عربيتى محتاجه تظبيط مين المهم ومين الاهم

**hossamalsadik** · 19-11-2012 01:01 AM

المشاركة الأصلية كتبت بواسطة acoal

خلاص ابعتلى العنوان بالتفصيل فى رساله خاصه اصل اخوك مش قوى فى المنطقه دى عارفها بالشبه واهى برضه تبقى تبع الخطه لانى اكيد برضه هحتاج اظبط زوايا بعد العفشجى وياريت لو كنت عملت عنده حاجه قبل كده تكتبلنا عشان نبقى عارفين رينج السعر بتاعه وموضوع الحجز مش مشكله
ربنا يبارك فيك ويرزقك بالزيرو ان شاء الله وشكرا لاهتمامك

بعتهولك برساله على الخاص

**ehab_mansour** · 19-11-2012 10:14 AM

المشاركة الأصلية كتبت بواسطة acoal

الله يكون فى العون ويهون عليك كل صعب
طيب انا هركن كل الكماليات بشغل الكهربا شويه بس انا بدات اعمل اللى اقدر عليه يعنى اخدت خريطه الفيوزات ورحت شايل كل الفيوزات اللى راكبه فى العربيه واشتريت الاحمال مظبوط ال10 امبير 10 امبير وال15 امبير 15 امبير ولو حاجه اتحرقت فيهم يبقى فى حمل على الجزء ده ولازم يتصلح لو مفيش حاجه اتحرقت يبقى شغل كهربائى عكاك وبيركب وخلاص بدون علم انا جبت الفيوز الواحد بنص جنيه
اكتشفت ان الكلاكس ملغى من جوه العربيه تماما الريلاى والفيوز كمان مع ان الريلاى اللى فى العربيه اصلى بتاعها بس هقول ايه بقى
عندى نور الفوجات اللى ورا موجود بس مش لاقيله زرار فى التابلوه وده هيجننى
ومعلش استحملنى فى الرغى بتاع الكهربا اصلى حبتها على كبر مع انى كنت بكرهها جدا

ولا يهمك ارغي في الكهرباء معايا كما تحب و انا معاك لو عايز ترغي اكتر دي شغلتي و هساعدك فيها قدر المستطاع لو لك فيها استفسارات حطها نقط 123 و انا ارد عليهم نقطة نقطة لحد ما تظبط كل حاجه قدر استطاعتنا

نقول ان شاء الله ابدأ فى العفشه
انا عندى ان العربيه بتوطى من ورا فى الحموله بيعملى احراج ساعات مع انى اغلب الوقت بفضل عربيتى عن اصحابى واقولهم مش هينفع نروح المشوار عشان المساعدين وبيفتكورها بخل منى بس انا بخاف على حاجتى قوى
سؤالى بقى غير طبعا اللى سألتهم فوق هل ينفع اشتغل فى الجزء اللى ورا واخلصه كله بمعنى الهاندبريك بالسوست بالمساعدين بكل حاجه وبعدين افكر ابدأ قدام؟
لو مينفعشى ايه تحديدا اول حاجه ابدا فيها فى العفشه باعتبار ان معايا مثلا 500 جنيه اول عن اخر فى كل مره يعنى بيجيلى 500 كل فتره معينه
انا جربت موضوع المساعدين اللى محمد سيد قاللى عليه ولما بسيب العربيه مبتتمرجحشى بلاقيها سلسه معايا فى الدوسه بس مش قوى ولما بسيب بتثبت على وضعها الاصلى بس لو قعدت على حرف الشنطه تروح مريحه لتحت بشكل لا يتناسب مع الوزن
معلش هصدعك معايا يا باشا بس اعمل ايه مبصدق ان حد فيكو يرد على موضوع انا عامله

شوف يا صديقي العفشة قدام ملهاش علاقة ورا خالص لأنهم منفصلين عن بعض لذلك انت ممكن تفك ورا و تظبط حالك و تخلصها خالص و بعدين تشوف قدام

