الموضوع: اسعار الفلوانس المستعمل--- حاجة غريبة

المشاركة الأصلية كتبت بواسطة aif

انا شايف انها طبيعية جدا الاسعار دي
كيا سيراتو هاي لاين 2011 راشة رفرف فقط وعاملة 19000 كيلو وضمان الوكيل وفتيس جديد 6 سرعات
سعرها زيرو اعتقد في حدود 140 الف
وسعرها 100 الف ف السوق
يبقى الرينو والكوري في رينج واحد تقريبا
الزيرو بيقل كتير بعد سنة
سواء الرينو او الكوري

اسمح لى يا باشا اختلف مع حضرتك فى موضوع ان رينو و الكورى فى نفس رينج اعاده البيع دى . السيراتو تحديدا و نتيجه لموضوع السرقه المتكرره ليها الناس بقت تقلق منها و ده نزل سعرها شويه و خاصه كمان مع ظهور الالنترا الجديده لكن لو هنتكلم عن بقيه ماركات كيا زى الاسبورتيج و الكارينز سعر اعاده البيع بتاعتهم كويسه قوى ده بالاضافه للهيونداى برضه بمعظم موديلاتها و ضعها احسن كتير فى اعاده البيع من رينو و من الاوروبى و دى ظروف السوق بتاعنا و اتفق مع حضرتك فى ان اسوأ توقيت بيع العربيه هو بعد سنه لان الخساره بتبقى اكبر ما يمكن لان العربيه بتبقى فعليا زيرو لكن بيتقال عليها مستعمله و المقوله الشهيرة بتاعه طالما علقت نمر تنزل من تمنها ١٠ آلاف جنيه و المفروض ان اللى بيقرر يشترى زيرو يبقى عامل حسابه ان العربيه هتقعد معاه مده متوسطها خمس سنوات مثلا بحيث ان الخساره بتكون اكبر ما يمكن فى السنه الأولى و بعد كده بتتناقص و لكن احيانا تأتى الرياح بما لا تشتهى السفن و صاحبها تجيله سفريه فيضطر يبيع او تعجبه حاجه تانيه او يحتاج الفلوس لحاجه تانيه بس الطبيعى ان الواحد بيفكر و يقرر و يتوكل على الله أما لو ناوى يبيع بعد فتره قليله يبقى يخليه فى عربيه منتشره مستعمله و يبعد عن الزيرو. الخلاصه ان فى موضوع اعاده البيع ده انه لو الواحد هيبيع بعد خمس سنين الموضوع مش هيفرق كتير معاه و بالنسبه للماركات التانيه اللى سعر اعاده البيع بتاعتها احسن المفاضله بتبقى هنا فى فرق سعر اعاده البيع قصاد المزايا اللى هاخدها من العربيه اللى عايز اشتريها و هى فى الفلوانس ما شاء الله كتيره و ده لى ثمن احيانا بيعوض و بيزيد عن الخساره الاقل عند اعاده البيع