الموضوع: تجارة قطع غيار السيارت

طيب يا استاذ حمادة بالنسبة للغبور لما يديني بضاعة هيكون فيها مرتجع لاى حاجة تنام عندي ؟
والديكورات المطلوبة دي مقصود بيها ايه و فحدود كم و السيتم بتاع الحسابات و المخازن تقصد صح ده برضوا ف المعقول و لا بفلوس كتير ؟
حاجة الفيرنا كلها دي تقصد بيها اى مسمار لاني عايز ما اتسالش ع حاجة ما تكونش عندي معيا انت ف النقطة دي صح ؟
طيب و اذا اشتغلت مع الوكيل اقدر اشتغل ف موبيس mobis ولا ما ينفعش ؟

هقولك لحضرتك والله انا براجع ردي تاني كنت لسه هكتب رد واقولك على موضوع المرتجع

مدام اشتغلت مع التوكيل ممنوع عليك اي حاجه خاااااالص من برا التوكيل اي قطعه غيار تتجاب من التوكيل وممنوع عليك الماركات التانيه وانت كده كده مش مرغم تشتغل مع التوكيل لانه في النهايه بيتعامل معاك زي اي تاجر ملكش ميزه عن اي حد تاجر المفروض ان الخصومات الرهيبه دي ياخدها الموزع المعتمد فقط لانه مزنوق بيبع قطع غيار غاليه ومكسبه مش كبير انما في الحقيقه بياخدها كل الناس الي معاهم فلوس ف هو مبدا ربحي فقط الي هو هبيع حاجتي يعني هبيعها

المرتجع في هيونداي سياسه صعبه جدا لازم الي باع هو الي يستلم تاني وبتديهم قطع غيار وتستلم الفلوس بعديها بفتره مش فاكر اد ايه وسياسه الارتجاع عندهم في حدود شهر تقريبا بعد الشراء مع انها من حمايه المستهلك اسبوعين

--------------------------------------

الديكورات المطلوبه نفس ياطفه التوكيل انت بتدفع تمنها من شركه اعلانات بيتعاملوا معاهم

ولازم السيستم بتاعه والمظهر بتاع الكاشير والباترينه الي برا والكلام ده

بالنسبه للسيستم والتدريب عندهم مش فاكر بكام بس اعتقد مش بفلوس كتير او ممكن ببلاش الحقيقه مش فاكر لانه في مكنش ملفت للنظر اوي

انما المخزن عادي مش بيشترط عليك اي حاجه لكنه لازم يبقى مش باين للعميل



العروض الخاصه دي حاجه متغيره ممكن الشهر ده مثلا عاملين عروض خاصه على مجموعه قطع غيار مختلفه لكز ا عربيه يقولك مثلا على سبيل المثال وليس الحقيقه كل قطع الفيرنا خصم 60 % بدل الطبيعي الي هو 20 % ومعاهم برضو شويه قطع غيار للالنترا خصم 80 % بدل العادي الي هو 20 برضو على شويه حاجات تانيه لعربيات تانيه

طيب لو انت رايح تشتري منهم الحاجات الي عليها خصومات دي لازم تشتري بضاعه مجملها 80 الف على الاقل لو هتشتري بضاعه محجملها 60 الف مثلا مش هتتعملك الخصومات دي مع انها موجوده هتشتري بالخصم العادي 20 الميا

الفكره كلها في اي انت لو بتشتري بضاعه ب 80 الف وهملوملك الخصم ال 50 الميا كميه البضاعه دي هتتضاعف يعني بدل ما تشتري 200 قطعه ب 80 الف ممكن يبقى 400 قطعه ب 80 الف

الموزعين المعتميد خبراء التوكيل بيقولولهم يشتروا اي وميشتروش ايه لان في دراسه للسوق اي الحاجات الي بتتباع كتير عشان متلبسش انت قطع الغيار وترجعها لهم تاني معرفش التجار العاديين بينصحوهم او بيسيبوهم يشتروا وبس

