كيفيه عمل الاوفر دريف

**iahamza** · 19-11-2012 12:16 PM

السلام عليكم
معايا تيريوس 2010 أوتو بلاتينيوم . قرأت عن الاوفر دريت لغايه دماغى مضربت مش عارف الطبيعى بتاعه شغال على طول ولا مطفى وإمتى استخدمه وفيدته ايه.
افيدونى يا خبراء الأوتوماتيك
وشكراً

**verna2008auto** · 19-11-2012 01:46 PM

المشاركة الأصلية كتبت بواسطة iahamza

السلام عليكم
معايا تيريوس 2010 أوتو بلاتينيوم . قرأت عن الاوفر دريت لغايه دماغى مضربت مش عارف الطبيعى بتاعه شغال على طول ولا مطفى وإمتى استخدمه وفيدته ايه.
افيدونى يا خبراء الأوتوماتيك
وشكراً

بوص يا زميلي
الاوتوماتك 4 سرعات امامي و 1 خلفي او 5 امامي وواحد خلفي

عملية النقل اصلا في الاوتو بتتم عن طريق الزيت وسرعة دورانة في ال ( البطيخة ) دة لفظ بلدي عن المكان اللي بيدخل فية الزيت تقريبا 3 لتر ومابيخرجوش منه علشان يتحكم في عملية الكلاتشينج او النقل وفك التروس من بعضها لتعشيق النقلات والكمبيوتر( الكنترول يونت ) بيبقي برده لية دور صغير في الموضوع ده

طيب .. نقول انك لو كنت علي ال d العربية ها تنقل بناء علي سرعتك وسرعة الطريق لوحدها وكبستك للبنزين.. فا مش ها تدي الغيار حقة ( ده طبع الاوتوماتك ) انة بينقل مستريح

طيب لو انتا عاوز تشد شوية
انتا لو استخدمت الافر درايف ... بيخلي العربية تدي كل غيار حقة لغايه ما تنقل لوحدها بردة ( سرعة دوران الموتور ها تبقي عالية ) وها ينقل علي عدد لفات عالية ...
وفيدته انه بيدي عزم للعربية

كلمة الاوفر درايف علميا(( هي سرعة الموتور )) نفسة ...
وبنتطفي بعد ال 100 كيلو متر تقريبا عشان ينقل للنقلة الاخيرة ..
اية رايك

**iahamza** · 19-11-2012 03:15 PM

شكرا جزيلاً
معلش فى حته عاوز افهمها معايا فى التيريوس 2010 هو الديفولت بتاعه شغال و لا مطفى "انا ملاحظ انه شغال لان لمبه التابلوه مش منوره"
كمان هل استخدامه بياثر على الفتيس او الموتور.

**verna2008auto** · 19-11-2012 06:31 PM

المشاركة الأصلية كتبت بواسطة iahamza

شكرا جزيلاً
معلش فى حته عاوز افهمها معايا فى التيريوس 2010 هو الديفولت بتاعه شغال و لا مطفى "انا ملاحظ انه شغال لان لمبه التابلوه مش منوره"
كمان هل استخدامه بياثر على الفتيس او الموتور.

اولا .. اللي عاوز يبوظ ها يبوظ ...
وجود الاوفر درايف طالما حاطتلك زرارة سهل الاستخدام يعني ما اعتقدش انة بكده هايبوظ العربية

زي ما قلت ..
الاوفر درايف ..بيدي كل نقلة مداها .. يعني ليها حدود
وفي نفس الوقت علميا هوا سرعة دوران الموتور
بالنسبة للوضع الديفولت
لا مش شغال في اي عربية طبعا .. لان دي امكانية اضافية للاستخدام الغير عادي ولما بيشتغل فية لمبة بتظهر في الطابلوة

**Imhotep** · 20-11-2012 08:12 AM

بيشتغل لما تدوس على الزرار بتاعه و تلاقى نور فى التابلوه بيقولك od/off ده معناه انه شغال..... لكن لما يبقى النور ده مش مولع ده معناه انه مطفى...... انا عارف انها ممكن تلخبط شوية بس هى دى علامة و طريقة تشغيله.... اما بخصوص استخدامه الفعلى..... ممكن تستخدمه من اول سرعة 70 (قبل كده مش هيعمل حاجة) بأنك تدوس على الزرار بتاعه اللى فى الفتيس و فجأة هتلاقى العربية عزمها بيزيد جامد و تقزح و صوتها يغلى و سرعتها تجيب ال 100 فى وقت قياسى..... و ده بيبقى لان الاوفر درايف بيحبس الفتيس فى النقلة التالتة للحصول على اقصى عزم ممكن..... انا شخصيا باستخدمه فى حالات معينة ببقى محتاج اقزح فيها بسرعة زى حالات التخطى لما اجى اتخطى مقطورة بتستهبل مثلا او احيانا تانية بيساعد لمل تبقى محمل العربية حمولتها القصوى 5 افراد و شنط مثلا و طالع مطلع شديد..... برضه ساعتها انت بتبقى محتاج عزم جامد ..... لكن فى كل الحالات دى لا يزيد زمن التشغيل عن ثوانى معدودة لعدم التأثير بالضرر على الموتور..... اتمنى اكون وضحت بشكل بسيط و مفيد

