قولولي مبروك... استلمت رينو لوجان الاوتو 2013 امبارح

**frhateg** · 01-12-2012 09:23 PM

1000 مبروك . ربنا يهنيك بها و يديك خيرها و يكفيك شرها . آمين .

**lanos2004** · 01-12-2012 09:39 PM

الف مبروووووووووووووووووك والله فرحتلك العربيه الجديده ليها فرحتها ونعمه من ربنا

**rodi007** · 01-12-2012 10:13 PM

المشاركة الأصلية كتبت بواسطة limo81

صوت الصفاره ده من الكبوت عايز يعدل مكان المبيت في التوكيل 10 دقايق

معلش مش فاهم قصدك بالظبط,,, انت تقصد الصوت مش جاي من الباب اللي جانبي ده جاي من الكبوت.... بس انا حاسس بيه جنبي انا و لا دي مشكلة حصلت مع حد قبل كدة و طلعت من الكبوت؟!!

**rodi007** · 01-12-2012 10:19 PM

الحمد لله ... احمد ربنا كثيرا على النعمة... و ربنا يحفظها يا رب.. دي العربية دي ايد الواحد و رجليه... و اتمني لكل واحد نفسه فى عربية زيها ربنا يكرمه بيها ... على الرغم من عيب صوت الزجاج بس انا عارف انه اكيد حاجة بسيطة و تتظبط بسرعة ان شاء الله... و اعتقد انه وارد جدا في اي عربية مهما كانت عالية ان ممكن تلاقي حاجة هابلة كدة بسيطة و ممكن تتظبط بسرعة خصوصا انها مش عيب تصنيع...

**ahmed_m_ashraf** · 02-12-2012 05:32 AM

المشاركة الأصلية كتبت بواسطة rodi007

معلش مش فاهم قصدك بالظبط,,, انت تقصد الصوت مش جاي من الباب اللي جانبي ده جاي من الكبوت.... بس انا حاسس بيه جنبي انا و لا دي مشكلة حصلت مع حد قبل كدة و طلعت من الكبوت؟!!

كان حصل مع كذا حد إن قيه صوت صفاره هواء لما بيعدي ال ١٢٠ كم/س وكان سببها الكبوت وكانت بتروح بضبط خلوص الكبوت في التوكيل في ٥ دقايق.

بس لو حضرتك متأكد إن مصدر الصوت من شباك الباب جايز برضه، وأعتقد الحجات إللي زي دي حلها سهل جدا في التوكيل، بس يفضل تروحلهم في أقرب فرصه وتقولهم إنك إستلمتها كده عشان ميستهبلوش ويحاسبوك على المصنعية ولا حاجة، وحتى لو حصل إعترض وإتمسك بحقك، ده لو حصل يعني.

**limo81** · 02-12-2012 09:00 PM

ع فكره انا ماقلتش حاجه
ماعرفش مين اللي كتب الكومنت
احنا ح نتسرق ولا ايه

**Khaled Online** · 04-12-2012 11:07 AM

ألف مبروك! :)
آسف متأخرة شويتين

**S O P H O S** · 04-12-2012 12:26 PM

الف مبروك
ربنا يبارك ..

**Porsche911TT** · 04-12-2012 09:48 PM

المشاركة الأصلية كتبت بواسطة rodi007

قولولي مبروك يا رجالة اللوجان.... اخير ربنا كرمني و انضميت رسمي لنادي اللوجانوية بعد بحث فظيع استمر لحوالي سنة.......
العربية محترمة قوي يا جماعة.... اي نعم لقيت لمبة التابلوه الداخلية مرة تنور و 10 مرات لأ و سامع صوت خفيف للهوا بعد ما اعدي الـ 100 كم و قافل الزجاج من الشمال... بس الثبات... جمييييل .. و الله محستش تني ماشي على 140 على الدائري و انا نازل ارخص... و افتكرت نصائح الزملاء اني المفروض معديش 120 او 130 فى السرعة و الـ rpm ميعديش 3 او 3.5 بس انا ساعتها كانت الساعة 11 و رايح ارخص متأخر بعد استلام العربية و فاضل ساعة و الخزنة تقفل

انا عملت امبارح بس 181 كم من معرض الطارق فى مول العرب الى وحدة تراخيص فيصل ثم العودة للبنك مرة تانية فى 6 اكتوبر ثم الشيخ زايد ثم العودة الى الهرم و مشوار تاني فى السريع لحد المنيل و العودة مرة تانية... بصراحة مكنتش عايز انزل من العربيةو بتلكك علشان اروح اي حتة بالعربية

العربية على المطبات تحفة.. بمر على عيون القطة اللى فى الطريق ... ياااااااااااه .. اكنك دست على زلطة حجمها 2 سم....

بصراحة .... انا اتكيفت قوي من العربية على الرغم من الحاجات البسيطة اللي لاحظتها و اعتتقد انها سهلة تظبيطها ( ظبط اللمبة سهل و صوت الهواء اعتقد ان ماكنة الزجاج عايزة ظبط بسيط علشان ترفع الزجاج عدل من كل النواحي )

انا بقارن بينها و بين 3 عربيات فى نفس الفئة - اللانوس - الفيرنا - الافيو و التلاتة سقتهم كتيير بخلاف الفيرنا مش كتير قوي... بصراحة ... مندمتش على اختياري اللى ربنا هداني ليه و ربنا يحفظها يا رب و يكرم كل واحد نفسه فيها

ربنا يبارك فيها ويسعدك بيها :) ، اختيار موفق بصراحه