انما مستوريد قطع الغيار عندهم خبره كبيره دارسين السوق لما بتشتري منهم بينصحوك
وانت كده كده بعد فتره من التجاره ممكن بضاعه تخسر معاك وتعرف تجيب ايه ومتجيبش ايه يعني لو هتفتح في الشرقيه منتا هتستبعد قطع غيار عربيات كتير نضيفه لانه مش هيجيلك واحد يقولك اديني تيل فرامل سوناتا مثلا الا نادرا ف متروحش انت تجيب 4 اطقم تيل فرامل للسوسو انما ممكن تجيب 60 طقم للفيرنا وانت عارف انههم هيتباعوا كده كده

بس انت برضو ك محل لازم تبقى عندك فرشه لعربيات كتير بحيث مينفعش انت تبقى لسه فاتح والمفروض انك هتكسر الدنيا وملاقيش عندك حاجات انا عايزها ف انت مزنوق بين كزا خيار وكده كده تعمل حسابك ان في بضاعه مخسره معاك ممكن انت بعد فتره معينه هتعرف تتصرف فيها ازاي وممكن تتباع معاك بعد سنه او سنتين وممكن متحطش نفسك في الخطوره دي بس قصاد ان لو جالك حد عايز حاجه مش هيلاقيها لعربيته النضيفه ف هيعلم اكس عليك لانه هيقول ده زييه زي غيره معهوش حاجات السوناتا انا مش تاعب نفسي تاني في اللف وهنزل اجيب من مصر علطول

انا مثلا كنت بجيب مقص للالنترا الاصلي ب 700 في التوكيل genuine parts برا الاتنين اصلي ب 700 (من تاجر فاهم اللعبه ) سالت على الموبيس لقيت المقص الموبيس لانه نفس الجوده لقيته ب 350 التجار مغليين سعره لانه في الفتره دي غالي عليهم روحت انا جبته في الاخر ب 270 جنيه من محل في فيصل بدون فصال لانه معاه من فتره كبيره وواقف عليه بسعر رخيص

خلي بالك انت بعد فتره معينه من الشغل ممكن تلاقي نفسك بتستورد لنفسك وممكن تلاقي نفسك بتجيب قطع غيار ماركات معينه مش موجوده عند حد غيرك اساسا انا جبت تيل فرامل ماركه مش اصلي مش موجود في السوق خاااااااالص للالنترا هو واحد استورده وخلاص بيبيعه على كده ومره لقيت تيل فرامل ياباااااني للالنترا برضو مش معروف في السوق خالص

هو في الاول بس دراسه قطع الغيار وايه اللي بيبتباع وميتباعشي بتبقى صعبه وبتعتمد على الرزق مش على الدراسه اوي وممكن تبقى فاتح في حته زي الحرفيين الي مش بيبتاع في مصر كلها بيتباع عندك لانك فاتح في معقل الحوادث ف متستبعدش اي حاجه مش بتتباع برا تتباع عندك كتنير كبوت كنترول عمه مش عارف قنطره كامله (كله بقى شغل حوادث وبيصلح )


انا اعرف واحد فتح محل كمبيوتر قعد 3 سنين يخسر لانه كان شغال بدماغه بس 3 سنين خساره لحد ما بدا يفهم السوق شغال ازاي يجيب ايه نضيف بيتباع كتير واي نضيف الناس مش بتشتريه وايه رخيص مرغوب وايه رخيص مش مرغوب والخ الخ الخ

وانت برضو لازم تعمل حسابك انك تصرف عل المحل اول سنه متستناش منه فلوس كتير تدخل لك ولازم يبقى معاك فلوس حلوه عشان متلاقيش نفسك حاطط ايدك على خدك وكل شويه البضاعه هتتباع مش هتتباع احرقها واقفل ولا اكمل اعمل واسوي ولا ايه

