الموضوع: ستيب واي الرائعة

المشاركة الأصلية كتبت بواسطة m_medo

مليون مبروك

مليون شكرا

المشاركة الأصلية كتبت بواسطة wassim_nasser

الف مبروك الستيب واي ربنا يديك خيرها و يكفيك شرها .. العربية فعلا جميلة وعالية عن الطريق و ثابته جدا و زي ماقالك استاذ جورج هى تشبه اللوجان من حيث العفشه والميكانيكا والاختلاف بس ف الزيادات و الشكل الخارجي .. بالنسبه لإستفسارات حضرتك فتغيير الزيت بيكون كل 10000 كيلو ف الصيانات الدورية بس بالنسبه لأول مره يستحسن تغيره ف صيانة ال 5000 (من باب الحرص فقط انما لو مش عايز براحتك) لأن الزيت بيكون نازل فيه رايش من تليين الموتور .. أما بالنسبه لنوع الاطارات مش هاقدر افيدك فيه لأن اللوجان بتاعتي نازله بنوع اسمه باريوم بريلانتس لكن افضل ضغط هاتلاقيه مكتوب علي استيكر ملزوق ف باب السائق .. وخلى الخدوش شوية عشان تاخد العين .. لاحظ ان دهان الفابريكة بيفرق ف سعر اعادة البيع

شكرا للرد الوافي

بص ده نوع الكاوتش الى بيتزل فى الاستيب واى و الداستر على حد علمى و هو كوتش محترم بس عيبه نقشته الواسعه شويه فبتلم ظلت

1000 مبرووووك لحضرتك و يا رب يباركلك فيها ...... الكاوتش ده الماني و من انضف الكاوتش الموجودة عالميا انا دخلت على الموقع بتاعه لما كنت حاجزها .. وهتصدقني لو قلتلك ان الكاوتش كان احد اسباب و لو مش كبير نسبيا في اختيار السيارة دي لان ده تقريبا الاستاندرد بتاع معظم كبار صناع السيارات زي المرسيدس و البي ام و كمان الميني كوبر ده بيدل على تركيز رينو في الموديل ده هو و الداستر في انه يكون فئة مستقلة ليها مميزتها و توكيله في شارع البطل احمد عبد العزيز في المهندسين مبيبعش غيره و حتى اليافطة بتاعاته اللوجو بتاع النوع ده بس و ممكن تدخل على اللينك ده موديل اللي موجود في عربيتنا
http://www.conti-online.com/generato..........-3.html ودي عامة مميزاته

reduces braking distances on both wet and dry roads by up to one car's length1
extremely good traction, particularly when cornering on wet roads
high mileage and low fuel consumption1

و بالنسبة لضغط الاطارات فهو امامي 32 بار و خلفي 30 فنصيحة حاول حضرتك دايما تزود عند اي حد عند العداد الديجيتال زي بنزينة امارات مصر و 100000 مبروك مرة تانية واي استفسار انا موجوووود

المشاركة الأصلية كتبت بواسطة sherifboo

1000 مبرووووك لحضرتك و يا رب يباركلك فيها ...... الكاوتش ده الماني و من انضف الكاوتش الموجودة عالميا انا دخلت على الموقع بتاعه لما كنت حاجزها .. وهتصدقني لو قلتلك ان الكاوتش كان احد اسباب و لو مش كبير نسبيا في اختيار السيارة دي لان ده تقريبا الاستاندرد بتاع معظم كبار صناع السيارات زي المرسيدس و البي ام و كمان الميني كوبر ده بيدل على تركيز رينو في الموديل ده هو و الداستر في انه يكون فئة مستقلة ليها مميزتها و توكيله في شارع البطل احمد عبد العزيز في المهندسين مبيبعش غيره و حتى اليافطة بتاعاته اللوجو بتاع النوع ده بس و ممكن تدخل على اللينك ده موديل اللي موجود في عربيتنا
http://www.conti-online.com/generato..........-3.html ودي عامة مميزاته

reduces braking distances on both wet and dry roads by up to one car's length1
extremely good traction, particularly when cornering on wet roads
high mileage and low fuel consumption1

و بالنسبة لضغط الاطارات فهو امامي 32 بار و خلفي 30 فنصيحة حاول حضرتك دايما تزود عند اي حد عند العداد الديجيتال زي بنزينة امارات مصر و 100000 مبروك مرة تانية واي استفسار انا موجوووود

الف شكر ياباشأ لردك الكريم.

ألف مبروك وربنا يديك خيرها ويكفيك شرها ان شاء الله
فعلا عربية محترمة جدا وانا عيني كانت طالعة منها بس في الآخر كان فيها هدف أهم مركز عليه وهو الاوتوماتيك عشان باسوق ف الزحمة كتير فا جيبت السانديرو الاوتو (مابعدتش كتير يعني)

بالنسبة للكاوتش الماركة محترمة علي عكس Barum اللي بينزل للوجان والسانديرو وانا عندي نية أغيره ان شاء الله بس غالبا بقي حايبقي علي بريدجستون أو تويو.

بالنسبة لموضوع الخدوش بدل ما تعالجه (بيتعالج بال polish لو حاجة خفيفة ولو غويطة شوية خليك بقلم دوكو مخصص للخدوش عشان ماترشش حتة ف العربية من أول ما تجيبها) الأحسن من الأول تاخد العربية كلها wax
الواكس أو الشمع طبقة بتتحط علي العربية من برا وهي شفافة مميزاتها
1-بتبين لمعان العربية
2-مابتلزقش التراب عليها أو بالأصح أسهل في النضافة
3-بتحمي العربية من العوامل الخارجية زي الخدوش وبعض الحاجات اللي بتضر الدهان زي مخلفات العصافير (مش فاكر اسمها ايه بالبلدي ) والبيض لو حد حدف بيضة ع العربية ممكن مع الشمس تودي الدهان ف داهية ولو وقع عليها اسمنت أو طلاء بيطلع بالتدريج مع طبقة الواكس.
4-مش بتأثر علي الدهان نفسه وطول مانت بتجدد طبقة الواكس كل فترة حتلاقي العربية قعدت فترة أطول محافظة علي دهان الفابريقة.
5-بتقفل أي مسام لو فيه حاجة من عيوب الدهان مش باينة ممكن تعمل بارومة.

ملحوظة أخيرة: أي خدوش عالجها قبل ما تحط الواكس عشان البوليش بيدمج الطبقة السطحية من الدهان ببعضها وبيستغل النقطة دي انه يدخلها علي الخدوش الصغيرة ماتبانش.. انما لو حطيت الواكس انت قفلت علي البولش مصدر الدهان.