الموضوع: “335 ألف جنيه” في دفتر توفير «متسوّل» مات على رصيف بالقليوبية

طيب السؤال ... الفلوس دى هتروح فين؟

كتير أشوف شحاتين في السن دا ( ستات ورجالة ) وبكون متأكدة أنهم عندهم اللي محوشينه لكن أقول كفاية وقفته في الشمس وأحنا في التكييف وكفاية وقفته طول النهار والليل وأحنا موظفين أو أصحاب أعمال خاصة لينا حضور وإنصراف ودوام ، وأقول كمان يمكن ليه حفيد يتيم في مدرسة بيصرف عليه أو مريض محتاج له علاج او.... أو.... أو .... فبعمل اللي ربنا يقدرني عليه ( فأما السائل فلا تنهر )
ربنا يرحمه ويرحمنا ويارب مايكونش بيحوش وخلاص - لأنه لو بيحوش وخلاص يبقى حد وحش أوي - لكن لو كان وراه هدف وهو علاج ولا علم لأحد قريبه أو تزويج بنته أو بنتها - يبقى ربنا يرحمه .
أن مش بشجع الشحاتين - لكن في ظل ظروف الدولة والفساد اللي في الـ 30 سنة اللي فاتت - كان هيعمل أيه ؟ وفي ظل ظروف الدولة في فترة الثورة - برضوا كان هيعمل أيه ؟ ، وفي ظل ظروف البلد دلوقتي اللي بتعدي من عنق الزجاجة - برضوا هيعمل أيه ؟
أنا عارفة إن فيه حديث عن الرسول عليه الصلاة والسلام عن التسول فيما معناه إن أحنا نعطيه مطرقة خير من أن نعطيه ثمنها . وحديث ابن عمر رضي الله عنهما قال: قال رسول الله صلى الله عليه وسلم: ( ما يزال الرجل يسأل الناس حتى يأتي يوم القيامة ليس في وجهه مزعة لحم )
لكن ربنا يرحمنا جميعا والله أعلم بظروف وحال الناس

المشاركة الأصلية كتبت بواسطة friendship7897

كتير أشوف شحاتين في السن دا ( ستات ورجالة ) وبكون متأكدة أنهم عندهم اللي محوشينه لكن أقول كفاية وقفته في الشمس وأحنا في التكييف وكفاية وقفته طول النهار والليل وأحنا موظفين أو أصحاب أعمال خاصة لينا حضور وإنصراف ودوام ، وأقول كمان يمكن ليه حفيد يتيم في مدرسة بيصرف عليه أو مريض محتاج له علاج او.... أو.... أو .... فبعمل اللي ربنا يقدرني عليه ( فأما السائل فلا تنهر )
ربنا يرحمه ويرحمنا ويارب مايكونش بيحوش وخلاص - لأنه لو بيحوش وخلاص يبقى حد وحش أوي - لكن لو كان وراه هدف وهو علاج ولا علم لأحد قريبه أو تزويج بنته أو بنتها - يبقى ربنا يرحمه .
لكن ربنا يرحمنا جميعا والله أعلم بظروف وحال الناس

بالظبط كده.. ربنا هو الأعلم بحال الناس..
لأنه جايز جداً أنه كان موظف و دي مكافئة نهاية خدمته مثلاً و سايبها للأبنه و للا حفيدة و ملقاش حل تاني غير أنه يشحت الحبة اللي باقينله من عمره عشان يعيش نفسه هو..
فبلاش نحكم على حد بالسوء خصوصاً أن محدش يعرف ظروفه كانت ايه..