رقم موتور الميجان وشوية اسئلة

**medodola2012** · 17-11-2012 04:03 PM

ازيكم يا وحوش الميجان لو سمحتوا انا عايز اعرف رقم الموتور فين بالضبط انا اعرف انة فوق مقاس الزيت بس لما دورت ملقتش حاجة وقاعدت انضف واحسس ولا الهوا
وتانى حاجة وانا واقف النهردة لقيت عيل ابن .... بعجلة وراح واخدلى المراية الحمد لله سليمة بس فية حتة من الوش البلاستيك الى لونة مختلف عن لون العربية والمراية اتكسر وبقى شكلوا وحش كنت عايز اعرف الاقية فين وبكام

تالت حاجة بقى انا كنت ناوى لما انزل انقل الملكية من مرور السلام ل مرور بنى سويف كنت عايز اروح عند ميكانيكى شاطر اظبط العربية وانا قدامى اتنين عادل الى فى صقر قريش ودة اقربلى و واحد اسمة ايمن تقريبا فى شارع الهرم ودة عرفتوا من المنتدى يا ترى مين احسن واحد اوديلة العربية وانا مطمن

رابع حاجة ودية الاخيرة ان شاء الله القربة بتاعت مية المساحات اتكسرت باين وب تشر كل ما احط مية عايز اعرف دية جديدة او استيراد بكام والاقيها فين
اسف جدا انى طولت عليكم

**dedo_ryo** · 17-11-2012 04:57 PM

بالنسبه للقربه هي بتشر اول ما تحط ميه ولا لما تدوس على زرار المساحات ......... يا ريت تبص عالخرطوم اللي طالع من القربه للرشاشات فوق ممكن يكون فالت من مكانه و بالنسبه للوش بيتباع عند بتوع قطع الغيار بس بيبقى عايز يترش لان لونه جملي " ده اللي انا شوفته عند بتاع قطع الغيار " و رقم الموتور فوق مكان الزيت عاليمين شويه

**MohammedAladel** · 17-11-2012 05:29 PM

ركز شوية تانى فوق مقاس الزيت هتلاقيه موجود ياباشا

بالنسبة للقربة احتمال يكون الخرطوم هو اللى مقطوع ممكن تفك كارتيرة الرفرف عشان تشوف القربة نفسها لو حابب