استفسار عن السيريون 2011

**Hosaam** · 20-11-2012 12:59 PM

معجب كتير جدا جدا بتعقيبات الأخ العزيز / الأستاذ أبو عبد الله / على السادة أعضاء المنتدى بخصوص استفسارتهم عن السيارة السيريون , جزاه الله خير الجزاء ، و لى عنده استفساران أود لو تكرم بالرد عليهم ، حيث أننى قد قمت بشراء السيريون موديل 2011 أوتوماتيك زيرو glx من توكيلها المعتمد بالأسكندرية ، و أويد و أضم صوتى لصوت الأستاذ / أبو عبد الله / فى كل ما قاله عن جودة تصنيع السيارة و اتساعها من الداخل وقوة ونعومة الموتور و جودة خاماتها من الداخل والخارج ،،، أما الأستفساران فهما

الأول / تحريك الفتيس بين الأوضاع المختلفة يحتاج الى قوة شديدة و عزم يد شديد وذلك برغم ضغط دواسة الفرامل ورفع مفتاح تأمين الفتيس قبل بدء التحريك ، فهل هذا ماتجده عندك فى سيارتك وما تفسير ذلك ؟ و علما بأنى قد لاحظت أن ذراع الفتيس يتم تحريكه بمنتهى السهولة فى موديلات أخرى مثل الألنترا واللانسر .

الثانى / عند بدء الرجوع للخلف ورفع الرجل من على دواسة الفرامل ببطء يسمع صوت طقطقة أو حشرجة من الدواسة ثم يختفى بعد استمرار الرجوع وكذلك يحدث نفس الصوت عندما يكون الفتيس على وضع ال d مع التقدم للأمام ببطء بالضغط على الفرامل للركن أمام حائط أو رصيف مثلا فيسمع نفس صوت الحشرجة من دواسة الفرامل ، ومع العلم بأن هذا الصوت لايسمع فى أثناء السير العادى بالسيارة وأن فرامل السيارة تعمل بمنتهى الكفاءة و القوة والنعومة فلا أشعر حسب ظنى أن لها ارتباط بهذا الصوت المبين فى الحالتين ، فما تفسير سيادتك لذلك ، وهل تجد هذا فى سيارتك ؟

ملحوظة / السيارة عاملة 2500 كيلومتر حتى تاريخه

أرجو ألا أكون أثقلت عليك أستاذ أبو عبد الله ، وأتمنى لو أجد عند حضرتك أجابات شافية ، وألف شكر

**HaNo_ELBeh** · 20-11-2012 02:00 PM

المشاركة الأصلية كتبت بواسطة Hosaam

معجب كتير جدا جدا بتعقيبات الأخ العزيز / الأستاذ أبو عبد الله / على السادة أعضاء المنتدى بخصوص استفسارتهم عن السيارة السيريون , جزاه الله خير الجزاء ، و لى عنده استفساران أود لو تكرم بالرد عليهم ، حيث أننى قد قمت بشراء السيريون موديل 2011 أوتوماتيك زيرو glx من توكيلها المعتمد بالأسكندرية ، و أويد و أضم صوتى لصوت الأستاذ / أبو عبد الله / فى كل ما قاله عن جودة تصنيع السيارة و اتساعها من الداخل وقوة ونعومة الموتور و جودة خاماتها من الداخل والخارج ،،، أما الأستفساران فهما

الأول / تحريك الفتيس بين الأوضاع المختلفة يحتاج الى قوة شديدة و عزم يد شديد وذلك برغم ضغط دواسة الفرامل ورفع مفتاح تأمين الفتيس قبل بدء التحريك ، فهل هذا ماتجده عندك فى سيارتك وما تفسير ذلك ؟ و علما بأنى قد لاحظت أن ذراع الفتيس يتم تحريكه بمنتهى السهولة فى موديلات أخرى مثل الألنترا واللانسر .

