سرقة الالنترا md

**ibnmoaz** · 21-11-2012 08:57 AM

السلام عليكم ورحمة الله. في الاونه الاخيره كثرت المواضيع عن سرقة العربيه md . وبصراحه الواحد قلق جدا من الوضع ده ولكن لا راد لقضاء الله. انا عربيتي 2012 استلمتها في شهر 7 /2011 عامل بيها والحمد لله 35 الف كلم. ومن ساعتهاوانا فاكر ان فيها الايمبولايزر ده.وكنت عملت التجربه دي .انا بقفل العربيه بالريموت عادي وبعد كده (بعد 30 ثانيه)بافتح العربيه بالمفتاح مش الريموت فالعربيه تقعد تزمر و تنور انذار ادخل جواها وقفل الباب واقفل اللوك كمان واحاول ادور العربيه الكونتاكت بينور بس العربيه مش بتدور نهائيا والانذار لسه شغال.وماتدورش والانذار يقف الا لو قفلت او فتحت بالريموت.ومعروف طبعا ان الريموت ده خاص بالعربيه بتاعته بس. يبقى الحرامي بيسرقها ازاي عايز اعرف؟؟ عشان نقدر نعمل حاجه لتلافي السبب. يا ريت حد يفهمني ويا ريت الناس اللي معاها العربيه تجرب تجربتي وتقولي النتيجه. وربنا يكفينا جميعا شر الحراميه و السرقات.

**Bahaaeldin** · 21-11-2012 10:35 AM

متابع

**khalid_adel** · 21-11-2012 11:05 AM

مش شرط يكون ايموبلايزر
ده اوبشن في الانذار بيخلي العربيه متدورش غير لما تفتح بالانذار
لو ركبت انذار كويس حتلاقي فيه الاوبشن ده وطبعا الانذار سهل يتفور عند الحراميه وربنا الحفيظ

**verna2008auto** · 21-11-2012 12:02 PM

فية طريقتين يا مومبيك ..

اولا .. سيادتك ها تسأل علي إنزار فصل دائرة البنزين (( شارع دمشق - مصر الجديدة ب 350 جنية بالتركيب )).. دة عن تجربة جيد للغاية .. وبعيد عن ضفيرة او وصلات العربية وصعب جدااا كسرة او سرقتة لانه بيبقي مستخبي في العتبة او في الباب نفسة

ثانية.. إستخدام (gps ) وهو عبارة عن جهاز لتحديد مكان العربية وبرده تقدر بية (((( تطفي الموتور )))) من علي بعد ب sms رسالة قصيرة ..
وبرده تعرف خط سير العربية

استخدام قفل الدركسيون ابو 80-90 جنية بيتباع في كارفور .. معلش هوا حقير بس بيعطل عملية السرقة لاقدر الله

ضروري ركن السيارة بين السيارات وفي منطقة معروفة ليك او ركنها عمودي علي الطريق ( ها تصعب المهمة شوية لاكن مش هاتمنع اللي جي .. علشان لا قدر الله ممكن السيارة تترفع علي ((( كساحة ))) ومش ها يفرق إنزار ولا احزنون...

واخيرا ... توكل علي الله .. كله مكتوب .. احنا بناخد بالاسباب بس .....