يا باشا كلامك خطيير جدا و أؤكدلك ان لو ده حصل معايا هعرف الأعضاء بأى وسيله ممكنه وان كنت أعتقد أن ده صعب يحصل
وده لا يمنع انى لو لقيت استجابة لائقة من الوكيل أنى أذكر ده بطريقة حيادية جدا .... لو لقيت استجابه بس شكلهم كده مش هيهتمو
اولا قدر الله وما شاء فعل...."وعسى ان تكرهوا شيئاً وهو خيرٌ لكم"
انا عن نفسى مستنى ردود أشاوس القسم + مع فتح قنوات الاتصال
ويعملوا زياره للمصنع تانى كده وحضرتك معاهم
ومش عايز اسمع دفاع " الواحد كان بيحسب الدنيا وردى فى نيسان من كلام الناس"
ولك الله أيها العميل فى أى توكيل فى المحروسه
والله أنا مكنتش عاوز اعلق على الموضوع عشان مشاعر الراجل اللي محروق دمه
بس هي فعلا متستاهلش و ده مش تجني مني ولا حاجة والله
1. شكل و تابلوه من التسعينات (مع احترامي لأي حد )
2. تجميع مصري مع 40 % مكونات مصري
3.الموتور تجميع هندي و الحاجة الوحيدة الياباني 100 % فيها
هي الفتيس فقط
4. سعرها اللي تقريبا زي الكوري و اللي في رأيي أفضل منها
ما عدا عوامل الأمان
العربية المفروض سعرها ينزل على الاقل 7 الف جنيه (ده من غير حساب ال overprice)
التوكيل مبالغ في سعرها لسببين
1. بيبيع على حس الموديل القديم
2.لانها تجميع مصري فـهو متحكم في السعر
ماسك السوق يعني لأن مهما نزل خليجي أو غيره ,مستحيل يبقى ارخص منه
و ده كل التوكيلات بتعمله ,و أبسط مثل الفيرنا
ودي بدايل أنا في رأيي شايفها افضل بكتير :
1. كيا ريو
2.accent rb
3.proton gen2 أو persona
ده غير القنبلة اللي هتغير السوق المصري
peugeot 301 و دي هتنزل قريب و السعر متوقع يكون من 90-120 ألف
لو نزلت بالسعر ده ,هتقطع على حاجات كتير اويييي
All New Peugeot 301 - YouTube
ان شاء الله مفيش حاجة من دية تحصل
ولاكن هو لازم تدخل اى شخص من رجالة االمنتدى علشان تتحل المشكلة ؟
يعنى لاقدر الله لو حضرتك مكنتش عضو فى المنتدى او مثلا لاقدر الله زى مئات من ملاك هذه السيارة يجهلون نشاط المنتدى أو لايتعاملون مع النت بصفة عامة
السؤال كان إيه العمل
أول حاجة: قدر الله وماشاء فعل ....حمدالله على سلامتك مليون مرة والحمدلله جات في الحديد
تاني حاجة: ماتسيبش حقك وفعلاً أي حد مكانك كان قال أكتر من كدة, مش منطقي أبداً يكون عربية منزلينها تتباع من غير قطع غيار...ده حتى فلتر التكييف مش موجود في التوكيل وبادور اجيبه من برة مصر ازاي !!