اتمنى اكون بساعدك بكل ما اقدر

واي حاجه برضو تانيه عايز تسال عليها قولي وانا تحت امرك باذن الله

والله بصراحة يا حمادة انت نورتني لحاجات كتير ر بنا يبارك فيك ماشاء الله عليك انت فاتح محل ولا ايه
ونفس الوقت توهت منك الموضوع عايز قعدة انا اصلا نسيت اقول ف فالموضوع فوق اني حاليا مقيم ف جدة يعني بعيد عن السوق و ده مشروعي المستقبلي لكن حاليا انا بقوم بجمع المعلومات اللازمة لاني ع دراية بدراسات الجدوى وكنت ناوي ع الاتي الاجازة الجاية بشميءة الله عندي صاحبي فاتح محل ف الساحل اروح اقعد عنده فترة افهم كل اى حاجة اقدر استوعبها ف اللعبة هو شغال ف الكوري و الياباني و قالي كلام مختلف شوية عن اللى انت قلته يعني مجبش ليا سيرة التوكيل ده خلاص يكمن عشان حكاية حظر بيع القطع التانية دي و قالي تبدا ف حدود 200 الف بضاعة و شهرين تلاتة تحط كمان 300 ده طبعا بعد دراسة المكان اللى هتفتح فيه و ايه العربيات اللى موجودة اللى ف المكان انت تعرف العاشر من رمضان ولا لأ يا باشا ع فكرة هي مدينة صناعية وفيها فلوس كويسة مش اقاليم او ارياف انا بوضحلك الصورة لان فيها عربيات كويسة برضوا لكن صراحة معنديش حصر جيد لها لكن ناوي ان شاء الله اعمله ف الاجازة

والله ياباشا انا بحب العربيات وكنت ناوي افتح محل بس محصلش نصيب
واتجهت ل مغسله عربيات وخسرت والسبب برضو الفلوس لازم يبقى معاك فلوس ضعف المشروع ويفضل تاخد مكان ملك مش ايجار هترتاح من مشاكل كتير اوي انا مشكلتي الايجار بروز الدنيا معايا وسبت المغسله وملقتش مكان تاني افتح فيه وكرهت الشغلانه من العمال اساسا كلهم دماغهم فاضيه في جيبه قرش يبقى ملك

العاشر منتشر فيها كام عربيه كده تكاسي منهم فيرنا ولانوس كتير وممكن لانسر شويه والاكسنت القديم هو الكوري بشكل عام منتشر في العاشر وفيه كزا مكان في العاشر ممكن تفتح فيهم اعتقد السوق الي في الموقف وميكروباسات كتير كمان ممكن تشتغل عليهم وتبقى بتبيع قطع غيار الميكروباسات
تقريبا السوق ده اسمه الاردنيه

طبعا ارقام قطع الغيار معتمد على المبيعات بتاعتك منتا مش هتقعد تجيب بضاعه ب 200 الف و 300 الف وانت مش بتبيع

التوكيل نفسه بيقولك ابدا ب 80 او 120 الف الي هو اسعاره نار يعني عدد القطع مقابل ال 120 الف اقل من عدد القطع قصاد 120 الف مش اصلي

بس ممكن صاحبك عشان شغال في حاجات كتير او ممكن الراجل ربنا كارمه وبيبيع كتير او مش عايز يجيب قطاعي ف مره تغلى عليه ومره ترخص ف بيجيب كميه كبيره مره وحده في اي حال من الاحوال ربنا يكرمه ويباركله في رزقه

وافضل شيء تقعد عن صاحبك فتره حلوه تتعلم وتفهم وتعرف طرق التخزين عشان متدوخش على البضاعه

وفيه برامج داتا بيز دلوقتي تقدر تعرف ايه البضاعه الموجوده عندك وكام قطعه والجو ده

ربنا يوفقك لما تيجي تستخير وتبدا تدور وتسال تاني على مهل وتشوف وتحسم قرارك الاخير