توقعي الشخصي ان المساعدين لو مش بتتمرجح تبقي سليمة لكنها خفيفة و مع اي ثقل بتنزل يبقي انت محتاج مساعدين و ده في بداية نزول العربية لتحت و الباقي سوست المفروض هيا كمان تتغير لأنها اعتقد انها اتكبست و مبقتش ترد مع المساعدين
يعني انت تكشف الأول و تشوف الواقع بيقول ايه و استشير قبل التغيير و ياريت لو تغير جلب الكاوتش بتاعت الدنجل الخلفي كمان عشان اكيد اتقطعت و لو لقيت القصة فيها حاجات كتير انصحك تجيب جنبين استيراد نضاف ورا و تركبهم احسن بالمساعدين و السوست

و الله الموفق

**SYD** · 19-11-2012 10:47 AM

المشاركة الأصلية كتبت بواسطة acoal

عندى نور الفوجات اللى ورا موجود بس مش لاقيله زرار فى التابلوه وده هيجننى

عشان تشغل الفوجات الخلفية
عارف المفتاح بتاع النور اللي بتلفه علشان تنور التابلوه ولفة كمان تشغل النور الواطي ؟؟؟
شغله علي النور الواطي - وشده لبرة شدة واحدة تنور قدام - شدة كمان تنور ورا

انا جربت موضوع المساعدين اللى محمد سيد قاللى عليه ولما بسيب العربيه مبتتمرجحشى بلاقيها سلسه معايا فى الدوسه بس مش قوى ولما بسيب بتثبت على وضعها الاصلى بس لو قعدت على حرف الشنطه تروح مريحه لتحت بشكل لا يتناسب مع الوزن
معلش هصدعك معايا يا باشا بس اعمل ايه مبصدق ان حد فيكو يرد على موضوع انا عامله

كدة المساعدين تمام - والسوست هي اللي مسافرة

**SYD** · 20-11-2012 12:01 AM

المشاركة الأصلية كتبت بواسطة ehab_mansour

شوف يا صديقي العفشة قدام ملهاش علاقة ورا خالص لأنهم منفصلين عن بعض لذلك انت ممكن تفك ورا و تظبط حالك و تخلصها خالص و بعدين تشوف قدام

توقعي الشخصي ان المساعدين لو مش بتتمرجح تبقي سليمة لكنها خفيفة و مع اي ثقل بتنزل يبقي انت محتاج مساعدين و ده في بداية نزول العربية لتحت و الباقي سوست المفروض هيا كمان تتغير لأنها اعتقد انها اتكبست و مبقتش ترد مع المساعدين
يعني انت تكشف الأول و تشوف الواقع بيقول ايه و استشير قبل التغيير و ياريت لو تغير جلب الكاوتش بتاعت الدنجل الخلفي كمان عشان اكيد اتقطعت و لو لقيت القصة فيها حاجات كتير انصحك تجيب جنبين استيراد نضاف ورا و تركبهم احسن بالمساعدين و السوست

و الله الموفق

باشا
اسمحلي هوضح كلامك لأن فيه بعض الغموض
دور المساعد والسوستة
العربية محملة علي مين ؟؟
اولا العربية وهي نازلة بتحمل علي المساعد (عشان كدة بيسموه ممتص الصدمات)

وطب وبعد مانزلت، مين هيطلعها لفوق؟؟ السوستة
طب لو انا ماشي في طريق مدقات وحفر وطالع نازل ؟؟؟
يجي تاني دور المساعد وهو الأبقاء علي اتزان العربية والحفاظ علي مستواها
بمعني..
لو المساعد بايظ العربية هتبقي مرجيحة - السوسست هتلخيها طالعة نازلة

ولو المساعد سليم ؟ هيخلي العربية تنزل وتطلع وتنزل ..... وماتطلعش تاني
ايه هتفضل تحت ؟؟ لاء هتطلع بس بشويش زي كدة لما بتفتح شنطة العربية وتطلع بشويش لأن المساعد سليم وشغال بفعالية

