين وبالرغم من كده الاسترا كمالياتها اعلى ابتداء من ال esp وحساسات الاضاءه والمطر والباركنج والجنوط ال ١٧ الي اكيد تفرق كتير عن الطاسه والكاسيت ال usb والفرش الافخم وفي الاخر احب اقولك ملكش غير صلاه الاستخاره وتوكل عل الله اتفرج عل الاتنين وشوف هترتاح لمين فيهم وياريت موضوع جداول الصيانه بتاع العربيتين لو حد يعرف يجبهم يبا كتر خيره

الفوكاس بتمشي ب 92 عادي يا باشا هو المفضل بس 95

المشاركة الأصلية كتبت بواسطة astra200

صعب قوي تحط الأوكتافيا مع الهيونداي و الكيا

تكنولوجيا ألأوكتافيا قديمة بس متقدمة فهي تتمتع بتعليق متقدم ( افضل من الرينو وطبعا الهيونداي -- اتزان وثبات عالي -- حجم عبقري ( كبيرة من الداخل متوسطة الحجم من الخارج ) -- اعتمادية عالية

ألأوكتافيا فئة أعلي من الأسترا ( مقابلة للفكترا )

الأسترا حديثة وحلوة بس أصغر و أعتمادية أقل

أحنا بنحط مزايا وعيوب كل عربية وعلي صاحب الموضوع الأختيار

لا اسمحلى حضرتك الاسترا فئة الاوكتافيا والجيتا والفوكس
الفكيترا دلوقتى اللى هيا الانيسينيا فئة الباسات والسوبيرب وال508

المشاركة الأصلية كتبت بواسطة astra200

صعب قوي تحط الأوكتافيا مع الهيونداي و الكيا

تكنولوجيا ألأوكتافيا قديمة بس متقدمة فهي تتمتع بتعليق متقدم ( افضل من الرينو وطبعا الهيونداي -- اتزان وثبات عالي -- حجم عبقري ( كبيرة من الداخل متوسطة الحجم من الخارج ) -- اعتمادية عالية

ألأوكتافيا فئة أعلي من الأسترا ( مقابلة للفكترا )

الأسترا حديثة وحلوة بس أصغر و أعتمادية أقل

أحنا بنحط مزايا وعيوب كل عربية وعلي صاحب الموضوع الأختيار

حضرتك فهمتني غلط انا حاطط الاوكتفيا مع الهيونداي والالنترا على اساس ان دي العربيات اللي سوقها كويس في مصر والاكثر انتشارا لكن لما نيجي نقارن هانقارن الاوكتافيا بالاسترا والفوكاس ونقارن الهيونداي بالفلوانس على اساس نفس الفئة السعرية فهنلاقي الزبون اللي هايفضل الالنترا على الفلوانس في الفئة دي هو نفسه اللي هايفضل الاوكتافيا على الاسترا والفوكاس في الفئة التانية والعكس صحيح لأن هما دول وجهتين النظر المختلفين اركب لنفسي ولا اركب للسوق وصدقني الاتنين محدش فيهم غلطان هي بس وجهات نظر مختلفة