الموضوع: صني 2013 - وها قد سجل العداد 11 ألف كيلومتر !

المشاركة الأصلية كتبت بواسطة Youssef.Awad

تقرير رائع ومميز كالعادة وان كان ينقصه التدعيم بالصور ولو حتى رمزية لثقل الموضوع
وربنا يباركلك فيها وعقبال ما تعمل 100 الف كم فى 3 سنين

تسلم يادكتور وربنا يباركلك في كل حياتك زي ما أفدتنا كدة, كل إنجاز الناس بتوصل له هنا لكم فيه يد, وربنا يديم المعروف


أما عن الصور فكلامك مظبوط, لكن للأسف الصورة الوحيدة اللي عندي كانت مرة للعداد وهو عامل 9999 ... ومرة تانية لما عمل 10,000 ..... حسيت اني لو حطيتهم مش هايكونوا ذوي قيمة , ولا رأيك إيه...احطهم؟

المشاركة الأصلية كتبت بواسطة hanyfarag

أول حاجة انا ريحت دماغي وجبتها من السبع, تعامل محترم ومنظم ومحاولات مستميتة انهم يجيبولي عربية وقت ماكان الحجز صعب والتسليم أصعب...رغم التأخير لكن أرفع لهم القبعة وأشكر لهم حسن معاملتهم وأمانتهم في تسليمهم للعربية , الحمدلله رب العالمين استلمتها لا ناقصها حاجة ولا فيها خدش ولا فيها حاجة منتهية الصلاحية


:ta_clap[1]::ta_clap[1]: اولا الف شكر على التقرير الاكثر من رائع وعندى سؤال هل لو انا جايب العربيه من اوتو ايجيبت ممكن اعمل الصيانه فين

أوتو إيجيبت عندهم كذا مركز صيانة وأعتقد واحد منهم في أبو رواش .... أعتقد الشباب هنا كل واحد كان كاتب عن تجربته مع مركز الصيانة... يارب تلاقي اللي يفيدك في أماكنهم

المشاركة الأصلية كتبت بواسطة hanyfarag

شكراا لحضرتك بس نسيت اسئلك عن نوع الزيت ايه ال 10000 هل هو موبيل- شيل-اى نوع تانى وايه افضلهم وهل وانتا بتعمل صيانه 1000 غيرت فلتر وزيت ونوعه ايه

أول حاجة احب اصحح معلومة اتلخبطت فيها وانا باكتب التقرير رغم علمي التام بها


زيت الـ 10,000 تخليقي وليس معدني

نوع الزيت كان شل هيليكس 10,000 كيلو , أما الفلتر فكان اتغير بواسطة التوكيل فمش عارف كان اسمه إيه, ولو انه بالتأكيد أكتر حاجة متوافقة مع العربية


لو على تفضيلي الشخصي واللي بإذن الله ناوي اعمله قريب, اغير الزيت يبقى تخليقي وماركته "ليكوي مولي" ... ناس كتير جداً بيشكروا فيه وفي أداء العربية بعد ماحطوه

كذلك زيوت "فالفولاين" ممتازة وأفضل بكتير من الزيوت المتوافرة في المحطات العادية, ده خلاصة خبرة أعضاء كتير هنا , أنا عن نفسي مش متخصص زيوت علشان أفتي في خواص كل واحد منهم, لكن خبرة الناس أفادتني بكدة




أما عن صيانة الألف, فكنت غيرت فيها زيت 5,000 معدني , وكان شل .... علشان عندي صيانة خمستلاف وكنت عايز اغير فيها زيت وفلتر , وكان السبع مديني صيانة الألف والخمستلاف مجاناً بالزيوت والفلاتر, علشان كدة غيرت لخمستلاف وقت صيانة الألف....بعد كدة وطالع باحط عشرتلاف تخليقي


ألف مبروك عالعربية وربنا يرزقك خيرها ويكفيك شرها ويكفيك شر الطريق وشر النفوس