الثانى / عند بدء الرجوع للخلف ورفع الرجل من على دواسة الفرامل ببطء يسمع صوت طقطقة أو حشرجة من الدواسة ثم يختفى بعد استمرار الرجوع وكذلك يحدث نفس الصوت عندما يكون الفتيس على وضع ال d مع التقدم للأمام ببطء بالضغط على الفرامل للركن أمام حائط أو رصيف مثلا فيسمع نفس صوت الحشرجة من دواسة الفرامل ، ومع العلم بأن هذا الصوت لايسمع فى أثناء السير العادى بالسيارة وأن فرامل السيارة تعمل بمنتهى الكفاءة و القوة والنعومة فلا أشعر حسب ظنى أن لها ارتباط بهذا الصوت المبين فى الحالتين ، فما تفسير سيادتك لذلك ، وهل تجد هذا فى سيارتك ؟

ملحوظة / السيارة عاملة 2500 كيلومتر حتى تاريخه

أرجو ألا أكون أثقلت عليك أستاذ أبو عبد الله ، وأتمنى لو أجد عند حضرتك أجابات شافية ، وألف شكر

أولا مبروووووك يا استاذ حسام على العربيه وربنا يكفيك شرها ويديك كل خيرها ثانيا لازم حضرتك تفسر العربيه 1300 cc ولا 1500cc وهى اكيد glx ثالثا حضرتك بتقول انك بتحتاج قوه شديده فى تحريك الفتيس بين الاوضاع

ودة مش صحيح لانه لازم يكون فى سهوله فى التعامل مع الفتيس فممكن حضرتك تتوجه لاقرب فرع وتكشف عن الموضوع ده لان ممكن يكون مشكله بسيطه فى الفتيس وتتحل انشاء الله رابعا موضوع سمع صوت حشرجه فى الفرامل فى اول دوسه دة ممكن يكون راجع لان عربيه حضرتك مش نزله بنظام abs وفيها نظام الفرامل العادى (تيل وطنابير) علشان كده حضرتك بتسمع صوت حشرجه مع اول دوسه وبعد كده بيروح الصوت مع المشي والدوس المتكرر ملحوظه انا معايا سيريون 2010 1300 ccوماشيه 14000 ك ونفس موضوع الفرامل عندى علشان كدة مفيش داعى للقلق اتمنى انى اكون رديت على استفسارك وفى انتظار استاذنا ابو عبد الله فى تصحيح اى معلومه خاطئه كتبت من

**Hosaam** · 20-11-2012 02:32 PM

شكرا أستاذ / هانى / على اهتمامك بالموضوع ، والسيارة 1300 cc و فرامل abs وبجميع الكماليات

**HaNo_ELBeh** · 22-11-2012 09:48 AM

المشاركة الأصلية كتبت بواسطة Hosaam

شكرا أستاذ / هانى / على اهتمامك بالموضوع ، والسيارة 1300 cc و فرامل abs وبجميع الكماليات

حضرتك متاكد ان العربيه فيها abs على حسب معلوماتى ان 1300 مش بينزل فيه abs

**Hosaam** · 22-11-2012 08:37 PM

والله يا أستاذ / هانى ، العربية فيها فرامل abs ولها لمبة بيان بتنور وتطفى فى التابلوه و منصوص عليها فى الكتالوج ، وعلى فكرة أستاذ / أبو عبد الله ، أكد لحضرتك نفس المعلومة فى رده عليك على نفس السؤال فى هذا المنتدى ، أنا قرأت حوار المشاركة بينكم

**أبو عبدالله** · 23-11-2012 04:17 PM

وجزاكم اللخ كل خير على هذا الثناء

اولا بخصوص الفتيس فالفتيس سهل الحركة فعلا واما لديك فانا اظن ان المسالة لا تخرج عن ان العصاية مجتاجه تشحيم او الوير اللي واصل من العصاية الى الفتيس بالمحرك فيه مشكلة فيه
ولا تقلق فأي مشكلة في العصاية ليس معناه ان المشكلة في الفتيس لن الأتنين منفصلين عن بعض فالواصل بينهم هو وير سلك

اما بخصوص الصوت فانا محتاج استفسر منك عن نوعية الصوت هل هو تزييق بسبب ضغط الفرامل وانت بتبدأ تتحرك بالعربيه وبتبدأ تخفف عن ضغطك على الفرامل شوية بشوية فده هيكون صوت عادي بسبب التراب او الماء بين التيل والطنابير

