الموضوع: العربية مجننانى لادا 2107

اولا: انا متشكر جداً ليكم بجد واستافدت منكم كتير جدا.

ثانياً: العربية ساعات الكهرباء بتاعتها تعلى وساعات توطى وساعات على السلانسية تحس ان العربية هتبطل وساعات بتبطل فعلا وساعات تبقى عالية
المهم سالت واحد صاحبى قالى تروح للميكانيكى قوله يشد الكاتينة شوية هل الكلام ده صح ولا غلط ؟؟

ثالثاً: انا عايز اضبط التاكيهات هل دية اى ميكانيكى يقدر يظبطها ولا لا ؟؟

رابعاً: عايز اغير البيجوهات اية افضل نوع ؟؟

خامساً: انا جايب مياه خضراء تقريباً من 3 شهور ومكسل اغيرها عايز اعرف لما افضى الجركن كله فى الريداتير اكمل بمياه عادية ولا مياه اية ؟؟

سادساً: الفرامل عندى لما بدوس عليها بمسع صوت هواء بيطلع هل دية مشكلة ولا اية بالظبط ؟؟

وشكراً جدا بجد ليكم ياجماعة على مجهودكم ده

المشاركة الأصلية كتبت بواسطة joseph661

اولا: انا متشكر جداً ليكم بجد واستافدت منكم كتير جدا.

اولا اهلا يا جو من زمان مشفنشك فى المنتدى لعل المانع خير

ثانياً: العربية ساعات الكهرباء بتاعتها تعلى وساعات توطى وساعات على السلانسية تحس ان العربية هتبطل وساعات بتبطل فعلا وساعات تبقى عالية
المهم سالت واحد صاحبى قالى تروح للميكانيكى قوله يشد الكاتينة شوية هل الكلام ده صح ولا غلط ؟؟
المقصود هنا بالكهرباء هى كهرباء المكنة
ودى حاجتين يا مقدمة ( تسمع تسكيع وانت ماشى وساعات تسخن المكنة ولكن بتدى سرعة سنة لعربية ساعات )
يا ماخرة ( ممكن تغيب شوية فى الدورة ولكن ما بتسخنش المكنة وبترجع لعدم الظبط الدقيق من الاسطى بلية )
ولو المقصود بالكهرباء الانوار
تعلى وتوطى لوحدها بدون الضغط على الكفة (كتاوت الدينمومش مظبوط ) او ممكن السير مش مشدود صح
على حد علمى سير الكتينة ملوش علاقة

ثالثاً: انا عايز اضبط التاكيهات هل دية اى ميكانيكى يقدر يظبطها ولا لا ؟؟

تظبيط التاكيهات عملة زى الحلاقة اى حد يحلق ولكن مش اى حد يحلق نظيف وبسرعة وكويس
يفضل حد متخصص ولكن لو ميكانيكى شاطر فى الادا ممكن يعملها عشان المكنة تختلف عن الفيات ولكن الشرط الرئيسى تكون باردة جدا جدا - المهم ان عايز تظبط تاكيهات لية ( العربية بتسخن بزيادة - السحب مش مظبوط هكذا )

رابعاً: عايز اغير البيجوهات اية افضل نوع ؟؟
البوجيهات فى رائى ال ان جى كى محترم غير يقول فستك وغيرى يقول ماشى ولكن فى اعلى منها
اللادا 78حصان البوجيهات الاعلى مش هتخليها 110حصان شوية والادا يرجع تانى الى 70 حصان المهم تحافظ على تغيرها كل فترة مش لازم تخلعها من المكنة قطعة خالص لا ممكن كل 3 شهور تغيرها واحتفظ بالقديمة فى العربية

خامساً: انا جايب مياه خضراء تقريباً من 3 شهور ومكسل اغيرها عايز اعرف لما افضى الجركن كله فى الريداتير اكمل بمياه عادية ولا مياه اية ؟؟
ينفع تزود مياة البطارية بمياة عادية - ينفع ولكن الاملاح بتاعت المياة العادية كتير عشان كدة بنجيب مياة مقطر - اغلب بتوع الردادتير يعملو فيها الديب السحلوى ويقول يا باشا المياة الخضرا حامية - نحط مياة عادية عليها يعنى نص ونص اة م انا بفهم اكتر من الخواجة
قولة خليك فى كوزك لم اعوزك- باشا المياة الخضرا بتحط كلها ولم نحتاج نذ1ود بمياة مقطرة زى بتاعت البطارية وخلى باللك عشان الاتنين فى ازازة واحد الاختلاف فى الغط - مرة واحد ادنى مياة نار والحمد للة قبل ما الحط فى الرداتير بصيت قولت دا كلام
تشترى مياة مقطرة وتزود بيها

سادساً: الفرامل عندى لما بدوس عليها بمسع صوت هواء بيطلع هل دية مشكلة ولا اية بالظبط ؟؟
هوا بيطلع ازاى يعنى - ممكن تكون الكفة عايز تذيت عموما متشغلش بالك بالموضوع دا طلما ادئها كويس

وشكراً جدا بجد ليكم ياجماعة على مجهودكم ده

على الرحب والسعة - كما يقولون فى الافلام المترجمة هههههههههه