سؤالين في السريع لفرسان الفيليشيا ...

**benmatar** · 21-11-2012 11:20 AM

والله يا فندم اتصلت بمصنع زجاج أمان في 6 اكتوبر المنطقة الصناعية، وهو مصنع مضمون ومعروف زي جريش بالظبط، وكلمت المبيعات ولاقيته عندهم و3 طبقات سيكيوريت، وتمنه 230ج.م بالتركيب.
مرة رحت من سنة مع حد وركب شباك لعربيته وكانت موديل السنة، ومخدوش ربع ساعة تركيب وبكل نظافة ورجع زي الزيرو. واسعارهم تحفة، يعني مثلا سألت عند حد على البرابريز برضه امبارح قاللي وبعد فصال 250 ومعليهوش أي حاجة ولا اسم ولا شعار غير لوجو سكودا تعبان، ولما سألته قال طبقتين.
وعلى فكرة مصنع أمان ده بيعملوا زجاج للبافارية. ناوي بإذن الله أروح واركبه عندهم وابقى ابلغ حضراتكو بالنتايج.
بالنسبة للكبالن لسة الموضوع قيد البحث رغم إن الميكانيكي كلمته وبيرشح الاستيراد عن الصيني بس المهم الفحص الجيد عند الشراء وإنه يكون معايا، وبرضه هستخير بين الجديد والاستيراد واللي عنده تجربه مينساش اخوه الصغير وينصحني...

**المنسي** · 21-11-2012 02:29 PM

المشاركة الأصلية كتبت بواسطة benmatar

والله يا فندم اتصلت بمصنع زجاج أمان في 6 اكتوبر المنطقة الصناعية، وهو مصنع مضمون ومعروف زي جريش بالظبط، وكلمت المبيعات ولاقيته عندهم و3 طبقات سيكيوريت، وتمنه 230ج.م بالتركيب.
مرة رحت من سنة مع حد وركب شباك لعربيته وكانت موديل السنة، ومخدوش ربع ساعة تركيب وبكل نظافة ورجع زي الزيرو. واسعارهم تحفة، يعني مثلا سألت عند حد على البرابريز برضه امبارح قاللي وبعد فصال 250 ومعليهوش أي حاجة ولا اسم ولا شعار غير لوجو سكودا تعبان، ولما سألته قال طبقتين.
وعلى فكرة مصنع أمان ده بيعملوا زجاج للبافارية. ناوي بإذن الله أروح واركبه عندهم وابقى ابلغ حضراتكو بالنتايج.
بالنسبة للكبالن لسة الموضوع قيد البحث رغم إن الميكانيكي كلمته وبيرشح الاستيراد عن الصيني بس المهم الفحص الجيد عند الشراء وإنه يكون معايا، وبرضه هستخير بين الجديد والاستيراد واللي عنده تجربه مينساش اخوه الصغير وينصحني...

انا كمان عندى الزجاج الامامى محتاج يتغير لانه مشروخ من النص من فوق لحد تحت بس مفيش فلوس ليه دلوقتى وعندى حاجات تانية بظبطها فى الميكانيكا ان شاء الله لما انوى هابقى اكلم حضرتك واستفسر عملت ايه وربنا يوفقك

**sakr_skoda** · 22-11-2012 09:51 PM

وانا ونا ونا والله الزجاج الأمامى مكسور من الزويتين وشروخ بتتمدد كل شويه روحت لحمة عند بتوع لحام الزجاج وقال ايه ضمان مدى الحياه ههههههههههههه واخدو 80 جنية وبرضوا مافيش فايدة تعالو نتجمع كلنا كدا على بعض وعندى زميلى فى الشغل كمان ونروح ركب جمله ممكن يعملو لينا تخفيض ههههههههههههههههه ايه رئيكم....

**aw2100** · 24-11-2012 10:13 PM

وانا حاجى من الأسكندرية معكم للفسحة فقط هههههههههههههههه والحمد لله الزجاج الأمامى عندى سليم وعلى فكرة لقيتة مش الأصلى متركب زجاج الأمان و 10/10

**benmatar** · 27-11-2012 10:48 PM

المشاركة الأصلية كتبت بواسطة ahm662

أنا كان البربريز بتاعي سرطن و غرق العربية كسر زجاج رحت جريش عندنا اشتريت واحد سوكريت مش عارف طبقة و لا اثنين بس شكله محترم المهم كان عامل ١٩٥ وزي الفل اما الكبالن أنا جبت الموتور استيراد بالكبالن عمل ٣٠٠٠ بس كانوا كويسين جدا ( مش أنا غيرت الموتور .بس للأسف بعت العربية و هذا لا ينقص من انتمائي لقسم اسكودا شئ )

ويا فندم بنتشرف بيك، وبجميع الزوار اللي هيطلعوا معانا رحلة لمصنع الزجاج
ممكن يعملوا خصم للجملة.....

**mobreturn** · 29-11-2012 12:19 AM

المشاركة الأصلية كتبت بواسطة benmatar

كلام جميل ودايما بفكر كده بس مش في كل الحالات، يعني معقولة ألاقي برابريز استيراد؟؟ مظنش
وبالنسبة للكبالن ده ممكن، ولاإيه رأيكو؟؟

فى طبعا بربريز استيراد او مستعمل عند بتاع قطع الغيار المستعمل بس بالنسبه للكبالن لو مفيش فلوس تجيب الاصلى هات الصينى هو كويس انا مجربو مرتين وشغال معايا كويس الاتنين ب 150 ج من التوفيقيه من مخل اسمو السيد صلاح ونصيحه ابعد عن الاستيراد فالكبالن
افهمك ليه الكبالن لما تبوظ ممكن يتعمل ليا خاجه اسمها ملو كبالن والعمليه دى بتتعمل مره واحده فى عمر الكوبلن فقط فالصينى لما يبوظ انت واثق انو متعملش قبل كده وممكن تملاه ويعيش فتره بعد كده اما المستعمل انت متتضمنش انو متملاش قبل كده فممكن يبوظ بعد فتره قصيره مع العلم ان المشتعمل ده بنفس سعر الصينى الجديد ويمكن المستعمل اغلى كمان . انا العربيه معايا بقالها 3 سنين والكلام ده عن تجربه فالاتنين واسف للاطاله