الموضوع: Polo 1999 1600cc

المشاركة الأصلية كتبت بواسطة kerberos

السلام عليكم ورحمة الله وبركاته

كنت عاوز آخد رأيكم يا جماعة.. أنا عاوز أشتري عربية بولو، ومعروض عليا واحدة موديل 1999 صاحبها مركبلها موتور 1600cc.. المفروض إنها ماشية 90,000 كم جميع الكماليات، عارضها بـ 45,000

إيه رأيكم؟

العربية دية بتنزل فى الوسيط بقالها 3 جمعات و على كل الsites اللى بتبيع عربيات و نزل بيها السوق كمان.

المشاركة الأصلية كتبت بواسطة mohamed ibiza

نزلها ل 40 41 الف عشان تعرف تبيعها بعد كده لان الموتور المتسقط في ثقافة شعبك بيقلل سعر العربية بس هي كأداء هتلاقيها تحفة و يا تري الموتور الجديد موتور ايه اصلا

+1
العربية هاتبقى مرتاحة معاك اوى فى السفر و فى مطالع الكبارى و انت مشغل تكييف.
بس دية متزيدش عن 40,000 جنية باى حال من الاحوال.

المشاركة الأصلية كتبت بواسطة dr_3eshoo

اولا فتيس لانه اكيد ماغيرش فتيس ال1600

طبعا متقدرش تعرف غير لما تشوف, بس فى الاغلب الناس بتجيب الموتور بالفتيس.

المشاركة الأصلية كتبت بواسطة dr_3eshoo

ثانيا غير العفشه و لا لا

لازم تتاكد من الموضوع دة عشان ال1600 فراملها اكبر و احيانا بيبقى فيها ABS

المشاركة الأصلية كتبت بواسطة dr_3eshoo

و غير قواعد و لا

90% لأ عشان العربية ليها ال1600 بتاعها استيراد فا اية اللى هيخلية يلعب فى القواعد و هو عندة حاجة تنزل علاطول ؟؟

المشاركة الأصلية كتبت بواسطة dr_3eshoo

كمان مافيش متور بولو في مصر 1600 يعني مافيش قطع غيار

فى مواتير 1600 بولو كتير عند الناس بتوع الاستيراد كتير اوى فا هتلاقى قطع غيار زى ما انت عايز.

المشاركة الأصلية كتبت بواسطة dr_3eshoo

كمان المتور الي راكب فيها متور ايه هل بورا جولف ام بولو

مينفعش غير بتاع البولو عشان الضفيرة و عشان ماسورة الشكمان.

المشاركة الأصلية كتبت بواسطة dr_3eshoo

كمان الشاسيه هايستحمل ولا لا

يستحمل

المشاركة الأصلية كتبت بواسطة dr_3eshoo

بص من الاخر كده لو عجباك قوي اكشف عليها عند محمد سمير

+1
هو اللى هيفيدك

المشاركة الأصلية كتبت بواسطة original

أنا معايا 1998 1000سى سى ورغم ذلك مش بحس إنها إقتصادية أوى فى البنزين زى ماكنت متخيل على ماتور 1000 سى سى بحس إنه بيدى قوة ال 1300 سى سى..
كنت فاكرها هتشم البنزين

كان معايا عربية اختى Polo 1999 1000cc لمدة اسبوعين و استهلاكها جوة البلد {الشوارع واقفة علاطول} و التكييف شغال {مستحيل يتطفى} حوالى 250 كيلو فى الصفيحة.

العربية سافرت شرم الشيخ و التكييف كان والع 70% من السكة و ماشيين على 100 و كنا 3 فى العربية و عملت فى الصفيحة 440 كيلو.

العربية بتشم البنزين فعلا و لو عندك غير كدة يبقى العربية عندك مش مظبوطة.

انا الميكانيكى بتاعى محمد سمير و الحمدللة ظابط عربياتنا كلها زى المصنع {انا معايا Polo 2001 1400cc - و اختى معاها Polo 1999 1000cc - و اختى التانية معاها Seat Ibiza 1994 1300cc} جرب تروحلة او تروح لميكانيكى كويس يبصلك عليها.

المشاركة الأصلية كتبت بواسطة original

خدها لو لأيت عنده الموتور القديم بس يكون كامل وحتى لو محتاج عمرة بس ممكن يكون رخص ال 1600 والمرور عدم رقم القديم!!

نادر اوى لما تلاقى واحد محتفظ بالموتور القديم و غالبا مش هتلاقى خالص.

المشاركة الأصلية كتبت بواسطة original

هات واحده 98 أو 99 كاملة تكييف وباور أحسن وفى حدود 40ألف يزيدو أو ينقصو حسب الحالة..

لو بتبص على حاج اقتصادية و توديك و تجيبك يبقى هى ال1000cc