الموضوع: رجاء خاص .. بلاش إحباط :)

المشاركة الأصلية كتبت بواسطة abdulmoniem

جزاكم الله خيراً والله الواحد بيستفيد من كل الأراء إللي بتتقال بهدوء وعقلانية ..

بس إن واحد يخش يرمي كلمتين ملهمش أي تلاتة لزمة .. ويجري .. ده في حد ذاته شيء مؤسف مش عشان هيكرهني في العربية .. بس بحزن لما ألاقي ناس بتعمل كدة بدون حجة أو برهان

جزاكم الله خيراً جميعاً :)

أستاذ عبدالمنعم
حضرتك صاحب الموضوع وأكيد عامله مش علشان تحببك في العربية وخلاص لكن علشان تسمع جميع الآراء وتأخذ منهم ما يقنعكم
أنا طبعا ماعرفش تقصدني بالكلام ده أو تقصد غيري خاصة انني لم أرمي كلمتين ولا حاجة حتى لو مش عاجبينك وخاصة انني بتكلم في اشياء لا خلاف عليها يعني مش محتاجة حجة او برهان
ده الي بيخليني اعتقد انكم تقصدون غيري ربما ذكر اشياء عليها خلاف بدون برهان
ولكن حتى لو الامر كذلك فأنا أرى انك تساله عن سبب رأيه وبرهانه بدلا من مهاجمة واحد ربما اراد ان ينقل لك رأيه أو خبراته

اتمنى لكم التوفيق في اختياركم والخيرة فيما اختاره الله

تحياتي

المشاركة الأصلية كتبت بواسطة youssef.awad

تحياتى لصاحب الموضوع
واحب اقولك ان اختيار ربنا دايما بيكون افضل اختيار
وقبل الحيرة حضرتك اكيد طالما اخدت قرار بشراء اول عربية زيرو لازم تكون نزلت وشوفت بنفسك وقارنت بين الصنى وغيرها من كل العربيات فى نفس الفئة حسب مقدرتك الشرائية
وبالتالى لازم يكون اختيارك عن اقتناع تام 100% بالعيوب قبل المزايا ولا يكون لمجرد اتباع احد او كثرة الطلب او مبيعات الصنى
والامر فى الاول والاخر متروك لحضرتك وبينى وبينك كده العربيات دى اصلها قِرَف يعنى انت ونصيبك اللى ربنا كاتبهولك



اسمحلى اسجل اعجابى الشديد بتغليب العقل على اللسان والعاطفة لأنه فى اغلب القرارات الحاسمة بيكون صوت العقل هو الاصح



اخى الفاضل ..
لو كانت المواتير الالومنيوم عيبة ما كانت شركة المانية عظمى مثل اودى قد اعتمدتها فى سياراتها الفاخرة ..
وعن نفسى باعتبر الالمان عباقرة ابحاث التطوير فى صناعة السيارات فى العالم قبل اليابانيين انفسهم

أما بخصوص الهند والمكونات المصنوعة فى الهند احب اذكر المعلومات التالية لحضرتك:
1. خريطة انتاج السيارات فى العالم كلها اتغيرت فى اخر 10 سنوات بسبب الظروف الاقتصادية والازمات المالية العالمية بمعدل 180 درجة
2. تاتا الهندية اليوم باتت تمتلك سيارات فاخرة وانجليزية عريقة مثل لاند روفر - رانج روفر - جاكوار بعد شراءها من فورد الامريكية مؤخرا
3. شركات عظمى على مستوى العالم كله لجأت الى دول لا تاريخ لها فى صناعة السيارات لمجرد تقليل تكاليف الانتاج بشرط الاشراف الكامل من الشركة الام .. ومنها على سبيل المثال لا الحصر:
- مرسيدس و بى ام دبليو و فولكس فاجن لها مصانع فى الصين
- فولكس فاجن لها مصانع فى البرازيل والمكسيك
- تويوتا وهوندا لها مصانع فى تايلاند
- نيسان لها مصانع فى المكسيك والصين وماليزيا
- رينو لها مصانع فى المغرب ورومانيا
4. كل شركات السيارات مؤخرا اتجهت الى نظام تخصيص انتاج طراز بعينه فى كل مصنع لها فى بلد بعينها ومن ثم التصدير والشحن لباقى اسواق العالم وعلى سبيل المثال:
قاشقاى فى انجلترا - ارمادا ومورانوا فى امريكا - جوك فى اليابان - ميكرا فى الهند - تيدا فى المكسيك - ليفينا وبلوبيرد فى الصين وهكذا
5. كل شركات السيارات اليابانية تحديدا قلصت من حجم انتاجها داخل اليابان بارقام عنيفة لتجنب الارتفاع المبالغ فيه لتكاليف الانتاج ومن ثم ثمن بيع السيارة واتجهت الى دول اقل كلفة مع الابقاء على نفس نعايير الدقة والجودة
6. اغلب شركات السيارات اصبح تفكيرها فى دراسة جدوى السوق والانتاج بحيث تقترب من العميل فى حال وجود فرصة فى سوق ما ومنها على سبيل المثال:
مصانع تويوتا وهوندا ونيسان فى امريكا - مصنع نيسان فى مصر - مصنع نيسان فى انجلترا باوروبا (لاحظ ان معظم مبيعات القاشقاى كلها فى اوروبا)

كلام دسم ومقنع بارك الله فيكم