الموضوع: مشكلة مية واحتمال جوان وش سلندر

كنت حاطط مية عادية وشلتها وحطيت مية خضراء.
المهم شلت المية الخضراء وحطيت مقطرة بس عندى المية بتنقص مش كتير ممكن نص كباية كل يومين ولا حاجة لو ماشى مشوار طويل لكن لوسبت العربية مدورتهاش المية ما بتنقص وكمان لو مشيت مشاوير صغيرة مع ملاحظة عدم وجود تسريب من الخارج
المهم رحت لمياكنيكى قالى دى جايبة جوان وش سلندل وبرهن على كدة شال فيشة بوجية ولقى لعربية بتلت وبتفتف من الشكمان المهم وقالى العربية بتلت معاك الصبح الصراحة هى عادى مبحسش بفرق بس ساعات لو جيت اشغل العربية الصبح بحس بصوت طرقعة بس بتهيألى من تحت مش من الموتور المهم صوت الطرقعة دة ما بيظهرش بقية اليوم الصبح بس وساعات كمان ميظهرش وصوت المكنة بيبقى عالى الصبح شوية بس دقيقة ولا حاجة ويهدى
روحت لواحد جنبنا كشف وقالى العربية مافيهاش حاجة وقالى للاطمئنان سيبنى انا ادور العربية الصبح.
مع ملاحظة عدم وجود طحينة فى الزيت يعنى الزيت بلونة الطبيعى ومستواة العادى وكمان المية فى الفربة لونها عادى بس هى فيها صدأ . ارجو الافادة

اخر الاخبار جبت الميكانيكى التانى وهو ثقة وخليتة يدور هو العربية الصبح مفيش الحمد لله تتليتة ولا حاجة فتح غطاء الموتور قالى لو جايبة جوان المفروض فى بخر يطلع او تطحن وبص على القربة قالى مفيش فقاقيع ولافى حاجة واحتمال كبير يكون غطاء القربة بيسرب بس الميكانيكى طمنى وقالى العربية ما فيهاش حاجة بس لسة مقلق من كلام الميكانيكى الاولانى اللى انا مقتنع انه نصاب