الموضوع: النيو سيراتو سياره تستحق الاحترام فعلا

و الله انا معايه العربيه و نفسي اقول الكلام اللي انت قولتو ده بس هيتقال عليا اني من المافعين عن العربيه عشان معايه
ما طبيعي اكون مقتنع بعربيه امال جبتها ليه و دفعت فيها كل ده ليه
ربنا يكرمك انك قولت اللي علي لساني

المشاركة الأصلية كتبت بواسطة Ahmed Samy

انا افتكرتك جربتها ...

الكلام ده احنا بنقوله من زمان و ما أقنعكش

انت اقتنعت علشان الأستاذ اللي أقنعك له باع طويل زي ما بتقول

و انت بتقول الكلام اللي قاله وهو مقنع للكل "نظريا"

انا عايزك تجربها في سفر لو سنحت فرصة

وساعتها هاسمع رأيك أنت فيها و هيكون "عملي" و عن تجربة


و على فكرة أنا مش زعلان منك ولا من أي حد بيهاجم السيراتو أو مش عاجباه (أصل يهاجم دي تقيلة شوية)

لأن للمرة العاشرة العربية ده حاجة بتاعتي ..مش أنا اللي عاملها (دا أنا حيالله شاريها) وممك أغيرها في أي وقت

فبقول رأيي فيها بصراحة لأنها النهاردة عربيتي و بكره الله أعلم

و كلامنا بخصوص العربيات مجرد نقاش ولو حامي جدا

..انما احنا بينا و بين بعض حاجة تانيةاحنا زملاء و رجالة

ولا ألف عربية تدخل في النص

دكتور احمد انا بالفعل كان لى تجربه مع السياره ولكن لان السياره كانت فى التليين فكانت قياده عاديه ومش رياضيه ومقدرتش بالظبط احدد قوة الثبات او التسارع لانى وصلت الى سرعة 80 فقط
ولكن الحاجه اللى اخدت بالى منها انى حسيت ان الفتيس لما تهدى بالعربيه بياخر النقله شويه وعلشان انا من الاول متحيز ضد العربيه دى فاكيد غالبا او ما هركبها هبص للعيوب وطبعا طبعا هانكر كل المميزات وعلى فكره انا بقول الحقيقه اللى اى حد بيعملها فعلا
وانا كنت بتكلم من منطلق التقفيل والصاج وارتفاع السعر وليس من منطلق الاداء والقياده والرفاهيه

بالنسبه ان العفشه ناشفه والله انا شايف انها انعم من عفشة الاوكتافيا اللى فيها جنوط 17 حتى الجيتا كمان وده مش مشكله كبيره قوى يعنى لان ده بيذود ثبات العربيه على الطريق
ان شاء الله بعد لما السياره دى تخلص التليين هجرب ثباتها وهقارنها بالكورولا اللى معايا ان شاء الله
ولكن صاحب العربيه بيقول ان ثباتها اقل من الاوكتافيا a5 ولكن بدون تجربه محدده يعنى بيقول ده ايحاء على الملفات البسيطه
انا بتهيالى مفهياش مشكله لو الواحد وصل الى 160 مره ولا حاجه علشان يجرب العربيه فى التليين ولكن صاحبها بيقول انه مش هيعدى 100 بيها خالص الا بعد لما يخلص 1000
انا بعربيتى وصلت فى التليين الى 180 مره واحده من اجل التجربه فقط والحمد لله العربيه كويسه لحد دلوقتى
عموما يا دكتور احمد ربنا يباركلك فيها وهى بالفعل سياره جديره بالاحترام

انا بحيى الراجل اللى عمل الموضوع ده علشان هو فعلآ راجل ولما وجد ان وجهة نظرة فى السيراتو كانت خطآ لم يتردد وكتب هذا الاعتراف واتمنى ان يجربها بنفسة لان ساعتها مش هيكتب اعتراف وانما هيكتب ابيات شعر فى هذة السيارة المحترمة0
--------------------------------------------------- وانا للمرة الثانية بحييك يا رجل ------------------------------------------------

بص انا مسقتش كورولا بس انا كنت ماشي و اخت ملف علي 170 في طريق العين السخنه بعد البوبات محستش ان العربيه بتلعب او اي حاجه كانت زي الفل هو مش ملف خطير اوي بس بسرعه عليه و للعلم انا معايه جنوت 16 مش 17
و كان اداء العربيه بنسبه ليا اكتير من هايل
و يسيدلي لو عاوز تجرب العربه بلاش صحبك و انا تحت امرك يا باشا
انا عامل 3000 ممكن تجرب برحتك