الموضوع: كيا سيراتو الافضل و اتحدى

المشاركة الأصلية كتبت بواسطة SAbuhashem

إيه يا عم إنت داخل شايط في الناس كلها كدة ليه !
إنت عرضت موضوع وتحديت منتدى بحاله
الناس ردت وطلعتلك الوحش واللي مش عاجبهم تقوم ترد الرد الإستفزازي دة

طيب إيه رأيك بقى إن أي عربية ياباني أحسن منها و الجين ٢ تتفوق عليها بوجود عوامل الأمان فيها

وإذا كان كلامنا عن عوامل الأمان جهل
فيبقى كلامك عن نوع التيل وبعد المروحة و علبة البيئة نقول عليه إيه

أنا شخصياً عربيتك دي مبطقهاش

شكلها وحش ومبعجرة ومن جوة كلها بلاستيك وريحته وحشة كمان دليل على ردائة الصناعة زي العربيات الصيني

وعلى فكرة أنا عمري ما شفت مكانيكي بيفهم بيمدح في العربيات الكوري

استفزاز أهو !

أنا عارف Onna هتفرقع مني بس معلش يا Onna لكل مقام مقال

عموماً تعصب الشخص لماركة ونوع العربية اللي اشتراها شيء اتعودنا عليه خلاص


Thanks
Eng.Sherif Shaker

والله يا شريف كنت هعلق لكن بعد ما شفت ردك مش هكلم بعدك انت راجل 100 100 و كلامك في الصميم كعادتك انا بصدق علي كلامك بنسبة 100% و احب اضيف حاجة بس ان السيراتو اقل عربية في فئة 1600 سي سي من ناحية عوامل الامان كلها عوامل ثانوية انما بتفتقد لكل عوامل الامان الهامة و انت راجل 100 100 :):):D:D

طول الكبوت ده عامل و ابقه سلملى على حوض الياريس و كبوتها .

سلامك وصل
و بتقولك انا واخده 5 نجوم في اختبارات السلامه الاوربيه بالكابود القصير بتاعي دا
يا تري السيراتو بتاعك واخده كام بالكبود الطويل و تيل الفرامل؟؟؟
يا ريت لما نيجي نتناقش نتناقش بموضوعيه بلاش اسلوب يستفز الاعاضء تجاهك
زي اضحكتي يا فتي و سلملي علي الياريسو الكلام دا كان مثلا حضرتك راكب عربيه محدش ركبها
لاء بتمن الياريس كنت ممكن اجيب سيراتو
بس انا دماغي كده و جبت العربيه اللي عاجباني و انت جبت العربيه اللي عاجباك يبقي ما تحاولش تهدم في الناس لان كل واحد قادر يدافع عن الحاجه اللي مختارها علي زوقه

تم اعادة فتح الموضوع

مشرف القسم

طيب إيه رأيك بقى إن أي عربية ياباني أحسن منها و الجين ٢ تتفوق عليها بوجود عوامل الأمان فيها

معلش اختلف معاك , الجين 2 الabs اللى فيها اى كلام و الفرامل بتاعت العربية ضعيفة جدا , عمل زى الabs بتاع العربيات الصينى.
بالنسبة للairbags فمعتقدش هيفتحوا فى الجين2 اساسا معلش منغير محد يزعل.
اما اليابانى احسن منها فمعلش برده فى يابانى بدون abs و بكدا تبقى اوحش حتى لو فى airbags لان الairbags ضرورية وقت الحادث بس لو حصل حادث لا قدر الله اما الabs ضرورى علطووووووووول.

وإذا كان كلامنا عن عوامل الأمان جهل
فيبقى كلامك عن نوع التيل وبعد المروحة و علبة البيئة نقول عليه إيه

معلش دى غلطة من slayer.

أنا شخصياً عربيتك دي مبطقهاش

دى اذواق , انا شخصيا مبتيقش ال3series , كل واحد حر فى رايه.

شكلها وحش ومبعجرة

انا برده شايف ال3series شكلها وحش و مبعجرة :)
اذواق!!!

ومن جوة كلها بلاستيك

عربيات كتير اوى اوى من جوه كلها بلاستيك زى الكورولا و الصنى و حاجات تانية كتير اوى اوى.

