أخطر الطرق...

**Driver** · 25-06-2007 10:26 AM

في مكان بقه نفسي اغرف مين المهندس الحمااااااااااااااااااااا ااااااااااااااااار الي صمموا
في نهايه الاوتستوراد بيبقى الواحد ممكن يطلع الكوبري علشان يروح مساكن شيراتون او ممكن يكمل علطول علشان يطلع طريق السويس وبيبقى الي جاي من شارع النادي الاهلي و الثانويه الجويه عندو نفس الاختيار بدون اي اشاره او حتى عسكري ينظم العمليه دي الي يعرف المكان دا اكيد هيفهم انا قصدي ايه

تخيل انني بعدي منه كل يوم وانا رايح شغلي في المطار....ده اكبر اثبات ان احنا عايشين بالبركة :mrgreen: :mrgreen: و بيني و بينك بفكر اركب لوحة تحذيرية بنفسي قبله و اكتب عليها : الرجاء من السادة السائقين التلفظ بالشهادتين قبل عبور البلنص :mrgreen: :mrgreen:

**أبو_حمزة** · 25-06-2007 11:51 AM

الطرق من 15 مايو لحد المعصره
مفيش عمود نور واحد بينور
و الطرق مليان حفر بشكل رهيب
لو مش حافظ الحفر و أول مرة تمشى فيه بالليل
خد أقصى اليمين و اوعى تعدى ال60
بس على القمة المحور من ميدان لبنان لحد الصحراوى
اللى بنى الطريق كان فى الأصل عفشجى :mrgreen:

**سمير يونس** · 25-06-2007 12:23 PM

كان فى الأصل عفشجى

:mrgreen: صحيح عشان يلاقي شغل هو و زملائه العفشجية

**fady** · 25-06-2007 12:57 PM

بس على القمة المحور من ميدان لبنان لحد الصحراوى

انا باعدي على المحور يوميا رايح جاي
فعلا مش ممكن كم الاهمال و التسيب اللي في طريق زي ده و عليه كثافه مروريه عاليه كده، الفواصل الغبيه اللي في الطريق كله بالاضافه الي الاختلاف المفاجئ في منسوب الطريق في بعض المناطق.
امال لو مكانش رئيس الوزراء بيعدي من عليه يوميا كان بقى عامل ازاي؟؟؟!!!
انا كنت سمعت انهم المفروض هيصلحوه ، حد عنده فكره عن الموضوع ده؟

**Driver** · 25-06-2007 12:59 PM

انا كنت سمعت انهم المفروض هيصلحوه ، حد عنده فكره عن الموضوع ده؟

اشك ان همة هيصلحوا رئيس الوزراء...هيسيبوه يتشال في التعديل الجديد :mrgreen: :mrgreen: او هيعملوه مع تعديل علبة الدريكسيون والتكييف :mrgreen: :mrgreen:

**محمدايهاب** · 25-06-2007 01:54 PM

حلوة يا زيزو

**Hossam_Hassan** · 25-06-2007 02:05 PM

المشاركة الأصلية كتبت بواسطة Driver

انا كنت سمعت انهم المفروض هيصلحوه ، حد عنده فكره عن الموضوع ده؟

اشك ان همة هيصلحوا رئيس الوزراء...هيسيبوه يتشال في التعديل الجديد :mrgreen: :mrgreen: او هيعملوه مع تعديل علبة الدريكسيون والتكييف :mrgreen: :mrgreen:

جوووووووووووووووووووووووو ووووووووووووووووووووووووو وووووون

**maged** · 27-06-2007 12:29 AM

المطبات اللى فى الشوارع عادى مقدور عليها لكن فوق الكبارى كمان بجد حاجة توجع المصرين مثل الفواصل بتاعة كوبرى 6 اكتوبر فى المسافة من االمهندسين حتى منزل رمسيس فواصل فعلا حاجة تخلى الواحد يفضل يتنطط بالعربية كده وكل نطه معاها احساس بالحسرة والشعور الملح بالبكاء وتخلى الواحد يكره استخدام السيارة ويفكر فى شراء طيارة