اسعار الفلوانس المستعمل--- حاجة غريبة

**Land_Cruiser** · 20-11-2012 02:32 AM

المشاركة الأصلية كتبت بواسطة airfox

انا واحد صاحبي لسه مشتري موديل 2011 كانوا طالبين 105 وخلصت علي 100 بس العربيه اكنت عامله 37 الف كيلو وده كان عيبها الوحيد و صاحبها كان مدير و الشركه بتغيرله عربيه كل سنه بس هو بيسافر كتير و العربيه كانت كل صيانتها في التوكيل و ماكنتش رشه حاجه بس كانت محتاجه طقم كاوتش وفيها شويه خرابيش اي كلام برده كان مقلق لما اشتراها و كشف في التوكيل و عمل صيانه ال 40 الف و العريبه زي الفل . فمعني ذلك ان اوقات بيبقي في عربيات لقطه و العريبه كانت اعلي فئه من غير فتحه سقف و عمتا برده لو هي ب 142 و بتنزل ل 115 في سنه فده كتير مش قليل و هي ديه مشكله الرينو في مصر بس يمكن مصلحه للي هيشتري وكل واحد بياخد نصيبه . و تقربيا لما حد بيجي يبيع و طلب سعر عالي محدش بيشتري منه فبيطر ينزل في سعرها لو فعلا محتاج يبيع

الموضوع ده ممكن يحصل كده صدفه زى ما حصل مع صديق حضرتك و يطلع حظه حلو و العربيه تكون سليمه فعليا و رخيصه لان اللى بيستخدمها مش صاحبها و بالتالى هو دافع جزء صغير او مش دافع خالص و لذلك بيتهاود فى السعر لكن اغلبيه العربيات اللى بتبقى معرووضه للبيع ما بتبقاش كده و لو دورت على مواقع بيع سيارات تانيه هتلاقيها هى هى معروضه بالصور فى سوق السيارات و مش بعيد تكون محطوطه باسعار تانيه مختلفه . بس سيبك انت الموضوع بتاع كل سنه ده بيغير العربيه تبع الشركه هو اللى غريب حبتين . العرف فى الشركات ان العربيه بتتغير كل ٣ او ٥ سنين إنما سنه فقط و كمان هو اللى ياخد الفلوس دى جامده جدا. هما مش عايزين مهندسين يا باشا

**yalahwy2010** · 20-11-2012 11:37 AM

الفلوانس لما بتبقى حالتها حلوة.....يعنى مثلا موديل 2011 وعاملة من 20 : 30 ألف كم.....سعرها مش هيقل عن 110000 : 118000 ......ودى لو مثلا رشة اكصدام او رفرف بالكتير.....لكن لو دخلت فى كيلوات أكتر او رشة كبوت او شنطة او أبواب.....ممكن تقل عن كدة...(والكلام ده طبعا على الفئة الأكثر انتشارا - الفئة التانية اوتوماتيك
والضمان برضه انا شايفه عامل مؤثر جدا على سعر العربية
يعنى لو العربية ما زالت فى الضمان.....يخللى صاحبها يتشرط ويمسك فى السعر العالى الأكتر
والعربية البيتى دايما بيبقى سعرها أحسن كتير من عربيات التجار والمعارض
لكن انا شايف ان سعر الفلوانس مش هينزل زى الميجان....لأن سبب نزول سعر الميجان هو أعطالها الكتير
والموضوع ده الحمد لله مش موجود فى الفلوانس

**airfox** · 20-11-2012 01:07 PM

المشاركة الأصلية كتبت بواسطة د.اشرف هنداوى

صاحب حضرتك مش عايز يبيع؟

ده هو لسه مشتريها و مبسوط بيها و بصراحه انا ناوي لو هو هيبيع اخدها منه لانه اصلا لو فضلت معاه سنتين ولا 3 مش هيمشي بيها كتير فتلاقيها كانها عامله الكيلومتر الطبيعي بتاعها

**airfox** · 20-11-2012 01:17 PM

المشاركة الأصلية كتبت بواسطة land_cruiser

الموضوع ده ممكن يحصل كده صدفه زى ما حصل مع صديق حضرتك و يطلع حظه حلو و العربيه تكون سليمه فعليا و رخيصه لان اللى بيستخدمها مش صاحبها و بالتالى هو دافع جزء صغير او مش دافع خالص و لذلك بيتهاود فى السعر لكن اغلبيه العربيات اللى بتبقى معرووضه للبيع ما بتبقاش كده و لو دورت على مواقع بيع سيارات تانيه هتلاقيها هى هى معروضه بالصور فى سوق السيارات و مش بعيد تكون محطوطه باسعار تانيه مختلفه . بس سيبك انت الموضوع بتاع كل سنه ده بيغير العربيه تبع الشركه هو اللى غريب حبتين . العرف فى الشركات ان العربيه بتتغير كل ٣ او ٥ سنين إنما سنه فقط و كمان هو اللى ياخد الفلوس دى جامده جدا. هما مش عايزين مهندسين يا باشا

