الموضوع: اكتر حاجه ندمت على شرائها

المشاركة الأصلية كتبت بواسطة ahmed_adham

ايه أكتر حاجه ندمتو انكو اشتريتوها؟ حاجه طلعت مقلف وأقل من كتير من توقعاتك منها؟


أنا اشتريت حاجتين فاشلين.

مكنسه عربيه بلاك أند ديكر. قوه شفط زي الزفت وملهاش أي لازمه وتمنها كان 250 جنيه.

جريل كهربا كينوود. الكفته فيها طعمها مش حلو خالص. عامله زي اللحمه المسلوقه كده. دي كان تمنها 450 تقريبا.

يلا نعمل ليسته بالحاجات المقلب عشان محدش يدبس فيها.

السلام عليكم ورحمه الله
انا بختلف معاك انا عندى هذه المكنسه بلاك اند ديكر وشغاله كويس وبتنظف كويس
لانه يحب ان تاخذ فى بالك انها تختلف عن مكنسه المنزل فى القوه ولذلك يجب ان تكون صبور بعض الشى معها

اي تلفون اندرويد !!
اشتريت اتنين و اختنقت من الاندرويد كله

1- تليفون بلاك بيرى كيرف..أنا عموما باكره كل البلاك بيرى

2- تليفون htc وايلد فاير s

3- تابلت سامسونج 10.1 كنت فاكره 3g وركنته كام شهر ولما جيت أستخدمه اكتشفت انه واى فاى بس

وكل مافتكر حاجة حاكتبها

بلاك بيري مرمي في الدرج و ساعات بنتي الصغيره بتلعب بيه

ياريت يا جماعه تكونو محددين اكتر في وصف الحاجه وبالذات فى الموبايلات لأن شركه ممكن تعمل موبايل وحش في وسط 10 موبايلات كويسين. احنا عايزين الموضوع يبقى مرجع للتذير من منتجات معينه عديمه الفايده.


بالنسبه للمكنسه. أنا مشكلتى معاها انها ضعيفه زياده عن اللزوم. يعني الواحد لو ينفخ ببقه هيبقى اسرع من شفطها للتراب. بس أنا غلطان انى فكرت انها هتبقى زي بتاعت البيت أو حتى نصها ولا ربعها. ال 250 جنيه دول تمن 10 غسلات كاملين للعربيه بره وجوه فى مغسله العربيات بس أنا رميتهم فى الارض.