ستيب واي الرائعة

**mfrateb** · 29-11-2012 01:31 AM

الحمد لله استلمت الستيب واي و هي سيارة زوجتي. هي اختارت اللون الفيراني و ان كنت افضل السيلفر لكن طبعا الأسد يدفع وبس.
السيارة بصراحة شكلها شيك جدا و لو.دورت في نفس الفئة السعرية مش هتلاقي حاجة بهذه الروعة صراحة و.كمان السيارة عالية و ملفته للنظر يعني فعلا اللي سايقها بيبقي في محط انظار المحيطين بالذات مع الجنوط
و طبعا عشأن السيارة لافته للنظر فالسيارة اتحكت بعد ساعتين من الترخيص و بقي فيها شوية خدوش علي جانب الباب الخلفي و الحمد لله علي كل شئ
بعاجبني في السيارةبساطة التابلوه و شيأكته وبصراحه خاماته حلوة و العربية من جوة أشيك من اللوجأن و الفرش راقي جذأ. الكاسيت فيه USB و Bluetooth و AUX و ده خلاني اعمل بيرنج مع الموبايل و اتكلم في التليفون خلال سماعة تحت المراية الامامية و اسمع المتحدث في سماعات السيارة و ده بصراحة شئ مهم و نماتلقيهوش في عربية بالسعر ده الا رينو.
العربية دي تلخبط فعلا فهي مانيوال و فيها كماليات الاوتوماتيك. مافيهاش مرايان كهربا و فيها اير باج و اي بي اس. حاجة غزيبة و الظاهر ان الامان هو رقم واحد عند مصمم هذه السيارة.
العربية واسعة وقعدتها مريحة جدا. و نازل معاها فرش ارضية اصلي مخملي شيأكة.
الشنطة واسعة وممكن طي الكرسي الخلفي لو عندك شنط اكبر الجنط متثبت بعناية اسفل السيارة بمسمار تفكه من قاعة
دة الشنطة.
العربية زي ما قلت عالية و عفشتها قوية لكن عزلها مش اللي هو . قيادتها ممتعه و سلسة و غيأراتها ناعمة جذا و انصح بها حتي اللي بيسوق مانيوال جديد.
انا اعتقد ان اللي هيجيب العربية دي هيحبها لاكثر من سبب لأنهأ عربية جميلة و سعرها كويس و خدمتها كويسة و ان شأء الله مشأكلها قليلة
العربية انتشرت جدا و وكل الوانها شيك بصراحة.
لما رحت ارخص لقيت سواق محترف اعرفه و لما شأف العربية قالي انه سافر بيها مرة بيوصل زبون و شكز في ثباتها علي الطريق و.قال سرعتها و ثباتها افضل من الصني الجديدة و العهدة علي الراوي.
ألعربية فعلا تستاهل الفلوس و بجد العربية دي صققة رايحة بأذن الله و ربنا يكفينا شرهأ و يعطيكم من فضله جميعا
عيوبها في رأيي هو عيوب الرينو المغزبي عموما و هو خفة الصاج و ده تلاحظه من خفه الباب وانت بتفتحه و جدير بالذكر انك لازم ترزعه عشأن يقفل
و عندي استفسارين ياريت حضزاتكم تجاوبوني عليهم:
ما هي افضل طريقة لعلاج الخدوش السطحية و انا قريت كتير في المنتدي هنا بس بصراحة احترت اكتر
السؤال الثاني لمالكي الستيب واي : انا عندي الكوتشأت ماركة غزيبة كدة اسمها كونتننتال باين . ياتري ده ستاندرد و لا بمزاج صاحب المعرض؟
السؤال الخير: امتي اغير زيت و ما هو افضل ضغط لاطارات الستيب واي؟

**georgedada82** · 29-11-2012 04:01 AM

بص حضرتك ستيب واي هي نفس اللوجان فاللي هيفيدوك في كل حاجة تخصها سواء عفشة او ميكانيكا لانها نفس اللوجان بالظبط او حتي اكسسوارات وخبرات في التعامل مع التوكيل .... الخ هو قسم اللوجان

**S O P H O S** · 29-11-2012 05:50 AM

ما شاء الله
الف مبروك
وربنا يبارك ..

**mido_1491** · 29-11-2012 08:35 AM

اااااااااااااالف مبروك وربنا يكفيك شرها
بس ليا سوال لو سمحت علشان عايز اجيب العربية دى ومش عارف اجيبها توكيل ولا معرض
انت جبتها ايه؟؟
والسعر كام؟؟؟
والاستلام بعد اد ايه؟؟
شكراااااااااااااااااااااا ااااااااااا

**kar!m** · 29-11-2012 08:44 AM

ألف مبروك .. ربنا يبارك لك فيها و يحفظهالك.

هي منزلش منها أتوماتيك لسه؟

**m_medo** · 29-11-2012 08:56 AM

مليون مبروك

**wassim_nasser** · 29-11-2012 10:29 AM

الف مبروك الستيب واي ربنا يديك خيرها و يكفيك شرها .. العربية فعلا جميلة وعالية عن الطريق و ثابته جدا و زي ماقالك استاذ جورج هى تشبه اللوجان من حيث العفشه والميكانيكا والاختلاف بس ف الزيادات و الشكل الخارجي .. بالنسبه لإستفسارات حضرتك فتغيير الزيت بيكون كل 10000 كيلو ف الصيانات الدورية بس بالنسبه لأول مره يستحسن تغيره ف صيانة ال 5000 (من باب الحرص فقط انما لو مش عايز براحتك) لأن الزيت بيكون نازل فيه رايش من تليين الموتور .. أما بالنسبه لنوع الاطارات مش هاقدر افيدك فيه لأن اللوجان بتاعتي نازله بنوع اسمه باريوم بريلانتس لكن افضل ضغط هاتلاقيه مكتوب علي استيكر ملزوق ف باب السائق .. وخلى الخدوش شوية عشان تاخد العين .. لاحظ ان دهان الفابريكة بيفرق ف سعر اعادة البيع

**Dr.M_baz** · 29-11-2012 11:56 AM

ألف مبروك وربنا يبارك لكم فيها.

**mfrateb** · 29-11-2012 02:27 PM

المشاركة الأصلية كتبت بواسطة mido_1491

اااااااااااااالف مبروك وربنا يكفيك شرها
بس ليا سوال لو سمحت علشان عايز اجيب العربية دى ومش عارف اجيبها توكيل ولا معرض
انت جبتها ايه؟؟
والسعر كام؟؟؟
والاستلام بعد اد ايه؟؟
شكراااااااااااااااااااااا ااااااااااا

انا جبتها من معرض...التوكيل قالي الاستلام بعد ٥ شهور
والاوفر برايس يتراوح بين الفين و الفين وخمسائة حسب المعرض