تالت حاجة: بما ان حضرتك مش مأمن عليها سيبك من التوكيل والكلام الفارغ ده طالما هما مش هايحلولك حاجة في الوقت المطلوب, الكلام المايع اللي حضرتك سمعته ده بيدل على ان ماعندهمش أي حل في المستقبل القريب, علشان كدة اطلع على الحرفيين وخدها من قصيره , وكان فيه زميل مشكور هنا قال على مكان محل في شارع رمسيس عنده قطع غيار العربية الجديدة على ما أذكر ... ياريت يقوللنا مكانه وتليفونه ويبدأ التعامل معاه
رابع حاجة: لو عربية مالهاش قطع غيار, وهي سلعة معمرة وبتمشي في الشوارع وتتبهدل زيها زي أي عربية تانية, يبقى المفروض ماتنزلش أساساً قبل مايتوفرلها قطع الغيار, وبالفعل لو كان عندي معرفة ان قطع غيارها بالندرة دي ماكنتش جبتها إلا بعد توافر قطع الغيار .... كامل الحق معاك في انك تقول ماحدش يجيبها حالياً, لأنها بالفعل هاتقعد مركونة ومالهاش لازمة زي أي عربية صيني مالهاش توكيل حصللها حاجة !!! ... وللأسف عربية كويسة وأدائها محترم بتبوظ سمعتها بسبب قرش ملح , التوكيلات مش موفرة قطع غيارها بدعوى ان المصنع بيستعمل كل ما لديه !!! ده مش رد منطقي يقولوه لأشخاص راشدين
متابع مع حضرتك ومنتظر اعرف تطورات الوضع لحد فين , وياريت حضرتك تعمل موضوع صغير كدة تذكر فيه الأجزاء المطلوبة بالظبط , علشان كل واحد من الشباب هنا سواء جوة أو برة مصر يحاول يدور بمعرفته واللي يلاقي قطعة منهم يبعتها لحضرتك بالطريقة اللي تريحك , على الأقل نكسر الحصار اللي في مصر ونتعاون في توفيرها لحضرتك
وحمدالله على سلامتك تاني , ويارب تكون دايماً بخير
ومنتظر رد أحمد مصطفى ونشوف هايقول إيه في الحكاية دي
ربنا يعينك ويصبرك بصراحة..طيب ماتحاول تدور على الحاجة دي برا التوكيل وتجيبها من الحرفيين مثلا..
أنا بصراحة مش مقتنع بالصني الشكل الجديد دا خالص..في نظري الشكل القديم الأفضل بكتير.
قدر الله وماشاء فعل .. والحمد لله انها جت لحد كده
انا عاوز اقول حاجه صغيره .. ان اللى حصل معاك ممكن يحصل لاى حد فينا ... وربنا يسترها على الجميع .. ويكفينا شر الطريق ...
انا باعتبر انها ليست مشكلتك وحدك لكنها مشكلتنا جميعا ملاك الصنى الجديده فلابد من وجود حل جذرى وليس فردى لهذا الموضوع .. وعلى وكلاء نيسان توفير قطع الغيار للسياره وانا واثق انه هيكون الحل قريب بإذن الله كما تعودنا دائما من نيسان
[img2]http://nileup.com/up/uploads/nilemotors_13522393591.jpg[/img2]
والله يا باشا أنا متشكر جدا على نصايحك ومشاركتك
أنا يا باشا بحاول أصلح الريداتير على الأقل بس عشان العربية ماتخرجش برة الضمان وبعد كد و أعرف أمشى بيها وعشان ميجيش بعد كده لو حصل حاجة فى الموتور يقولى ده بسبب انك ركبت ريداتير مش اصلى او بره التوكيل انما بعد كده ان شاء الله هكمل الاكصدام واسمكرة والدهان فى أى مكان أرخص شوية
أنا فعلا سألت فى كام مكان بره التوكيل وبرضه مالقيتش حاجة وماأعتقدتش أنى هلاقى قطع غيار مستعمله ليها فى الحرفيين لأن زى ما حضرتك عارف ان العربيه جديدة فى العالم كله فصعب انها تكون استعملت بره و اتفككت واتباعت قطع غيار
وعلى العموم ده اللينك الى كاتب فيه موضوع الحادثة وفيه كل قطع الغيار المطلوبه و أسعارها الخرافيه فى التوكيل كمان
http://www.nilemotors.net/Nile/319228-2013.html
بس أكتر حاجة محتاجها عشان أقدر أحرك العربية و أكمل الباقى بعد كده هى قنطرة الريداتير والركبه اليمين الى بتوصل بين الشاسيه و قنطرة الريداتير . لو قدرت أجيب دى ممكن يبتدو شغل و بعد كده أكمل الباقى بعدين
و مرة تانيه بشكرك لمشاركتك الفعاله جدا