الموضوع: سير كاتينة عربيتي اتقطع و رحلة العذاب

المشاركة الأصلية كتبت بواسطة hugan

خير ان شاء الله باشمهندس ايهاب

ربنا يكرمك

المشاركة الأصلية كتبت بواسطة sala7

ايهاب باشا ... صديقي .. الف حمد لله على السلامة يا كبير و فداك الدنيا كلها ولا تزعل حتته حديدة و بتتصلح

المهم انك بخير و اولادك تمام و بعد كدا ما تحملش هم و تحمد لله انه عفاك من اي هم اخر
انا عارف اني متاخر عليك كتير اوووووي انا اساسا بقالي بتاع يمكن يومين ما فتحتش ع المنتدى
مقصر معاك يا كبير متزعلش .. انا ملهي في الشغل جااامد و كمان عربيتي في سمكرة علشان خبطها خبطه رخمة جدا كنت برجع بضهري و مش شايف اللي جه فجاه ركن ورايا
قدر الله و ماشاء فعل .. المهم اني انا متعطل من جميع النواحي

ان شاء الله عربيتك تتصلح و ترجع تمام بس انا عاوز انصحك نصيحة .. في الالماني بالذات ما تصلحش .. لازم تغير .... لو ذاكرتي ماخنتنيش انا قاري انك مصلح بعض الحجات
اظن انك فاهمني ..... لان هو اصلا بطبيعة العربيات دي خشنة فلو ما ظبطهاش صح هتتكتم زيادة
القصد و الغرض من كلامي انك ما تصلحش و تغير في نفس الوقت
يا تصلح و تمشي حالك ياما تغير اللي باظ بحاجه سليمة من بابها ... التجربة خير دليل
بص يا كبير موضوع التاريخ و الصلاحية مش واخد بالي منه .. انا ماسك في ايدي سير دينامو BOSCH لسه جايلي طازة من المانيا اقسم بالله .... كلمت واحد صحبي كان مسافر و رجع كنت عاوز موبينة و سير دينامو جابهملي BOSCH من بلدهم ولا مكتوب اي افلام صلاحية ولا الهوا
و معايا علبه سير كاتينة BOSCH بردوا بصيت عليها بردوا ولا الهوااااا
اللي بيقطع سير الكاتينة الاتي يا كبير و كله بالدليل
1- ترس تاكيهات ملووح 4/1 درجة .
2- طرمبة مية لو بعافية و محجرة تقطع اللي صنعوا السير نفسهم بدري بدري تلاقي السير بعد 3000 كم بالسلامة يا روح قلبي .
3- تهريب زيت من اويل سيل عمود الكرنك على البكرة الخارجية (من الداخل الى الخارج) .
4- خامة سير الكتينة نفسها - ينصح بـ (الاصلية = BOSCH) .

خد بالك انا وانا في التوكيل اخر مرة سالت المختص عن التغيره راح فاتح الكمبيوتر كاتب رقم الشاسيه في لحظه و بعدين قالي بعد 60 الف هتيجي هتكون كدا مشيت عليه 90 ... هو بيتغير في التوقيت ده ، سالته عن التكاليف رد و قالي انه بيكلف علشان بيغيروا (سير + طرمبة مية + شددات انا عندي 2 علشان انا 20v و هيغيروا وايسيلات .... امر احترازي....) سألته يعني انتوا كل مره بتغيروا طرمبة ؟؟!!!! قالي هي بتكون اساسا بعد 90 الف و جو الخليج الحر بتكون جايبه اخرها و بدل ما نرجع نفك ده كله تاني و ندفعك ف احنا لو حتى فيها نفس تشتغل 40000 احنا بنغيرها احسن لانها بتكون فعلاً على وشك و ما نقدرش نحدد هتخرب امتى .
صيانة منطقة سير الكتينة هي timing belt area services
1- تغيير سير الكتينة الاصلي كل (90000 كم )
2- تغيير بكرة شداد سير الكتينة و احيانا بيكونو 2 بكرة .
3- فحص طرمبة المية و تغييرها ان وجد عطب .
4- فحص ميزان بكرات الحزام .
5- فحص تهريبات و تسريبات الصممات الكوتشوك الخاصة ب منطقة عمود التاكيهات و الكرنك .


ملحوظة اخيرة : لازم قبل ما تغير حزام التوقيت لاااااااااازم تاخد المعيار على المؤشر اللي حطه المصنع كما في الصورة .. و ده علشان اي مخالفة فيه = ماكينة مش صافية و برجله و تنتيش


ربنا يعوض خير ان شاء الله يا بوب ... حمد الله على سلامة عودتك من البحر الاحمر

صديقي مهندس صلاح ربنا يكرمك يا أفندم و انا مقدر ظروفك و ربنا يعينك علي ما انت فيه و الحمد لله علي كل شيء

بخصوص ما كتبته كله فتأكد تماما اني حاولت مصلحش و اغير فقط وش سلندر مكان اخر لكن ملقيتش و الحل اللي عملته ده هو اسهل الحلول مبدئيا لحالتي

موضوع الصلاحيه فده موجود و انا شفته بنفسي علي سير كاتينة لماركة برازيلي بتتركب لكل الألماني و مكتوب الأتي 8-2013 > install و معناها انه بتركب طول ما تاريخ التركيب قبل هذا التاريخ لو وصلته ميتركبش و السير ده كان انتاج 2008 و مرضيتش اركبه بخصوص كل اللي بتتكلم عنه من ضبط الكاتينة و ما غير ذلك فدي انا و بفضل الله عارفها منذ فترة كبيرة و من يوم ما اشتريت عربيتي دي و اي شغل عند الكاتينه انا اللي بقلهم ازاي تتظبط حتي الميكانيكي اللي عملت عنده و ده من أشهر ميكانيكية فولكس و يعمل في توكيلها

و شكرا علي نصائحك و تأكد تماما ان اخوك متفتهوش كل الحاجات دي بفضل الله و انتظر بقية نتائج الموضوع و انت هتعرف
اشوفك علي خير يا صديقي و علي فكرة الموضوع ده اتعلمت منه الكثييييييير ....... علي العموم حتي نلتقي لنا حديث

المشاركة الأصلية كتبت بواسطة hossamalsadik

الحمد الله يا بشمهندس انك سليم ده اهم حاجه صدقنى
أنا عارف ان لما يكون الواحد له فى الصيانه او معرفه وخبره بها ومابيرضهوش غير الشغل الصح
وربنا معاك وتخرج بنتيجه ترضيك بأذن الله ، وربنا ييسرلك الأحوال........

جزاك الله خيرا استاذ حسام و ربنا يسهل الحال حتي الأن لسه مجربتش .... الله المستعان