الموضوع: شدايه مابين سيراتو وميجان

المشاركة الأصلية كتبت بواسطة 2CODE

يا باشا مين يشهد للعروسة

الاوبترا دي BMW بس الناس مش عارفه

شيفرولية طول عمرها صفيحة وموتور مع صفر وسائل امان يبقى خليها على جنب احسن حتى السونك اللي كنا هنقول هتنافس الريو والالنترا لقيناها صفر على الشمال ولا EBD و ABS ولا حاجة بس صفيحة وموتور وكاسيت

يا باشا ايهbmw متفكرنيش
الاوبترا دي جت معانا كده بعد اما عربيتنا الكورولا اتسرقت يعني نزلت مش طلعت
وبعد الكورولا عربيه عمي(لانسر سوبر اكشن 2006) قعدت معانا سنه لحد اما جبنا الاوبترا
اول ما روحنا علشان نستلمها اتصدمت ان مفيش ايرباج وفتحت الكونتاكت ملقتش abs وببص علي الفتيس لقيته اربع نقلات ساعتها قولت ده اربع نقلات زي بتاع ال504
جه بليل بقي بفتح العداد لقيت لونه اخضر كانت لاول مرة اركب اوبترا
لكن سرعان ما حبتها بسسب موتورها-شكلها المتواضع مع انه مش يحسسك الفخامه زي الكورولا كده
جه بقي لحظه اول سفريه ثبات خرافي (طبعا قبل ما المساعدين تبوظ) لحد 140 كاني حاسس انها ال100 في الكورولا وال120 في اللانسر
في لحظتها طلعنا مطب دوسنا فرامل زي الكورولا والانسر بس العربيه كانك مدستش حاجه وخدت المطب علي 140 وهي اصلا مكنتش جابت ال600 كيلو لسه
فمن ساعتها واحنا بنخاف من الفرامل رغم انها اتحسنت بعد البريدجيستون لكن ساعه الرمل والميه كله واحد طالما مفيش abs
نيجي بقي لحاجه مهمه في شغل والدي التحميل
بص ياريس الحج عنده صيدليه في بلد ارياف فمش كل شركات الادويه بتروحلنا هناك فالطلبيه بتجلنا علي صيدليه الزقايق واحنا بنوديها بعربيتنا
حمل الكورولا واللانسر والاوبترا وشوف انهي الي مش هتنزل
نيجي للمواتير
الكورولا بطه بلدي اللانسر كانت جرايه
الاوبترا تطلع من الانسر حتي اما الحج جري مع عمي علي الروبيكي عمي طلع الاول واحنا طلعنا بعديه لكن علي 140 الحج جابه وعداه
ولسه كنت مع واحد صاحبي بعربيته ال2009 سوبر اكشن وطلعنا مع بعض مفيش ثواني وكنت شايف فالمرايه وريا
وشدايت مع السيراتو امبارح بطلع قبله
وبعدايه لكن بصراحه معداناش ال 120 فمش عارف بقي مين الي يسبق هنا لكن الكفه لصلح السراتو الي كنت بجري معاها لانها 6 نقلات وانا 4
الاوبترا كويسه جدا علي قد سعرها (سابقا قبل ماتغلي)
بس الي يجبها يا يجبها خليجي يا يجبها دايو علشان يحس بفرق