باسات و مشكله التسقيف

**authority973** · 28-11-2012 11:05 AM

المشاركة الأصلية كتبت بواسطة ahmedsadek82

اولا الباسات الfsi نسبة الانطغاط 1:12 و ديه نسبه عاليه جدا يجب استخدام بنزين اوكتين عالي عشان ميسقفش , ال95 اوكتين هو اقل اوكتين ممكن يستخدم و المثالي 98 اللي مش موجود في مصر طبعا

ثانيا : انت ضامن ان ال95 اللي في المحطات 95 ؟ مش 93 مثلا ؟؟ ,, متقلقش عامة كل الباسات بتسقف بال95 عادي و بيبان في المطالع قوي ,,,عربيتك مفيهاش مشكله اؤكد لك ,,, ما تقلقش

كلام سليم, انا معايا باسات 2008 FSI اخت عربييتك وبرده ساعات بتسقف, ومبحطلهاش غير 95, وسألت واحد صاحبى معاه نفس الغربيه بس 2009 وبرده بيحط 95 و قالى بتسقف برده, ملحوظة: حتى لو ال knocking sensor شغال انت ممكن تسمع صوت تسقيف, ف هو حاجة من الاتنين يا اما عربيتك سليمه ومفيهاش حاجة يا إما كل عربياتنا بايظه :), ملحوظة تانيه انا جربت احط 95 من مختلف بنزينات مصر علشان الموضوع ده موبيل, شيل, وطنيه, امارات مصر, وبرده بتسقف, التسقيف بيبقى على RPM معين وعلى سرعه قليله مش علطول, التفويله الحايه بقى هتبقى اول مره احط فيها 92 من ساعة لما العربيه جت, واما نشوف التسقيف هيبقى عامل ازاى وربنا يستر.

**hany63** · 28-11-2012 09:34 PM

بلاش ٩٢ هيخلص على الموتور
اذا كان ال ٩٥ بتاع بلدنا مش كافي يبقى ال ٩٢ هيعمل ايه

منه لله اللي كان السبب

**TRABYA** · 07-12-2012 02:08 AM

انا معايا باسات 2008 هاي لاين ملخص الموضوع ده كله في حاجه واحده وماتخليش حد يلعب في دماغك ويقولك حساس وفي مشكلة والكلام ده كله ، المشكلة في البنزين اقل حاجه ليها 95 وللاسف ال95 في مصر مغشوش زي اي حاجه فابلتالي بتسقف معاك لو انت ماشي علي مهلك ودوست بزين عشان تسرع شوية ، ده كل الموضوع

**Said Kotb** · 13-12-2012 08:15 AM

المشاركة الأصلية كتبت بواسطة authority973

كلام سليم, انا معايا باسات 2008 fsi اخت عربييتك وبرده ساعات بتسقف, ومبحطلهاش غير 95, وسألت واحد صاحبى معاه نفس الغربيه بس 2009 وبرده بيحط 95 و قالى بتسقف برده, ملحوظة: حتى لو ال knocking sensor شغال انت ممكن تسمع صوت تسقيف, ف هو حاجة من الاتنين يا اما عربيتك سليمه ومفيهاش حاجة يا إما كل عربياتنا بايظه :), ملحوظة تانيه انا جربت احط 95 من مختلف بنزينات مصر علشان الموضوع ده موبيل, شيل, وطنيه, امارات مصر, وبرده بتسقف, التسقيف بيبقى على rpm معين وعلى سرعه قليله مش علطول, التفويله الحايه بقى هتبقى اول مره احط فيها 92 من ساعة لما العربيه جت, واما نشوف التسقيف هيبقى عامل ازاى وربنا يستر.

يا تري ايه اخبار عربيتك مع تفويلة ال 92 ؟

بتسقف زي الاول ولا اعلى في معدل التسقيف وقوته؟؟

**authority973** · 16-12-2012 02:28 PM

المشاركة الأصلية كتبت بواسطة said kotb

يا تري ايه اخبار عربيتك مع تفويلة ال 92 ؟

بتسقف زي الاول ولا اعلى في معدل التسقيف وقوته؟؟

التسقيف طبعا زاد, بس مش زى ما انا كنت متخيل, و مش علطول برده, وفرق الأداء كسحب وكده بسيط جدا و مش ملحوظ بدرجه كبيره, الخلاصة 92 شغال معايا زى الفل ومن غير اضافات, وسألت واحد صاحبى مهندس كان شغال فى توكيل فولكس, قالى حط 92 عادى ومش لازم تحط عليه حاجه كمان, بس ممكن تبقى تفول تفويله 95 كل فتره, وسألته على حكاية ان التوكيل بيقول ال tsi تمشى ب 92 لكن ال fsi لأ, قالى العكس هو الى صح, والكلام ده كلو علشان يبيعو وخلاص.