وريحته وحشة

ابقى رش عليه معطر :D

وحشة كمان دليل على ردائة الصناعة زي العربيات الصيني

يا راجل حرام عليك , صينى مين بس , طيب اليابانى بلاستيك , يبقى اليابانى زى الصينى؟

وعلى فكرة أنا عمري ما شفت مكانيكي بيفهم بيمدح في العربيات الكوري

انا شفت اللى احسن من الميكانيكى و اللى بيفهم اكتر منه مليون مره بيمدح فى الكورى , انا بتكلم على الconsumer reports و اراء ملاك العربيات الكورى و مبيعات الكورى لدرجة ان شركة واحدة بس و هى هيونداى-كيا لان كيا مملوكة بالكامل(بنسبة 100%) لهيونداى اكبر خامس مصنع للعربيات فى العالم و بيبيعوا اقل بشوية من 4 مليون عربية فى السنة و مبيعات هيونداى-كيا حوالى 10% بحالهم من مبيعات كل العربيات فى امريكا و لك ان تتخيل فى كام عربية بتنزل فى امريكا (ال10% دول بالنسبة لشهور معينة يعنى النسبة تقل او تزيد قليلا).
و اطن الكلام عن الكورى فى سنة 2008 غير من 10-20 سنة خالص و تقدر تقرا و تتاكد بنفسك.

بصراحة انا مكانش بيعجبنى شكل العربية اوى(دا ذوقى) و اتعودت عليه و بقيت اشوفه كويس (اذواق برده) بس فى ناس كتير بتعجبها العربية .
بس هى الصراحة بالسعر دا و فى فئتها كويسة اوى بس لازم نصير ينزل فيها abs + airbag على الاقل standard و العربية تبقى ممتازة و خصوصا مع الشكل الجديد.

يمكن موضوع عوامل الامان دة يا سمعة نقص فعلا من قيمة العربية فى الفلوس لكن هم مدوش فرصة للناس انهم يختارو العربية بعوامل الامان دى !! دة حتى اعلى grade فى العربية برضه من غير air bags&abs .. بغض النظر عن جودتها او اهميتها لل customer بس على الاقل اديني ال option انى اختار .. طيب ما الالنترا حطين فيها الحاجات دى و سعرها شطح عن السيراتو بكتير مع انهم تقريبا هم الاتنين وجهين لعملة واحدة بس على الاقل اللى عاوز air bags &abs ضمن الكماليات عرف يجيبهم .بس السيراتو مدتش لحد فرضة الاختيار و دى بصراحة عيب فى حقهم و مينفعش تتعمل فى عربية فى الفئة دي .

يمكن موضوع عوامل الامان دة يا سمعة نقص فعلا من قيمة العربية فى الفلوس لكن هم مدوش فرصة للناس انهم يختارو العربية بعوامل الامان دى !! دة حتى اعلى grade فى العربية برضه من غير air bags&abs .. بغض النظر عن جودتها او اهميتها لل customer بس على الاقل اديني ال option انى اختار .. طيب ما الالنترا حطين فيها الحاجات دى و سعرها شطح عن السيراتو بكتير مع انهم تقريبا هم الاتنين وجهين لعملة واحدة بس على الاقل اللى عاوز air bags &abs ضمن الكماليات عرف يجيبهم .بس السيراتو مدتش لحد فرضة الاختيار و دى بصراحة عيب فى حقهم و مينفعش تتعمل فى عربية فى الفئة دي .

فعلا كلام صح و كمان هما مش هيخسروا حاجة لما ينزلوا فئات اعلى ب abs و airbags و اللى عايز يشترى يدفع زيادة هو حر يعنى التوكيل مش هيخسر حاجة خالص فعلا زى الالنترا بيظبط, بس برده الناس اللى بتشترى العربية كان لازم تكلمهم فى الموضوع دا او تروح المعرض(بتاع نصيريعنى التوكيل مش موزعين) و تقابل مدير المعرض و تقولوا يبلغ الادارة انى مش هشترى العربية علشان مفيهاش الحاجات دى و انها حاجة اساسية , لو 10-20 واحد عملوا كدا التوكيل علطول هينزل الحاجات دى فى الدفعة اللى بعدها منغير كلام ك option زيادة و اللى عايز يدفع زيادة.