الموضوع: أخطر الطرق...

المحور ثم المحور ثم المحور !!!! أنا على هذا الطريق 6 أيام فى الأسبوع رايج جاى رايح جاى. الطريق زفت الفواصل زفت عالى و واطى كتير جدا حاجات بارزة عليه وقوف الميكروباسات عليه حسب مزاج السواق و الزبون , زحمة جدا , شباب حلو بيحب يتسابق عليه و النتيجة طبعا معروفة حوادث مميتة يوميا و فى الشتاء الشبورة و مع ذلك فى ناس برده بتحب تجرى مع انها مش شايفة حاجة :twisted: :twisted: سبحان الله .

الطريق زفت الفواصل زفت عالى و واطى كتير جدا حاجات بارزة عليه وقوف الميكروباسات عليه حسب مزاج السواق

الفواصل بصراحة انا بحس ان العربية بتتفك باقت حاجة تقرف من كتر الفواصل التى تعلو عن مستوى العادى المحور كلة كدة ربنا يكرمهم ويصلحوا عدل لانى سمعت انهم هايقفلوا ويصلحوة

طريق القاهرة السويس الكيلو 85 وتتميز هذه المنطقة بوجود المحاجر و ما أدراك ما المحاجر هذه المحاجر تقع على يمين الطريق و انت في طريقك الى السويس يعني فجأة و بدون مقدمات ممكن تلاقي تريلا طالعة بسرعة من المحاجر الي الطريق بدون سابق إنذار و النتيجة حوادث مميتة

اة انا عارفها الحتة دى التخطيط بتاعها غبى الية عاوز يطلع الكوبرى وجاى من اليمين الى الشمال وفى نفس الوقت الية ماشى فى طريق النصر وعاوز يدخل طريق السويس يكسر يمين فى والمهم انوا مافيش مطب ولا اى حاجة تهدى المنطقة دى ربنا يستر

المحور ده مش فاهم سايبينه ازاى هو مش رئيس الوزرا بيعدى عليه كل يوم رايح جاى؟
اخطر طريق مشيت فيه كان بعيد شوية عن القاهرة
كان فى الفيوم ناحية بحيرة قارون طريق ضلمة وحارة واحدة رايح جاى ومفيش اى جزيرة فى النص وكله ملفات
فكان من اكتر الطرق اللى كانت مرعبة فعلا بس الحمد لله ربنا ستر

أحمد السيد