يا باشا انت بتقارن فئتين مختلفين تماما هاتش باك رياضية و سيدان بس هجاوبك برضه

نبتدي بالامبريزا
هاتش باك رياضية المحرك المنبطح الذي تعتمد عليه سوبارو يعطيها ثبات رائع وزنها 1325 كيلو دفع رباعي يلزم لها بنزين 95 (غالي و مش متوفر)و عشان تستمتع بالامبريزا لازم بنزين 95 92 هيمشيها بس و ممكن يعمل كارثة في الموتور

1500 سي سي محرك بوكسر متطور و عنيف جدا 107 حصان ياباني بالكامل اعتمادية عالية و ثبات يقارن بالبورش
شكل ثوري و متطور جدا جدا نادر لما تلاقي حد راكبها

قطع غيارها ناااااااااااااااااااااااا ااااار الوفات الوفات و ممكن تنفضلك جيبك في اي وقت لو مثلا فانوس اكسر تدفع 2000 جنيه في السريع كده ده غير اسعار الصيانات و مش اي حد بيفهم فيها و قطع غيارها جوا التوكيل فقط ده غير ان اعادة البيع ضايعة بمعني الكلمة

العربية في المجمل تحفة تحفة بجد و لو متوفرش معايا فلوس الليون اليي نفسي فيها هجيب امبريزا لانها عربية no1

كوردوبا الماني تقفيل و تجميع اسباني علي اعلي مستوي لا يعيبها سوي ان صدر العربية فيبر و ده لازم تخلي بالك منه و تسيب مسافات بينك و بين اللي ادامك كبيرة شوية

1400 سي سي 85 حصان 130 نيوتن عزم العربية كثبات تحفة لا غبار عليها و عندك cryptonx معانا هنا جربها و عجبته جدا جدا و اعدت معاه اسبوعين تقريبا الشنكة بتاعت الكوردوبا 485 لتر اكبر من الامبريزا بكتير الصالون برضه اكبر من الامبريزا الشكل طبعا الامبريزا احلي لكن دي اذواق مش معني كده ان كوردوبا وحشة هي جريئة بس من الناحية الجمالية امبريزا اجمل

اعتمادية عالية جدا (الماني) قطع غيار متوفرة برا و جوا و اسعارها اقل بكتيييييييييييييييييييييي ييييييييير من اسعار الامبريزا مع انها made in germany التوكيل بيفهموا جدا بس غاليين شوية اي حد بيفهم في الابيزا برا هيفهم فيها و يعرف يصلحها عادي جدا جدا بالنسبة للاداء طبعا الامبريزا اعلي لكن لو عايز تزود اداء الكوردبا و توصلها ل 100 حصان مثلا هيتزود و لو عايز تحط تربو يتحط عادي غير فرق السعر طبعا بين دي و دي مش قليل الكوردوبا تاخد بنزين 92 عادي جدا جدا

اعتقد ان فارق السعر و طبعا جودة الكوردوبا معليهاش كلام يتحط في كفة الكوردوبا

اسعار صيانات و قطع الامبريزا و اعادة البيع الضايعة و مش اي حد يفهم فيها و قليلين جدا يقلل من كفة الامبريزا شوف احتياجاتك ايه و قرر و للعلم الاتنين بيدوا تميز للمالك لانهم مش منتشرين