**Imhotep** · 20-11-2012 08:28 AM

حاجة تانية..... من الشرح البسيط اللى فات كده تقدر تفرق بين الاوفر درايف و ال كيك داون.... الاوفر درايف مش هيشتغل قبل وصول العربية للتالت اللى وظيفة الاوفر درايف انه يحبس الفتيس فى النقلة دى عشان الحصول على اقصى عزم و بالتالى الاوفر درايف مش هيشتغل قبل سرعة 70 (جرب كده تدوس على الزرار و انت على سرعة 40 مثلا و مش هتلاقى اى تأثير سوى ان النور بتاعه فى التابلوه هينور بس ) اما الكيك داون فده ممكن يتعمل من بداية التحرك بالعربية فى الطلعات الامريكانى و الكلام ده

**iahamza** · 20-11-2012 10:44 AM

ألف ألف شكر ل verna2008auto و mahora
تسلموا على الشرح الجميل ده و المعلومه وصلت تمام.

**miciohab** · 15-12-2012 01:33 PM

شكرا على الشرح ..تحياتى..
انا كمان كان نفسى اعرف ايه فايدته...
بس عايز اعرف...يعنى ماينفعش يشتغل على طول...وقت قصير 3دقايق بس وبعدين اطفيه...
يعنى مثلا لو انا مسافر الساحل والطريق فاضى...ماينفعش اسيبه شغال....؟؟؟
وشكرا...

**Imhotep** · 15-12-2012 07:08 PM

المشاركة الأصلية كتبت بواسطة miciohab

شكرا على الشرح ..تحياتى..
انا كمان كان نفسى اعرف ايه فايدته...
بس عايز اعرف...يعنى ماينفعش يشتغل على طول...وقت قصير 3دقايق بس وبعدين اطفيه...
يعنى مثلا لو انا مسافر الساحل والطريق فاضى...ماينفعش اسيبه شغال....؟؟؟
وشكرا...

مينفعش يشتغل على طول لان كده هيبقى حمل غير طبيعى على الموتور و حرمان ليه من النقلة الرابعة بالاضاقة الى انك بتشغيله بتزود ال ار بى ام الف لفة زيادة مرة واحدة فمينفعش الحمل ده يستمر على طول

**هانى سمير** · 30-12-2012 04:28 PM

حراااااااااام الفتى بالمشقلب
اولا التريس عموما الاوفردريف الديفولد بتاعه شغااااااااااااااااااااااا اااااااااال على طول
وعند الضغط علية وعند ظهور كلمة o/d off بالعميانى يعنى وقف عن العملللللل امال off دى منظر ولا هطل
طيب نيجى لفائدته
اولا الجير بكس فى التريوس بة ترس خامس صغير يستوعب النقلات بدلا من الرابع الكبير اللى هو طبيعيا فى كل العربيات الاخرى تنقل علية ولا وجود للترس الخامس إلا فى السيارات الموجود بها اوفر دريف
ماشى طيب نقول لية هما مخلينوة شغال علاطول والشاذ هو قفله ( العكس)
نرجع نقول :-
1- توفير فى البنزين لأن عدد دورات الماتور على الاربى ام العالى على ترس صغير يوفر فى البنزين على عدد دورات عالية مع ترس كبيرر
2- يساعد على اطالة عمر الجير بكس
4- اطاله عمر الماتور والاحمال
طيب فى حاله غلق هذا الاوفر دريف :-
سوف يظهر طبيعيا فى الطابلوة رمز o/d off
معناة اية
أن السيارة سوف يزيد عزمها وذلك نتيجة استخدام الترس الرابع وارجاع النقلات لطبيعتها وليس العكس
اذا
الاوفردريف هو معناة سرعه كبيرة مع تباطئ مضاد سرعه دوران كثيف مع ترس صغير
وهذا اساس التريوس هو ان يكون الاوفر دريف شغاااااااااااااال والعكس صحيح
وذلك لبقاء عمر المحرك وكفائتة العمرية واقتصادية فى البنزين ولن يضر والللخ
يبقى نفهم ان فى الاصل الاوفر دريف شغاااااال
والعكس هو فصل الاوفر دريف
وحتى الصديق وهو يشرح نجدة يتكلم عن عدم دخول الترس الرابع فى وظيفته والخطأ انه قال مع فتح الاوفر دريف طيب العزم والقوة ظهر من اين الا يسترجع كلامه
ولكن كان الاحرى ان يتاكد من الاجابة
وانا احاول الشرح ومع استعداد لكتابة لو اسلوبى لم يصل لأحد وعذرا ولا اقصد التبجح على احد أو الفرودة ولكن
يجب ان نكتب كلام سليم يستفيد منه الاخرين ولا نفتى فيقع كل منا فى خطأ
وشكرا للكل ويسامحنى من تحاملت علية ولم اذكر اسمه لإحترامى له ولمحاولته