اقتباس المشاركة الأصلية كتبت بواسطة aw2100 مشاهدة المشاركة
هل طبيعى ان جنوط العجل الأمامى تسخن؟؟ لدرجة انها بتلسع اليد لو لمستها بس دة لو ماشى جوة البلد فى الطرق الطوالى بتبقى باردة هل عندى مشكلة فى الفرامل رجاء النصيحة انا فليشياوى جديد فى العربية 128 اللى بعتها مكنش الجنط بيسخن ابدا !!!!

ان الجنط يسخن ده امر طبيعي نظرا لانه جزا من الجزاء الدوارة - المتحركة - مش ثابت فبالتالي السخونة بتكون شكل من اشكال تحول الطاقة

كون الجنط بيسخن قوي فده معناه ان في عامل إضافي غير طبيعة الحركة وهنا ممكن تشك في:
الفرامل : بمعنى انها تكون قافشة او ان الماستر مش بيرد التيل لمكانه فيفضل التيل في وضع احتكاك مع الطنبور وبالتالي توليد حرارة عالية من الاحتكاك وممكن كمان التيل مش متثبت كويس في مكانه يعنى من الاخر الميكانيكي لازم يفحص التيل وتقولنا لو في حاجة عير كده

او بلية العجل : يعنى لو في خشونة ومحتاجة تتغير هاتولد برضه حرارة خصوصا لو الشحم اللي عليها مش موجود بس ده لازم يصاحبه صوت مزعج مع سير العربية و مش بيولد حرارة كبيرة قوي كده

احيانا الضغط العالي للاطارات يولد سخونة بس مش بطريقة كبير
وياريت لو حليت المشكلة تقولنا لقيت ايه بالظبط