طب لو السوستة مش تمام ؟؟؟
العربية هتنزل ومش هتلاقي حد يطلعها

طب لو السوستة والمساعد بايظين ؟؟؟
ربنا معاك

تحياتي

**SYD** · 20-11-2012 12:22 AM

المشاركة الأصلية كتبت بواسطة acoal

يبقى ان شاء الله كل حاجه متوقفه على الكشف ولازم الراجل يبص كويس لحسن يكون المساعد جايب زيت يبقى نستنى لما اكشف عليها تانى حاجه انا جربت موضوع زرار النور لقيته شده واحده بس مش اتنين ومفيش حاجه نورت ورا وانا معنديش فوجات قدام كاورجينال يعنى ال clk مفيهاش فوجات قدام مقفوله بطبب
ممكن تكون الشده الواحده دى بتاعه ورا وانا عندى مشكله فى الكهربا ولا انا اصلا راكب عربيه تانيه غير الابيزا وانا فاكرها ابيزا ودخلت المنتدى هنا غلط :)

انت اكيد شديته وانت منور التابلوه فقط
نور النور الصغير يا باشا (الواطي) وجرب شده - هتلاقيه بيشد معاك شدتين وكمان في لمبة في لوحة العدادات هتنور اصفر

**ehab_mansour** · 20-11-2012 10:31 AM

باختصار يا ابو السيد احنا مشكلتنا في ان العربية بتسقط مع التحميل فده يا اما مساعدين + سوست يا اما سوست بس يا اما مساعدين بس لأن الاتنين هما القاسم المشترك في موضوع التحميل

**ehab_mansour** · 20-11-2012 10:38 AM

المشاركة الأصلية كتبت بواسطة acoal

يبقى ان شاء الله كل حاجه متوقفه على الكشف ولازم الراجل يبص كويس لحسن يكون المساعد جايب زيت يبقى نستنى لما اكشف عليها تانى حاجه انا جربت موضوع زرار النور لقيته شده واحده بس مش اتنين ومفيش حاجه نورت ورا وانا معنديش فوجات قدام كاورجينال يعنى ال clk مفيهاش فوجات قدام مقفوله بطبب
ممكن تكون الشده الواحده دى بتاعه ورا وانا عندى مشكله فى الكهربا ولا انا اصلا راكب عربيه تانيه غير الابيزا وانا فاكرها ابيزا ودخلت المنتدى هنا غلط :)

مش لازم كل حاجه في عربيتك تكون هي فعلا بتعتها بمعني ... ممكن يكون زرار النور متغير قبل كده و ملقيش غير اللي فيه نور شبورة خلفي و أمامي لأن كل واحد ليه شده

و ممكن يكون عندك شده للخلفي و مش شغال عشان الزرار متغير و الفانوس و الضفيرة مفيهاش وصلة

بما ان عربيتك فيها لعب في الضفيرة و اكيد متغير فيها حاجات كتير و محتمل يكون من ضمنهم الفوانيس الخلفية ووو فمشتغلش بالك بتفاصيل ممكن متعرفش تشغلها او هتحتاج تغير في الضفيرة

اكيد فهمتني

لكن كونك راكب ابيزا و بتتكلم عنها في سيات نايل موتورز فده كله واقع و عايشينه و شايفينه و مش غلط لكن العربية محتمل يكون فيها حاجات كتييييييييير غلط احنا مش شايفينها :b4_556:

و بالتوفيق يا صديقي

**SYD** · 20-11-2012 10:48 AM

المشاركة الأصلية كتبت بواسطة ehab_mansour

باختصار يا ابو السيد احنا مشكلتنا في ان العربية بتسقط مع التحميل فده يا اما مساعدين + سوست يا اما سوست بس يا اما مساعدين بس لأن الاتنين هما القاسم المشترك في موضوع التحميل

بس هو اختبر المساعد لقاه شغال كويس
بس لو هيجيب الجانب كله علي بعضه بالمساعد - مفيش مشكلة - والزيادة مش هيخسر معاه
هيشيله احتياطي عنده

-

-

الموضوع: عربيتى محتاجه تظبيط مين المهم ومين الاهم

LinkBack

أدوات الموضوع

عرض

-

-

-

-

-

-

-

-

المواضيع المتشابهه

رأيكم الاهم في تعديل اللادا 1500

عربيتى خرجت بره ضمان التوكيل وعربيتى محتاجه شغل اعمل ايه شغل افيدونى

العربيه كده محتاجه هوزن بس ولا محتاجه عمره

المرحلة الاولى من تظبيط عربيتى اللانسر

الكلمات الدلالية لهذا الموضوع

المفضلات

المفضلات

ضوابط المشاركة