اما لو صوت حشرجة او خشونة يعني صوت ناجم عن شئ خشن فممكن يكون بلي العجلة فيه مشكلة ودي هتحتاج تكشف عنها في التوكيل او اي صنايعي عفشة كويس والموضوع بسيط

اما بخصوص فرامل الــ abs فالنظام عبارة عن حساس بيركب على الفرامل اين كان شكلها ونوعها فده ليس له علاقه بالنظام
والنظام ده موجود في كل الموديلات الــ glx سواء ماتور 1300 او 1500
والنظام بتحس به لما تضغط على الفرامل جامد والعربية ماشية على رمل او ماء هتحس برجرجه سريعة ومتتابعة في دواسة الفرامل وانت ضاغط لتخفيف الضغطة عن العجلة اللي تحتها رمل او ميه علشام متتزحلقشي
واي استفسار انا موجود

**Hosaam** · 23-11-2012 06:27 PM

ربنا يخليك لنا أستاذ أبو عبد الله ، وربنا يطمنك

فى الواقع الصوت ده مابيتسمعش الا فى المسافات الضيقة المحكومة قوى عند الخروج من الركنة أو من منطقة ضيقة أو عند الدخول فى الركنة فى منطقة ضيقة بين سيارات ولما بتبقى محتاج تشكم العربية قوى بدواسة الفرامل علشان ماتخبطش فى اللى حواليك وبتسمعه فى المارشدير أكتر من التقدم للأمام وفى مرات ممكن ميتسمعش فيها خالص وبيبقى زى ماحضرتك قلت صوت تزييق فى دواسة الفرامل تحس انه ناتج عن ان العربية عايزة تاخد راحتها وتجرى وانت مكتفها وشاكمها بالفرامل ، أى أن الموضوع مرتبط ارتباط وثيق بالحركة البطيئة فى المسافات المحكومة الضيقة وعند بدء الحركة فقط ، اما أول العربية ما بتاخد راحتها وبتجرى فالفرامل بسم الله ماشاء الله زى الفل ومابتسمعش منها أى صوت وشغالة تمام التمام ،

وألف ألف شكر على اهتمامكم بالموضوع ،،،

**أبو عبدالله** · 24-11-2012 01:12 AM

طيب هو الصوت نم ادام ولا من ورا
هو واضح انه له علاقة بالفرامل ممكن يكون الفرامل قافشة او عاوزه بعض الأجزاء فيها يتزييت او مشدوده زياده
لازم تكشف عليها

**eng_maged** · 29-11-2012 03:59 PM

انا معايا 1300 glx وفيها ABS وصوت الفرامل ده طبيعي فيها
وبالنسبه لموضوع الفتيس الاتوماتيك انا بلاحظ انه اتقل شويه من غيرها بس بصوره بسيطه اوي ومش بتضايقني في حاجه. لو عندك زياده عن اللزوم ممكن تكشف عليها

**Hosaam** · 05-12-2012 01:00 AM

ألف شكر باشمهندس ماجد ( eng_maged ) على اهتمامك بالموضوع ، وفى الواقع أنا كان نفسى أسمع رأى حد معاه نفس موديل السيارة اللى معايا لأن العربية لسه زيرو واحتمال ان يكون فيها عيوب صناعة أعتقد انه مستبعد خصوصا انها يابانى أصلى ، بس كده أنا اطمنت من كلامك أن موضوع الفرامل والفتيس اللى أشرت اليهم ده يعتبر مواصفة تصنيع وليس عيوب صناعة ، وعموما أنا أتفق معاك فى العبارات اللى وردت فى ردك عليا أن الموضوع بصورة بسيطة مش زيادة عن اللزوم ولا حاجة ، وأحب أطمئن كل من هو مقدم على شراء السيارة أن العربية أكثر من ممتازة - ناعمة وسحبها سريع وفراملها ممتازة وتكييفها ممتاز و واسعة من الداخل .. ألف شكر .

( شكر خاص للأستاذ أبو عبد الله و انشاء الله مع صيانة ال 5000 حالفت نظرهم لملاحظاتى على السيارة و أشوف برضه رأيهم أيه ، بس الحمد لله أنا كده مطمن )