الموضوع: طلب مساعدة في الإختيار: Fluence Vs. Megane

المشاركة الأصلية كتبت بواسطة Ahmed A.Maksoud

هو فعلاً الأتنين واحد فى كل حاجة ما عدا الشكل والبودي

الإعطال اللى هنا هي اللى هنا............و عموماً لحد دلوقتي مفيش حد أشتكى من أى منهم شكاوى كبيرة.

كل اللى حصل كان عند بعض الناس الطارة الجلد بتقشر و بيغيروها على الضمان........عوامة البنزين.....نفس القصة.
و أعتقد عيب أو أتنين حاجات بسيطة برضه.

يشرفني طبعا إن الإجابة تكون من الإستشاري ذات نفسه, ولو ع الكلام اللي حضرتك كاتبه يبقي مش مشكلة خالص. أنا قصدي أعطال ف الكهربا أو مشاكل ف العفشة مثلا لا قدر الله بتظهر مع المشي وخصوصا إن الرينو مش مسموح لحد إنه يشتغل فيها (ميكانيكا أو كهربا). عامة كلامك مطمئن وكتر خيرك.

المشاركة الأصلية كتبت بواسطة medodola2012

بص يا باشا العربية معايا بقالها 15 الف كيلو فقط ومحصلش الا انى غيرت الواير بتاع ازاز السواق ولحمت الكرتيرة ودية حجات متعبش العربية دة سوء استخدام

باشا الحاجات دي بتحصل لنا كلنا, لكن الحمد لله مفيش مشكلة ف أي حاجة تانية ؟؟

المشاركة الأصلية كتبت بواسطة MohammedAladel

زى ما قال الاعضاء بالإضافة لإن الهاى لاين من ميجان 3 بتنزل بفتحة سقف بانوراما

أما الهى لاين من فليوانس مش عارف فتحة سقف عادية ولا بانوراما أعتقد عادية ودا ممكن يكون ميزة فى صالح الميجان

ميجان 3 هاي لاين المفروض بانوراما بس انت مبتشوفهاش كتير عشان السعر ممكن مرتفع حبتين بالمقارنة بموديلات تانية, أما الفلوينس ففتحة سقف عادية

عذرا اول مره أشوفها
شكلها روعه
بس في وحده تحت البيت بفتحه عاديه !!

على حسب معلوماتى

ميجان 3 بتنزل مصر بفتحة سقف عادية برضو زى الفلوينس

و فيه واحد صاحبى كانت معاه كان معاه فتحة سقف عادية ( اعلى فئة ) لأن مظنش هينزلوا فئة فيها فتحة سقف و فئة تانية فيها بانوراما

المشاركة الأصلية كتبت بواسطة Amr_Moh

عذرا اول مره أشوفها
شكلها روعه
بس في وحده تحت البيت بفتحه عاديه !!

باشا الصورة للأمانة من علي موقع إيجي سبيد, وممكن أوي متكونش للموديل اللي بينزل ف مصر هنا. لذلك أعتقد الأخ. مهاب نبيل ف المشاركة اللي بعد كده رأيه ورأيك هم الأصوب. وأسف إذا كنت إديت معلومة غلط.

المشاركة الأصلية كتبت بواسطة HOSSAM_GABRE

الفلوانس عربية عائلية
الميجان 3 عربية شبابية وكمان تليق للجنس الناعم اكتر من الفلوانس
باستثناء كده العربيتين شكل بعض بالضبط

دي نقطة بتخلليني أميل شويه للفلوينس بصراحة بالإضافة لموضوع إعادة البيع اللي سمعت إنه شويه مش ف مصلحة الميجان
بس كلامك أكيد صح واللي أكدلي كده إن مراتي هتموووت ع الميجان وبتقوللي الفلوينس (عواجيزي) أوي, بس انا مقتنع إنها بسيطة مع لمسة فخامة لا تخطئها أي عين

المشاركة الأصلية كتبت بواسطة Mohab.Nabil

على حسب معلوماتى

ميجان 3 بتنزل مصر بفتحة سقف عادية برضو زى الفلوينس

و فيه واحد صاحبى كانت معاه كان معاه فتحة سقف عادية ( اعلى فئة ) لأن مظنش هينزلوا فئة فيها فتحة سقف و فئة تانية فيها بانوراما

المشاركة الأصلية كتبت بواسطة Ahmed A.Maksoud

بصراحة مش فاهم يعني أيه مش مسموح لحد يشتغل فيها ؟

لو قصدك أن محدش بيشتغل فيها برة التوكيل............لأ فيه بس مش كتير طبعاً.

أنا عارف إن في صنايعية كتير شغالين في الرينو بره التوكيل بس الأفضل الواحد يتابع ع الأقل الصيانات الدورية ف التوكيل عشان الضمان وكده, وبعدين إشاعة إن الفرنساوي مش أي حد بيفهم فيه مخلياني بصراحة قلقان من التعامل مع أي حد خارج التوكيل.
الموضوع اللي حضرتك ذكرته هاذاكره كويس عشان واضح من إسمه إنه مليان معلومات مفيدة بالنسبة لي, وشكرا جزيلا للمتابعة

بالنسبة لموضوع الستبن اللى تحت دا كنت ماشى فى مرة وعربية وقع منها ستبن فضلت أجرى وراه بيب بيب لحد ما وقفته قلتله الستبن وقع منك ورا :)

كانت عربية نصف نقل