اكتر حاجه ندمت على شرائها

**samyyousef** · 22-11-2012 12:33 AM

السير الكهربائي ( المشاية )

**dr.hazem** · 22-11-2012 02:20 AM

متابع

Sent from my SE Arc S using Forum Runner

**marsguy** · 22-11-2012 11:29 AM

المشاركة الأصلية كتبت بواسطة ahmed1981

أول حاجة:ـ
غسالة lg فول أوتوماتيك موديل (wd-80260tp)
خلال حوالي ستة سنوات غيرت فيها:ـ
الكنترول - الموتور - قفل الباب - مفصلة الباب - طرمبة الصرف (مرتين)
وفي النهاية الشاسيه إتكسر من تحت وبترقص وهي بتغسل وفيها عطل بيحصل في بعض برامج الغسيل
وبعت إيميل شكوى إلى إل جي كوريا بما حدث
قاموا حولوا الإيميل على الوكيل هنا
قام رد علي شكوتي المكونة من 30 سطر بسطر واحد قال فيه:
هنبعتلكوا بتوع الصيانة

وكان عندنا غسالة إيديال مصري قبلها قعدت عندنا حوالي 15 سنة يمكن تم تصينها مرتين

ــــــــــــ

الحاجة التانية:-
بوتاجاز يونيفرسال
ضمان وهمي
خلال ستة أشهر كنت غيرت جلدة باب الفرن 3 مرات
وإكتشفت إنهم بيستخدموا جلدة الباب اللي بتتباع في شارع الجمهورية ب 5 جنيه تقريباً
وأزرار العيون كلها إتحرقت وإتفحمت
وبعدها إيد باب الفرن إتكسرت

ـــــــــــــــــــــــــ ــــــــ
الحاجة التالتة:ـ
عربية شاهين 1400 زيرو موديل 2008
دفعت فيها حوالي 70000 جنيه من عند الحوت شيرين كار
ولمحاسن الصدف
أحد الأتراك العاملين في مجال صناعة السيارات كان هنا في مصر في جولة على المصانع ولما شاف الشاهين قاللي دي عربية أنا عارفها (يقصد أنها تركي) وسيئة جداً
والحمد لله على كل حال
وبعتها من سنة عشان ضميري يرتاح
-

هي الشاهين كانت بـ 70000 سنة 2008؟

**Ahmed_Adham** · 22-11-2012 01:34 PM

المشاركة الأصلية كتبت بواسطة samyyousef

السير الكهربائي ( المشاية )

كانت ماركه ايه؟ وكان فيها مشكله ولا انت اللي بتكسل تجري عليها؟

المشاركة الأصلية كتبت بواسطة ahmed1981

الحاجة التانية:-
بوتاجاز يونيفرسال
ضمان وهمي
خلال ستة أشهر كنت غيرت جلدة باب الفرن 3 مرات
وإكتشفت إنهم بيستخدموا جلدة الباب اللي بتتباع في شارع الجمهورية ب 5 جنيه تقريباً
وأزرار العيون كلها إتحرقت وإتفحمت
وبعدها إيد باب الفرن إتكسرت

الظاهر ان كل الحاجات اليونيفرسال كده عشان أبويا كان عنده سخان غاز يونيفرسال وبعد شهرين كان بيفصل كتير وجم بتوع الصيانه ظبطوه والسنه اللي بعدها (لاحظ انه بيشتغل بالكتير 5-6 شهور في السنه) كان بيفصل تاني وجم صلحوه (كل مره بياخدو رسوم للزياره) واتكرر نفس الكلام بعد اسبوعين تلاته فركنه واشتري اوليمبك وشغال زي الفل تالت سنه أهو. وأنا عندي وايت ويل وشغال كويس برضه بس اللي بيضايقني في سخانات الغاز عموما ان لما ضغط الميه يقل شويه مش بتشتغل وبفكر جدا أجيب سخان كهربا.

**ahmed1981** · 22-11-2012 02:32 PM

المشاركة الأصلية كتبت بواسطة ahmed_adham

الظاهر ان كل الحاجات اليونيفرسال كده عشان أبويا كان عنده سخان غاز يونيفرسال وبعد شهرين كان بيفصل كتير وجم بتوع الصيانه ظبطوه والسنه اللي بعدها (لاحظ انه بيشتغل بالكتير 5-6 شهور في السنه) كان بيفصل تاني وجم صلحوه (كل مره بياخدو رسوم للزياره) واتكرر نفس الكلام بعد اسبوعين تلاته فركنه واشتري اوليمبك وشغال زي الفل تالت سنه أهو.

تصدق إني عندي سخان يونيفرسال غاز برضه
وإني مرضتش أكتبه عشان قلت إنه متعب بس ماشي الحال

لكن فعلاً سخان تعبان

وأنا شخصياً حاطط شركة يونيفرسال في القائمة السوداء

**ahmed1981** · 22-11-2012 02:36 PM

المشاركة الأصلية كتبت بواسطة marsguy

هي الشاهين كانت بـ 70000 سنة 2008؟

كانت ب 63 ألف في شركة النصر
وأنا جبتها فوري من الحوت شيرين كار ب 69500 لأني مكنتش أعرف إنها بتستلم من التوكيل بعد 15 يوم فقط

**al_manara** · 22-11-2012 04:25 PM

طبعا في كتير بنشربة
اخر حاجة شربتها

جبت بلي عجل اصلي قلت اجربة بعدها بيومين باظ . البلي نوعة kbc

**Totexxxxx** · 22-11-2012 04:27 PM

مروحه استاند كينوود من هايبر وان ب 380 باظت بعد ما اشتريتها بشهرين

**BESO516** · 22-11-2012 05:18 PM

كتيييييييير اوى :

هيونداى فيرنا
n95 8g من السعوديه
لاب ايسر
dvd للأسبرانزا
نوكيا n9 وخلصت منه تالت يوم لأنه معجبنيش
شقتى الأولى وخلصت منها برده
.
.
خطيبتى وخلصت منها برده لأنى كنت شارى معاها وجع دماغى و النكد وضياع فلوس وقله راحه البال

-

الموضوع: اكتر حاجه ندمت على شرائها

LinkBack

أدوات الموضوع

عرض

-

-

-

-

-

-

المواضيع المتشابهه

استطلاع. ايه اكتر حاجه تميز عربيتك عن غيرها فى وجهه نظرك

قول ايه اكتر حاجه بتضايقك من اللى ماشى جمبك

ابه اكتر حاجه تزعلك من شخص انت بتحبه

اكتر حاجه ضايقتني في الصني

ايه اكتر حاجه عجباكم واكتر حاجه بتكرهوها وأرفاكم في الانوس

الكلمات الدلالية لهذا الموضوع

المفضلات

المفضلات

ضوابط المشاركة