تنك البنزين اتخرم

**besokate** · 07-11-2012 11:14 PM

نزلت انهاردة لقيت بقعه بنزين كبيرة تحت التنك وفيه نقط عماله تنزل طلعت التنك لقيت خرم فيه عمال ينزل بنزين لحمته بالانبوبتين اللي بيضافوا علي بعض دول ولكن مشيت بيها شويه ولقيتها ابتدت تخر تاني رحت لواحد بيلحم عملهالي شغلانه وقالي هتاخد ساعتين لازم ننضف التنك ونغسله بخل ومع ذلك لما نيجي نشتغل هطلع دخانه كتير ده بنزين يا استاذ رحت معملتش حاجه لاني خفت وروحت

**hassanin_lada** · 07-11-2012 11:36 PM

لو الخرم صغير الحمه بالانبوبتين بس اهم حاجه مكان الكسر مايكونش في بنزين يعني مثلا لو الكسر من تحت خالص يبقي لازم تفضي التنك خالص

يفضل تفك التنك وتلحمه عند الراجل احسن ومنه بتنضف التنك من الشوايب

**zizo50001** · 07-11-2012 11:57 PM

بص الانبوبتين مش هيعمل حاجة مع البنزين
بص جيب حتة صبونة عليها ماية و امسح بيها مكان الخرم و سد بيها الخرم و مش هيفك لحد ما تلاقى تنك او تلحم دة

**Khaled Lanos** · 08-11-2012 12:45 AM

أنا رأيي تحاول تصلح الخرم دا أو تغير التانك بأسرع وقت لأن دا بنزين مش لعبة..وربنا يسترها عليك وعلينا.

**ahmed_gamal777** · 08-11-2012 11:07 AM

نصيحة لوجة الله اشترى تنك احسن - انا سالت علية من سنة كان عامل 200ج جديد
ممكن تشوفلك واحد استيراد يكون ارخص شوية - موضوع الحم فستك وبتكلف وبيضعف باقى التنك بسبب السخونة بتاع مسدس اللحم - وبعد فترة بتخرم تانى - وطمنا عليك عملت اية

**MEKAWY2000** · 08-11-2012 08:03 PM

ياجماعه لحام التنك مش مشكله وانا لحمت التنك بتاعى من سنتين وزى الفل المهم انك تفضيه من البنزين وبعد كده تروح لسمكرى سيارات وتلحم التنك بالنحاس وهيبقى زى الفل وفكه وتركيبه اسهل مما تتخيل مش محتاج اى حاجه

**besokate** · 09-11-2012 11:45 AM

انا لحمت التنك كويس قوي بالانبوبتين تاني بس اللي حصل انه بردة نقط تاني شلت التنك لاقيت خرم تاني قريب من الاولاني فرق خمسه سنتي ففكرت ان ممكن يكون فيه صدا في صاج العربيه نفسه لان التنك سليم فلحمت الخرم بالانبوبتين تاني ولكن حطيت تحت التنك فردة شنبر قديمه وبعديها حطيت كرتونه بحيث التنك ينزل علي نضافه وغسلت التنك كويس قوي طبعا وهو الحمد لله اتصلح بس هستني يومين واتابعه وربنا يستر

**GALALALDIN** · 10-11-2012 02:21 AM

خد التانك فاضى لواحد بتاع رادياتير....احسن لحام للتانك بيكون بالقصدير....انا عامله من سنتين

**ahmed_gamal777** · 10-11-2012 07:27 PM

المشاركة الأصلية كتبت بواسطة mekawy2000

ياجماعه لحام التنك مش مشكله وانا لحمت التنك بتاعى من سنتين وزى الفل المهم انك تفضيه من البنزين وبعد كده تروح لسمكرى سيارات وتلحم التنك بالنحاس وهيبقى زى الفل وفكه وتركيبه اسهل مما تتخيل مش محتاج اى حاجه

بقالن فترة متخناقناش مع بعض فى مناقشة يا مكاوى ههههههههههههههههه
ممكن تقولى كالفك كام - دفعت كام جندى - فك وتركيب ودياولة اتحداك من 50الى 150جندى ريح
دمغاك وهاتة جديد - دا تنك بنزين يا صحبى
عموما احلى حاجة بتعجنى فيك انك صاحب ونتجدال كتير بص حبيبى واللهى