اكتر حاجه ندمت على شرائها

**hazemhany** · 23-11-2012 02:18 PM

انا قريت كل التجارب تقريبا واكتشفت ان اغلبها بيتمركز علي الأجهزة الكهربائية المنزلية وان الكل بيشتكي من ضعف الجودة وان عمرها الأفتراضي اصبح صغير جدا ..بس ده بالنسبالي مش مفاجأة يعني لأن انا بحكم شغلي كمهندس جودة في شركة من الشركات الكبيرة في انتاج احد الأجهزة الكهربائية بقولكوا ان ده بقي الأتجاه العام لدي اغلب المصنعين في العالم ..الجودة بقي اخر شيء ينظر اليه ..لأن اهم حاجة بيركزوا عليها دلوقتي في الصناعة هي تقليل التكلفة ثم تقليل التكلفة ثم تقليل التكلفة وايضا الأنتاجية العالية ..وبقي الكونسبت عندهم ان الجهاز يعد عند حضرتك سنتين ثلاثة بالكتير وتجيب واحد جديد ...

بالنسبة ليا بقي انا ندمت علي شراء شقتي لأني حاسس اني انخدعت في المكان وقت الشراء ودلوقتي ندمان اشد الندم ..وبرضه ندمان ع شراء تكييف lg تبريده زفت وبيفصل ومقرف ..

**cheetosmini** · 23-11-2012 03:54 PM

منتجات فريش
تكييف وغسالة اطباق وبوتجاز زففففففففففففففففت

**Forever.Leo** · 23-11-2012 06:15 PM

المشاركة الأصلية كتبت بواسطة totexxxxx

مروحه استاند كينوود من هايبر وان ب 380 باظت بعد ما اشتريتها بشهرين

مروحة رديئة فعلا .. بعد اذن صاحب الموضوع .. ياريت يبقى الموضوع عن اكثر حاجة ندمت على شراءها .. و كمان على بيعها .. علشان نعرف المنتجات الكويسة برضه.

**subhimust** · 23-11-2012 06:56 PM

جوازتي

واوعى حد يقولى دي مش هيه المقصود بالموضوع

**magid1010** · 23-11-2012 07:13 PM

موبايل نوكيا n79 زفت بيهنج من ساعه ما جبته و السوفت وير و الكامير بتقطع فى التصوير بس بيستحمل الخبطات كنت شاريه ب 2000 جنيه من رايه

**AhMeD MeTwAlY** · 23-11-2012 07:59 PM

اه يا فلوسي الي ضاعت بتقلب عليه المواجع ليه ليه
اول حاجه كانت العربيه الشاهين الي اشترتها من فتره واتحيلت علي ولدي بلاش شاهين يقولي دي الي هتربيك انا اقوله بلاش دي مش عربيه دي صندوق جزم ودا يقولي ما عشان صندوق جزم هجبهلك وكان بيفكر في لادا وفعلا صحيت من النوم العصر كان الحاج مخلص في واحده وخد بقئ عندك كل يوم حادثه شكل لو طلعت في يوم ومتخبطتش متبقاش عربيتي
موبيل n9 الحاج اشتراه وانا راجع من اجازتي قعدنا يومين وهو ماسك الموبيل مخنوق منه لحد لما قالي هات تليفونك ليه يا حاجه قالي اصل الموبيل دا مش عاجبني خده وهات موبيلك انا قولت n9 فرصه وطلع خاااااااااااااااااااااااا ااااااااااااااااااااااااا اااااااازق السنين والايام
وللاسف لسه العربيه والموبيل معايا

**rockana9112007** · 23-11-2012 08:03 PM

المشاركة الأصلية كتبت بواسطة ahmed metwaly

اه يا فلوسي الي ضاعت بتقلب عليه المواجع ليه ليه
اول حاجه كانت العربيه الشاهين الي اشترتها من فتره واتحيلت علي ولدي بلاش شاهين يقولي دي الي هتربيك انا اقوله بلاش دي مش عربيه دي صندوق جزم ودا يقولي ما عشان صندوق جزم هجبهلك وكان بيفكر في لادا وفعلا صحيت من النوم العصر كان الحاج مخلص في واحده وخد بقئ عندك كل يوم حادثه شكل لو طلعت في يوم ومتخبطتش متبقاش عربيتي
موبيل n9 الحاج اشتراه وانا راجع من اجازتي قعدنا يومين وهو ماسك الموبيل مخنوق منه لحد لما قالي هات تليفونك ليه يا حاجه قالي اصل الموبيل دا مش عاجبني خده وهات موبيلك انا قولت n9 فرصه وطلع خاااااااااااااااااااااااا ااااااااااااااااااااااااا اااااااازق السنين والايام
وللاسف لسه العربيه والموبيل معايا

