سؤالين في السريع لفرسان الفيليشيا ...

**benmatar** · 19-11-2012 03:22 PM

السلام عليكم
الحمد لله وانا على الدائري امبارح طوبة أو زلطة ضربت البرابريز الأمامي وعملت شرخ دائري وبعد ساعة اتوسع ولازم أغير البرابريز، عاوز اشتري واحد أصلي أو على الأقل كويس وماركة محترمة، محدش يعرف فين، وبكام؟؟؟ على شرط إن الصنايعي اللي يفكه يكون نظيف وفنان... حد مجرب؟؟؟

تاني سؤال بخصوص الكبالن، بدأت تسمعني إيقاعها اللي محدش مننا بيحب يسمعه في الدورانات، سمعت إن ناس بتنصح بالصيني أبو 150ج.م معقولة ده كويس؟؟؟ ولا اشتري ألماني تمنه 400ج.م؟؟؟؟

وشكرا

**sakr_skoda** · 19-11-2012 03:26 PM

المهم الف حمد الله على سلمتك انتا ياراجل........

الصينى شغال وكويس والله بس طبعا الألمانى الأصلى لا يعلى عليه دا بالنسبة للكبالن انما موضوع البريبز ممكن حد تانى يرد عليك فيه لنى لا اعلم عنه شئ

**المنسي** · 19-11-2012 03:53 PM

ازيك وعامل ايه بقالى كتير ماسمعتش صوتك الزجاج الامامى هاته من دكتور جريش ومصنعه فالعاشر هحاول اجيبلك رقم تليفونهم وتتصل تسال عليه بكام والكبالن زى ما قال الاستاذ صقر لو فيه فلوس هات الالمانى لو العملية مش اوى خليك فالصيني واهو هياخدو وقتهم برده وهيتغيرو

**محمد التلاوي** · 19-11-2012 07:45 PM

السلام عليكم و رحمة الله و بركاتة أتشرف بأني عضو جديد فالمنتدي قديم فاستعمال السيارات بس أخري كنت راكب اسبرانزا a516 و دلوقتي معايا النترا 94 كان ليا حظ كبير مع كل زجاج العربيات حضرتك كل الزجاج في مصر أغلبيته دكتور جريش لكن خلي بالك فية طبقة واحده و دة لما بيتكسر بيسقط على السائق و يعورة لا قدر الله و الثاني طبقتين زجاج و بينهم طبقة بلاستيك سميكة و دة لاما بيشرخ لا قدر الله بيبقى ماسك نفسة تمام و أغلبية سعر البربريز حوالي من 350 إلى 400 بتركيبة أرجو ان اكون قدمت إفادة سليمة و الله اعلم .........

**benmatar** · 19-11-2012 10:22 PM

المشاركة الأصلية كتبت بواسطة محمد التلاوي

السلام عليكم و رحمة الله و بركاتة أتشرف بأني عضو جديد فالمنتدي قديم فاستعمال السيارات بس أخري كنت راكب اسبرانزا a516 و دلوقتي معايا النترا 94 كان ليا حظ كبير مع كل زجاج العربيات حضرتك كل الزجاج في مصر أغلبيته دكتور جريش لكن خلي بالك فية طبقة واحده و دة لما بيتكسر بيسقط على السائق و يعورة لا قدر الله و الثاني طبقتين زجاج و بينهم طبقة بلاستيك سميكة و دة لاما بيشرخ لا قدر الله بيبقى ماسك نفسة تمام و أغلبية سعر البربريز حوالي من 350 إلى 400 بتركيبة أرجو ان اكون قدمت إفادة سليمة و الله اعلم .........

شكرا يا فندم للإفادة وعشان كدة نفسي ألاقي أصلي بس غالبا مش هلاقي
هشوف جريش وأتأكد إنه طبقتين مش طبقة واحدة

**aw2100** · 19-11-2012 10:59 PM

المشاركة الأصلية كتبت بواسطة benmatar

السلام عليكم
الحمد لله وانا على الدائري امبارح طوبة أو زلطة ضربت البرابريز الأمامي وعملت شرخ دائري وبعد ساعة اتوسع ولازم أغير البرابريز، عاوز اشتري واحد أصلي أو على الأقل كويس وماركة محترمة، محدش يعرف فين، وبكام؟؟؟ على شرط إن الصنايعي اللي يفكه يكون نظيف وفنان... حد مجرب؟؟؟

تاني سؤال بخصوص الكبالن، بدأت تسمعني إيقاعها اللي محدش مننا بيحب يسمعه في الدورانات، سمعت إن ناس بتنصح بالصيني أبو 150ج.م معقولة ده كويس؟؟؟ ولا اشتري ألماني تمنه 400ج.م؟؟؟؟

وشكرا

الأستعمال ثم الأستعمال انضف من الجديد سواء فى الزجاج او الكبالن بس اشترية من واحد ثقة وحتضمن انه يكون الأصلى بتاع العربية افضل كتير من الجديد دى وجة نظرى وعن تجربة بالنسبة لقطع غيار الفليشيا الأستعمال الأصلى معمر جدا

**aw2100** · 20-11-2012 08:38 PM

بربريز استيراد تلاقية بيتفك من نص استعمال بس حيبقى غالى شوية عن الجديد وممكن تجيبة بالكاوتش كمان ودة افضل !

-

-

-

الموضوع: سؤالين في السريع لفرسان الفيليشيا ...

LinkBack

أدوات الموضوع

عرض

سؤالين في السريع لفرسان الفيليشيا ... - انشر الموضوع فى :

-

-

-

المواضيع المتشابهه

سؤالين فى السريع

سؤالين في السريع

سؤالين كدا فى السريع ..

سؤالين في السريع

سؤالين ع السريع كده

الكلمات الدلالية لهذا الموضوع

المفضلات

المفضلات

ضوابط المشاركة