و اكيد حظه طلع حلو لان العربيه كانت علي كونتاكت كار وزي ما تقول كده هي خلصت في ساعه و تقربيا مانت من غير كشف يعني هو نزل باليل شاف العربيه و عبته و فضل يتكلموا في السعر لحد ما خلص علي 100 فراح دافع 95 و اخد العربيه لحد ما هما يجيوا شهاده المخالفات و المفتاح التاني وهو يشف علي العربيه بس هو مكشفش لانهن كنوا لسه عاملين الصيانه في التوكيل قبيها بكام يوم فهو ارتاح ليها و فعلا حظه طلع حلو . بالنسبه لموضوع عايزي مهندسين و الله كان نفسي اخدم بس معرفش هما فين اصلا . علي فكره هي العربيه تتبر فضلت معاهم اكتر من سنه لانها كانت ترخيص اخر سنه 2010 وباعهوا في النص التاني من 2012

**aly_elhawary** · 20-11-2012 03:24 PM

طيب أنتم ليه بتقارنوا بسعر الزيرو فى 2012 ؟ أم أنه هو عندما اشتراها فى 2010 كانت برده بـ142الف؟

**د.اشرف هنداوى** · 20-11-2012 04:03 PM

للاسف كله بيقارن سعر العربية السنة دي مش سنه الشراء

**Amr_Moh** · 20-11-2012 04:57 PM

المشاركة الأصلية كتبت بواسطة د.اشرف هنداوى

اسعار الفلوانس المستعمل غريبة حدا

يعني مثلا الفئة التانية ب 142000 موديل 2011 و عداد في حدود 20 الف مطلوب كام ؟؟؟

103 الف !!!

ازاي و كذا علابية يالشكل ده

هل ده طبيعي و لا العربيات دي غالبا فيها مشاكل ؟

و لا ده استمرار لسعر الميجان المستعمل المضروب بالنار ؟

تحياتي

لو نضيفة ١١٠-١١٥
خد بالك ٢/٣ أناس علي كنتكت تجار و بيكتب أي مواصفات والسلام .. ١٠٣ يجيب اول فئه أوتو متك .. التجار يقلولك تاني فقه علي افتراض أن المنيول هي اول فقه في علامه

**HOSSAM_GABRE** · 20-11-2012 06:40 PM

يا فندم انا لما كنت بدور على عربية دوخت السبع دوخات علشان الاقى عربية حلوة وكويسة
لقيت مثلا عربية مخبوطة فى الرفرف الخلفى عاملة 10 الاف كيلو وطالب 118 الف موديل 2011 واتمنعت واتدللت عليها وبعد يومين اتباعت بنفس السعر .
لقيت عربية 2012 وعاملة 11 الف كيلو ومعدية ميعاد الصيانة وكلها خرابيش وحالتها كرب وصاحبتها طالبة 125 الف
وفى الاخرلقيت عربيتى اللى اشتريتها عاملة 9 الاف كيلو موديل 2011 وما فيهاش خربوش ولله الحمد وخلصتها على 120 الف وفاضل فى رخصتها سنتين - وعاملة صيانة 10 الاف قبل ميعادها بالف كيلو وفيها فرش جلد
بس عموما فيه حاجات بتحدد سعر العربية
1- الحالة العامة داخليا وخارجيا
2- عدد الكيلوات
3- الصيانة فى التوكيل
4 - العربية بيتى ولا مع تاجر
5 - المتبقى فى الرخصة
بالمناسبة موديلات 2010 كلها رخيصة فى السعر علشان الفئة الثانية كانت 135 الف

**omskmaher** · 20-11-2012 07:11 PM

انا كمان ملاحظ ان الرنو داستر مش راضيه سعرها ينزل انا معايا 105 الف ومش عارف اجيب حاجه كسر زيرو الفئه الاولى 2*4 ومستنى اجيب حاجه كسر زيرو متكنش عامله اكثر من 10 الاف كيلو لقيت واحده عامله 9 الاف كيلو اول فئه طالب فيها 105 الف وقابل للتفاوض على بال ما جهزت الفلوس اتصلت بصاحبها قالى اتباعت ب 103 الف قلت الحمد لله مفيش نصيب بس من ساعتها وانا زعلان اوى ياله خرها فى غيرها

**drmodi** · 20-11-2012 08:34 PM

انا محتاج رينو فلونس كسر زيروو ولقيت عربيات كتير بس العربيه الاقيها نازله 30 الف فى سنه مش عارف برجع اقلق من العربيه
انا بجد عاوز عربيه كسر زيرو تكون حالتها حلوه