هههههههههههههههههههعععععع ععععععععععععععععععععععععع خخخخخخخخخخعععع

ابوك دة مشكلة كبيرة .....بيعزك بيعزك فعلااااااااااااااااا

**3mr Farrag** · 23-11-2012 09:26 PM

مكنه حلاقه ريمنجتون
مكنه زبااااااااله و شركه نصابه
كاتبين ان اطول مشط 4 سم و طلعت يجي 2 سم
وانا جايبها مخصوص علشان المشط الطويل
غير انها المفروض تشتغل شحن و كهربا...نادر لما تشتغل كهربا بس...
و جايبها بعد ماستخدمتها لقيت الزرار التشغيل بيعلق
كانت 400 جنيه

تكيف باور سبليت
زباااله برضوا ...صوته عالي جدااا و كأني مشغل قطر
غير الثرومستات غبيه تلاقيه بيسقع جامد و بعدين الثرموستات تبطل لحد ماتتخنق من درجه الحراره

بوتاجاز وايت ويل
المقابض بتاعت العيون بتسيح من الفرن
جبنا الشركه و برضوا ماعملوش اي حاجه مفيده
و اللي طلع ان المقابض زباله و ان الفرن كمان بيسرب الحراره بره البوتجاز...

مكنسه بلاك اند ديكر بتاعت العربيه
بس ديه جايبنها من زمان جدا و يعتبر ماستخدمتش
لأنها تشحنها ساعات طويله و في الاخر تشتغل يجي 10 دقايق بالكثير متواصل او اقل كمان

لو افتكرت حاجه تانيه هكتبها

**3mr Farrag** · 23-11-2012 09:54 PM

كوتش اديداس كليما كول
كليما كول ده موديل بيبقي فيه فتحات تهويه من تحت
كان ناشف جدااا ولا كأني لابس قبقاب حمامات المساجد
لبسته مش كتير لأني كنت مستخسر ثمنه و ما يستخدمش :)
غير انه كان شبك و باظ بسرعه جدا
و الكوتشي كان عالي شويه عن الارض مش فلات فقلت اكيد مش هيدخل حاجه من الفتحات ديه...
لقيت انه بيدخل طين و يبهدل الدنيا من تحت
كنت جايبه من بره التوكيل من واحد مضمون 350 جنيه بس كان سعره في التوكيل 700جنيه
معرفش بقي موديلات كليما كول نفس النظام دلوقتي ولا لأ
لأني كنت جايبه من حوالي 8 سنين

**DOCTOReng** · 23-11-2012 11:26 PM

قرأت وأنا فى الشغل من حوالى ثلاث سنوات اعلان عرض على ميكروويف جاك فى كارفور لمدة يوم واحد بسعر حوالى 400 جنيه . بعد الشغل جريت على كارفور واشتريته وعليه ضمان سنة. بعد سنه وشهر عطل فأخذته الى التوكيل فى المقطم قالوا به محول محروق سعره 140 جنيه . حاولت تخفيض السعر فرفضوا . وافقت وتم الاصلاح . بعد شهرين عطل تانى . ذهبت للتوكيل قالوا الماجنيترون محروق وسعره 150 جنيه . رفضت وبعته لتاجر روبابيكيا بأربعين جنيه .

الموضوع: اكتر حاجه ندمت على شرائها

LinkBack

أدوات الموضوع

عرض

-

-

-

-

-

المواضيع المتشابهه

استطلاع. ايه اكتر حاجه تميز عربيتك عن غيرها فى وجهه نظرك

قول ايه اكتر حاجه بتضايقك من اللى ماشى جمبك

ابه اكتر حاجه تزعلك من شخص انت بتحبه

اكتر حاجه ضايقتني في الصني

ايه اكتر حاجه عجباكم واكتر حاجه بتكرهوها وأرفاكم في الانوس

الكلمات الدلالية لهذا الموضوع

المفضلات

المفضلات

ضوابط المشاركة