الموضوع: فضيحة شركة هيونداى/ كيا بسبب تزوير استهلاك وقود سياراتها

المشاركة الأصلية كتبت بواسطة ahmed-adel

مبدئيًا أنا مش قصدي أدخل في جدال مع حد ولا اطلع حد غلطان :)

بس 2 mpg بتساوي 0.85 km/l

يعني لو قلنا التفويلة 50 أو 60 لتر
هيبقى الفرق 0.85 * 50 أو 60

يعني هيبقى 42.5 km أو 51 كم فالتفويلة

و ده حوالي 8.5 % استهلاك زيادة
يعني مش رقم صغير خالص

و يا ريت لو أنا فاهم حاجة غلط حد يوضحلي

تنك الالنترا 48 لتر يعنى اللى هايفول نقول مثلا هايحط 45 لتر

يبقى فى الاستهلاك داخل المدينة ومتوسط الاستهلاك هايقللو 18 كيلو , هاتعمل535.5 بدل 553.5 داخل المدينه , و 612 كم بدل 630 كم كمتوسط استهلاك

عشان تعوض فرق ال 18 كم دول هاتضطر تحط 1.3 - 1.5 لتر او تلت جالون تقريبا , دى التكلفه الزياده

على الطريق السريع هايقل 38 كيلو , هاتعمل 727 كم بدل 765 كم

عشان تعوض الفرق هاتضطر تحط 2.35 لتر او تلتين جالون تقريبا

هو جالون البنزين بكام فى امريكا ؟ مش ب 3.5 دولار تقريبا

المشاركة الأصلية كتبت بواسطة semsem kane

على فكرة هما الان تحت المجهر , وشكلهم كدة هيتعملهم لجان عشان الشركات دية فقدت المصداقية جدا فى كل حاجة

وماخفى كان اعظم وادينا مستنين وهنشوف , مش بس على الشركتين دول على اى شركة تعطى نفسها الحق بأنها تتربح على حساب العملاء باصدار ارقام خاطئة , لان هذا يسمى تدليس

وطالما الفرق قليل زى مالاستاذ حسام اوبتراوى بيقول كدبوا فية لييييييييييييييييييييييية ؟؟؟؟

على فكره انا مش باقول انهم مش غلطانين ولا بابرر الغلط اكيد هما غلطانين حتى لو الفرق بسيط وصلحوا غلطهم

انا كل اللى باقوله ان الغلط ممكن يكون مش مقصود خصوصا ان الفروق بسيطه زى ماوضحت , دى اول نقطه

تانى نقطه زى ماقولت قبل كدا موضوع الاستهلاك مش هو الميزه الوحيده فى عربيات هيونداى اللى مخلياها تتربح وتبيع دى مجرد ميزه من مزايا كتير

تالت نقطه هيونداى لو عايزه تكدب او تزور او تضحك على الناس اى كان المسمى , ممكن تعمل كدا فى اى حته ماعدا امريكا واوروبا لان المكانين دول مفيهمش هزار , وهما مش هبل وعارفين الكلام دا كويس , ومش معقول هاتخاطر باسمها اللى عملته بعد مجهود عشان حاجه زى دى

طبعا مش قليل , وكل مواطن لاقى عندة تكاليف زيادة بمقدار 88 دولار فى الشهر

88 دولار فى الشهر ازاى هو بيفول 50 مره فى الشهر ولا ايه , مانا لسه حاسبها اهو التكلفه الزياده مش مكمله 3 دولار فى التفويله