بس متحاولش انك تبقى موزع معتمد

يكفيك يافطه جميله وشيك اوي كمان تحتها جميع قطع الغيار الاصلي والتجاري على يافطه مثلا صغيره متوفر لدينا قطع غيار الموديلات الحديقه

كمان هيونداي وكيا شركه وحده ف كل القطع الميكانيكيه ف عربيات هيونداي زيها كيا الالنترا والسيراتو نفس الفرامل والمساعدين والعفشه والمتور وحاجاته ف انت بفتح كيا وهيونداي الاختلاف فقط في القطع الخارجيه والاكسسوارات

وكمان موبيس دي ماسكه كيا ف بتلاقي حاجات اصليه موبيس ل كيا مش هيونداي او بيبقى مكتوب عليها كيا وهيونداي

بس عموما ومتفهمش ليه الحاجات للهيونداي بتبقى ارخص من الكيا يعني مثلا جوز مساعدين النترا موبيل ب 600 للموبيس كيا ب 700 مع ان هما هما متفهمش ليه

ف انت لازم تبقى فاهم برضو تجيب الرخيص للهيونداي وتعرف ده بيركب ف ايه في الكيا وهو هو

المشاركة الأصلية كتبت بواسطة حماده المصري

والله ياباشا انا بحب العربيات وكنت ناوي افتح محل بس محصلش نصيب
واتجهت ل مغسله عربيات وخسرت والسبب برضو الفلوس لازم يبقى معاك فلوس ضعف المشروع ويفضل تاخد مكان ملك مش ايجار هترتاح من مشاكل كتير اوي انا مشكلتي الايجار بروز الدنيا معايا وسبت المغسله وملقتش مكان تاني افتح فيه وكرهت الشغلانه من العمال اساسا كلهم دماغهم فاضيه في جيبه قرش يبقى ملك

العاشر منتشر فيها كام عربيه كده تكاسي منهم فيرنا ولانوس كتير وممكن لانسر شويه والاكسنت القديم هو الكوري بشكل عام منتشر في العاشر وفيه كزا مكان في العاشر ممكن تفتح فيهم اعتقد السوق الي في الموقف وميكروباسات كتير كمان ممكن تشتغل عليهم وتبقى بتبيع قطع غيار الميكروباسات
تقريبا السوق ده اسمه الاردنيه

طبعا ارقام قطع الغيار معتمد على المبيعات بتاعتك منتا مش هتقعد تجيب بضاعه ب 200 الف و 300 الف وانت مش بتبيع

التوكيل نفسه بيقولك ابدا ب 80 او 120 الف الي هو اسعاره نار يعني عدد القطع مقابل ال 120 الف اقل من عدد القطع قصاد 120 الف مش اصلي

بس ممكن صاحبك عشان شغال في حاجات كتير او ممكن الراجل ربنا كارمه وبيبيع كتير او مش عايز يجيب قطاعي ف مره تغلى عليه ومره ترخص ف بيجيب كميه كبيره مره وحده في اي حال من الاحوال ربنا يكرمه ويباركله في رزقه

وافضل شيء تقعد عن صاحبك فتره حلوه تتعلم وتفهم وتعرف طرق التخزين عشان متدوخش على البضاعه

وفيه برامج داتا بيز دلوقتي تقدر تعرف ايه البضاعه الموجوده عندك وكام قطعه والجو ده

ربنا يوفقك لما تيجي تستخير وتبدا تدور وتسال تاني على مهل وتشوف وتحسم قرارك الاخير

والله يا باشا المحل فعلا ف الاردنية و اللى حواليه كلهم قطع غيار فده اللى مشجعني اصلا ع الفكرة

وحاليا شغال ف ايه بعد المغسلة ولا سبت التجارة وشغال شغالنة ثابتة

والله لا طولنا دي ولا دي

انا خريج اعلام قسم تسويق واعلان و باخد كورسات في الجامعه الامريكيه في الاتش ار

كل الشغل الموجود في مصر بدون وسايط كول سنتر و سيلز اوت دور والاتنين انيل من بعض