الموضوع: رجاء خاص .. بلاش إحباط :)

المشاركة الأصلية كتبت بواسطة ahmed.tv

انا بشكرك على ردك المتوازن

وده اللى بنقوله دايما ان احيانا فى مشاكل فردية .. ومش معنى ان فى مشاكل فردية اننا بنداريها
وعندنا اعضاء قدامى .. زى ما اخدوا خدمة مميزة من مراكز الخدمة نقدوها .. والتقارير موجودة
غير سعينا لتوصيل صوتنا بكل مشاكل الاعضاء

واحنا عشان لينا تجارب مع الوكيل بين الحلو والوحس .. مدركين الوضع تماما ماشى ازاى .. مش زى اى عضو جديد .. بيخاف ولما بيقرا ان فى مشكلة يبقا هى نهاية العالم ..

المهم ان فى الاخر المشكلة تتحل .. والوكيل ميقولش لعميل انت مالكش حاجة عندى .. وده مش بيحصل ابدا فى نيسان .. وبيعترفوا بالخطا وبيعالجوه

===
وبالنسبة لصاحب الموضوع .. انتظر الايام الجاية ويمكن خلال ساعات .. وحتتاكد لو بتابعنا دايما مدى قوة قسم نيسان وما وصل اليه عن غيره من باقى الاقسام والمنتديات الاخرى للسيارات قريبا فى مفاجاءة فريدة من نوعها .. حتخلى كل اعضاء نيسان وملاك نيسان فخورين بهذا المنبر .. اللى بنستغله بمنتهى العقل فى حل مشاكلهم وطرح المشكلة بعقلانية وبتروى بعيد عن الخروج عن قواعد الادب

انتظروا قريبا وخلال ساعات مفاجاءة وتتويج جهد السنين فى موضوع حصرى لملاك نيسان نايل فى مصر والعالم العربى

اية يا باشا المفاجئة دى انتة كدة مش هتخلينا ننام وهننتظرها:b4_564:

المشاركة الأصلية كتبت بواسطة abdulmoniem

السلام عليكم ورحمة الله وبركاته

دلوقتي أنا وغيري كتير من المنتظرين استلام نيسان الجديدة ..

كل يوم والتاني ألاقي واحد باعت موضوع هنا وعمال يشتم .. ولا يقول العربية ورق .. ولا يقول الكاوتش منتهي الصلاحية .. ولا يقول الوكيل زبالة .. ولا يقول قطع الغيار أغلى من العربية ..

بجد كدة كتير ..

جبتولي إحباط :d

بجد يا شباب بالراحة شوية علينا .. أنا واحد من الناس إللي مش بيفهم في العربيات وبشهد ربنا إني تعلمت حاجات كتير هنا بجد .. ومش بقدر أشارك بمعلومات زي ما الأفاضل بيشاركوا هنا لأنه معنديش معلومات أصلاً :d

لكن .. إحنا كل يوم والتاني ألاقي موضوع من اليومين دول .. أنا بقيت حاسس إني شوية وهكره العربية وهروح أسحب الحجز!

يا شباب إللي بتعملوه ده مش في صالح العربية بما إنكم ملاك للعربية .. المفروض إننا نعمل مجتمع قوي من ملاك نيسان ونحاول نوصل نصايحنا للوكيل عشان يفضل أفضل .. عشان أنا وإنتا وهو نقدر نتمتع بخدمة كويسة

فبجد كفاية لأنه جالي إحباط شديد .. :)

أنا حبيت أفضفض معاكم وأسف لو ضايقت حد :)

سلام عليكم

روح واسحب الحجز احسنلك والله أعلم
لو حضرتك من محبي نيسان
شوف الشيب القديم وممكن تركبله ايه بي اس اعتقد او زود وهات تيدا
بس بلاش تجيب عربية هندي اساسا موتورها الومونيوم 1500 وتدفع ده كله

مجرد رأي

المشاركة الأصلية كتبت بواسطة ultramisho

روح واسحب الحجز احسنلك والله أعلم
لو حضرتك من محبي نيسان
شوف الشيب القديم وممكن تركبله ايه بي اس اعتقد او زود وهات تيدا
بس بلاش تجيب عربية هندي اساسا موتورها الومونيوم 1500 وتدفع ده كله

مجرد رأي

ونعم الرأى
فعلا لا حول ولا قوة الا بالله
بقى عربية ممتازة من ناحية الامان والوسع وموتورحديث مصنوع من الالمونيوم اللى حضرتك معتبرة عيب واتجاه لمصنعى السيارات الحديثة بدلا من مواتير الزهر القديمة يتقال عليها كده
اللى عايز يعرف قيمة العربية يقارنها بالاكسنت الجديدة اعلى فئة وهو من نفسة حيعرف قيمة العربية .
يا اخوانا العربية دى اسمها نيسان , ودا اسم عريق جدا جدا فى صناعة السيارات وتكنولوجيا المواتير ,

اتمنى انى اشوف اليوم اللى الناس من نفسها تحط حد ادنى لكل سيارة قبل شرائها
1- اختبارات التصادم ونتيجتها
2 - abs -airbag- ebd- bas
بعد كده نبتدى نبص على الكماليات .

المشاركة الأصلية كتبت بواسطة saint2011

شوف حضرتك من غير أحباط ولا حاجة السيارة ممتازة وانا من ملاكها من 3 شهور وبعدين للأسف فيه ناس بتتعامل مع المنتدى كل واحد عندة مشكلة بيقولها ولو مفيش مشاكل متسمعش صوت حد للأسف وقلنا كتير المنتدى تواصل وتبادل خبرات وتجارب مش صفحة للشكاوى مثلا واحد مش عارف يقرأ تاريخ أنتاج الكاوتش المكتوبة يكتبلك صلاحية الكاوتش منتهية وطلع الكاوتش أنتاج سبتمبر وهو مستلم العربية فى أكتوبر يعنى تصرفات غير مسئولة وتسىء للسيارة أللى قوائم الأنتظار عليها خليت المصنع يضاعف الأنتاج ومش ملاحق لو عندك مشكلة وده وارد تتحل بالأصول مش الصوت العالى والتشهير وكلام خارج وألفاظ غير لائقة أسف طولت عليك توكل على الله والصنى سيارة ممتازة

الله ينور على كلامك يا استاذ حاتم
وعاوز أضيف على كلامك نقطة ياريت محدش ياخد رأى من واحد مش مالك للعربية وركبها مرة لفترة صغيرة و جاى يقيم لان فيه منهم كتير فجأة الأيام دى بقى بيخش على القسم يرمى كلمتين و يطلع عدا طبعا بعض الأشخاص المحترمين المعروفين على مستوى المنتدى مش القسم بس

وياريت تتأكد ان صاحب الكلام اللى بتقراه هو مالك للعربية أو اتعامل معاها فترة
وانا عن نفسى اللى خلانى اختارها سعرها مقابل قيمتها و وسع الصالون والوكيل القوى و سمعة نيسان اليابانية مع معرفتى ان الاجزاء اليابانية هى الموتور و الفتيس و الباقى معظمه هندى و التجميع وبعض المكونات مصرى واعتقد انها لا تختلف فى ذلك عن الشكل القديم المجمع فى مصر أيضا و سمعته كويسة