الموضوع: اسعار الفلوانس المستعمل--- حاجة غريبة

حضرتك شفت الاسعار دى فين

المشاركة الأصلية كتبت بواسطة د.اشرف هنداوى

اسعار الفلوانس المستعمل غريبة حدا

يعني مثلا الفئة التانية ب 142000 موديل 2011 و عداد في حدود 20 الف مطلوب كام ؟؟؟

103 الف !!!

ازاي و كذا علابية يالشكل ده

هل ده طبيعي و لا العربيات دي غالبا فيها مشاكل ؟

و لا ده استمرار لسعر الميجان المستعمل المضروب بالنار ؟

تحياتي

انا اتصلت بصاحب العربية دي تحديدا و ذكر لي انها كانت مخبوطة شنطة و رفرف و تم سمكرتهم

هو سعر اعاده البيع بتاعها لا يقارن بالكورى بأى حال من الأحوال و سعرها بينزل بس مش للدرجه دى ابدا لو كانت العربيه سليمه فعلا . الكويسه فعلا ممكن تلاقيها ما بين ١١٥ و ١٢٠ الف مثلا على حسب الحاله و عداد الكيلومتر. معظم اللى بيعملوا إعلانات العربيات دى بتلاقيهم تجار على فكره و بيبيع بتوكيل و العربيه ممكن تبقى عامله حادثه مثلا او راشه كلها او ماشيه كيلومتر كبير قوى فى فتره قصيره. لو حضرتك نويت تشترى يبقى مبدأيا اختار حاجه يكون سعرها مش قليل و بعد كده اتفرج عليها ثم وديها التوكيل و أخيرا تتكلم مع صاحبها فى السعر لكن الى بيقولك من اول الكلام ١٠٥ دى ممكن تخلص على اقل من ١٠٠ الف يعنى نازله ٤٢ الف جنيه فى اقل من سنتين ده غير ان موديل العربيه عامه كويس و مفيهاش مشاكل يبقى حتما و لابد فيها حاجه غلط و صاحبها عايز يخلص منها و سيبك برضه من كلام سبب البيع و هو عاده بيكون لدواعى السفر مع ان اللى بيبيع تاجر و بيبقى باين بس بيصر ان البيع لدواعى السفر و المفروض انك تصدق

انا واحد صاحبي لسه مشتري موديل 2011 كانوا طالبين 105 وخلصت علي 100 بس العربيه اكنت عامله 37 الف كيلو وده كان عيبها الوحيد و صاحبها كان مدير و الشركه بتغيرله عربيه كل سنه بس هو بيسافر كتير و العربيه كانت كل صيانتها في التوكيل و ماكنتش رشه حاجه بس كانت محتاجه طقم كاوتش وفيها شويه خرابيش اي كلام برده كان مقلق لما اشتراها و كشف في التوكيل و عمل صيانه ال 40 الف و العريبه زي الفل . فمعني ذلك ان اوقات بيبقي في عربيات لقطه و العريبه كانت اعلي فئه من غير فتحه سقف و عمتا برده لو هي ب 142 و بتنزل ل 115 في سنه فده كتير مش قليل و هي ديه مشكله الرينو في مصر بس يمكن مصلحه للي هيشتري وكل واحد بياخد نصيبه . و تقربيا لما حد بيجي يبيع و طلب سعر عالي محدش بيشتري منه فبيطر ينزل في سعرها لو فعلا محتاج يبيع