ظلمت التوكيل ! اعادة تفكير في صيانة 40 الف في التوكيل - ايه رايكم ؟

**tutankhamoun** · 14-07-2008 05:43 PM

كريم باشا ..........
معلش أنا لي رأي تاني
البونتو على سبيل المثال أحسن قطع غيار ليها الإيطالي مش الألماني و الباليو زيها
و دي القطع الأصلي بتاعتها و دي المنصوح بيها
و أنا مش بحب شغل أي صنايعي بره التوكيل حتى لو التوكيل أغلى شوية
على الأقل هاخد ضمان على القطع اللي راكبه و أبقى مريح بالي
إنما أروح عند صنايعي علشان أوفر 600 جنيه و ترجع حاجة تبوظ جنبها
يبقى أنا الخسران

أتكل على الله
التوكيل قطع الغيار فيها أصلي و هي الأفضل و أفضل من الألماني للفيات بالذات و أنا مجرب في البونتو كذا حاجة ألماني و أيطالي ............. و الإيطالي أفضل كثيرا

بالإضافة للضمان اللي هاتخده للتركيب داخل التوكيل

أتكل على الله و متجاذفش و روح التوكيل
600 جنيه زيادة بتشتري بيهم دماغك .............. صدقني

ربنا يوفقك إن شاء الله و يباركلك في العربية

**ahmedfd** · 15-07-2008 10:54 AM

الحقيقة أنا من رأي توت باشا..
يا مستر كريم الحاجة في التوكيل مضونة و بتاعت العربية.. حتى لو برة التوكيل إنت متأكد إنها أصلي و الصنايعي زي الفل.. كفاية الوسوسة لو سمعت صوت ولا حسيت إن السحب أضعف حتى لو كل ده وسوسة و إحساس مش صحيح هتلوم نفسك إنك مريحتش دماغك و وديتها التوكيل و تقعد متعكنن حتى لو على إحساس وسوسة مش أكتر.

**CryptonX** · 15-07-2008 03:45 PM

الف شكر يا جماعة !

انا عملت خليييييييييييييييط من الاتنين :)

اشتريت بلية الكاتيلة و سير الكاتيلة من التوكيل
و الحاجات التانية قارنتها بماركات التوكيل لفيتها هي هي

حتى البوجيهات NGK نفس الموديل ... الحاجة الوحيدة الي فرقت نوع فلتر البنزين .. بصراحة نفضت ..

و طلعت علي الراجل بتاعي ركبت .

الاسعار اهيه للي عايز :

بلية كاتينة Fiat/Lancia/Alfaromeo -
230 جنيه ( برة التوكيل مايلي ب 120 جنيه )

سير كاتينة BOSCH made for Fiat/Lancia
130 جنيه ( من التوكيل برة التوكيل المايلي ب 90 جنيه )

سير دينامو و تكيف - 35 جنيه

سير باور - 40 جنيه

بوجيهات NGK - مش فاكر بكام .. بس اعتقد 75 او حاجة كدة

فلتر زيت BOSCH -
45 جنيه

فلتر بنزين ALCO
75 جنيه

الميكانيكة خد 70 جنيه .

يعني كله 715 جنيه مصري

فاضل الزيت بس .. يعني قول 200 كمان

يبقى كله 915

يعني انا وفرت بتاع 580 - 600 جنيه مصري و جبت اهم حاجات اصلية بالضمان :)

شكرا لكل ساعدني و نصحني يا جماعة

دولقتي بقى اجيب شيل ولا موبيل و لا توتال و لا ايه ؟

انا جربت موبيل و شيل و بصراحة مش حاسس بفرق يذكر ..