الموضوع: هوندا سيفيك 1993 ولا بي إم دابليو 316i

الف شكر ياباشا لردك و لكل اللي ردوا بس بعد إذنك لو سؤال كمان بس انا الميكانيكي لما سألته مكلمنيش عن التفاصيا أوي كل اللي قالوا إنه الموتور 1600 بيعمل حوالي من 135 ل 138 حصان ف ممكن بعد إذنك توضحلي شوية ...بحيث أديلو تفاصيل نجيب علي أساسها الموتور

المشاركة الأصلية كتبت بواسطة semsem kane

موضوع مين افضل السيفيك ولا ال bmw دة مش هتكلم فية

موضوع المحرك , نادرا ماهتلاقى المحرك الاصلى بتاعها بيتباع ولو لقيتة سعرة هيكون 7500 جنية شامل كل حاجة ومش وارد اليابان , لأ هيكون وارد شرق اسيا وغالبا هونج كونج
ثانيا : قوة المحرك الاصلى بتاع السيفيك يتراوح مابين 130 الى 137 حصان ودة بينزل فى دول معينة مش فى كل الدول والغالب هيكون 130 حصان وكود المحرك d16a9

لكن تقدر انت تقلل التكلفة دية كلها بحاجة بأنك تجيب محرك d16z6 ودة المحرك الاصلى بتاع السيفيك الجيل الخامس وارد امريكا ودة بيكون 125 hp , وكامة واحدة ومزود بنظام vtec
وسعرة من 4500 -5000 جنية على حسب الحالة وبيكون شامل ( الضفيرة - الكنترول - الفتيس ) وتسقيطة بيتكلف 700 جنية للميكانيكى و 800 للكهربائى , وهتجيب جنبين كبالن ب650 جنية وشكرا على كدة دة مصاريفك للعربية وتبقى خلصتها ( كهرباء - ميكانيكا ) ومعلش نسيت بردة حاجة كمان هتضطر تغير ال select بتاع الفتيس عشان المحرك دة الفتيس بتاعة بيبقى فية 1,2 , d3,d4 بعكس ال d16a9 بيبدأ على طول من 2 وزود بس 200 جنية

يعنى لو قولنا ( 5000 + 700+800 + 650+200 ) = 7450 هنقول 7500 جنية + 30000 الف جنية بتوع العربية يعنى 37500 جنية محصلتش حتى تمن ال ex , طبعا انت الكسبان بكتيييييير
لان العربية دية تمنها فى السوق حاليا حالتها نظيفة بيبدأ من 48 الف جنية

عندك كل حاجة قدامك ولك مطلق الاختيار

جبت من الأخر ياباشا تسلم و ألف شكرا بس ياريت شوية توضيح منك أكتر في خواص الموتور

المشاركة الأصلية كتبت بواسطة MohammedAladel

الأستاذ سمسم فكرته فى إن هتجيبلها موتور غير موتورها الأصلى الأوريجينال

طبعا المواتير الاستيراد عايزة حد يكون فاهم فيها عشان يقيم حالتها وعشان محدش يضحك عليك

وياريت لو الأستاذ سمسم يقول لصاحب الموضوعع عن أماكن البيع بحيث إنه يقدر ياخد لفة ويسأل على الأسعار عن قرب

وسؤال للأستاذ سمسم هل ينفع يركبلها محرك sir ويكون تكلفته كام دا ؟؟؟

هو كلام حضرتك ده معناه إنه مش حيكون v-tec ولا إيه عايز أفهم ولا حيكون v-tec بس مش الأصلي من اليابان و حاجة كمان هو فعلا مكنة ال sir ينفع و لو ينفع ياريت نعرف التكلفة بتاعتها بالضفيرة بالفتيس بكله حيعمل كام

المشاركة الأصلية كتبت بواسطة MohammedAladel

بناءا على كلام الأستاذ سمسم

هو قال إنك لو عايز تقلل التكلفة هتستخدم محرك سيفيك الجيل الخامس بيطلع 125 حصان وكامة واحدة و v-tec

واللى بناءا عليه قالك الأسعار اللى فوق راجع مشاركته كويس

اه تمام ياباشا . بس هل الموتور ال 138 حصان مش v-tec يعني هل مش حيبقي فيه الحوار بتاع زيادة السحب بعد أر بي إم 5 مثلا ؟!!

المشاركة الأصلية كتبت بواسطة بسام محمد

اه تمام ياباشا . بس هل الموتور ال 138 حصان مش v-tec يعني هل مش حيبقي فيه الحوار بتاع زيادة السحب بعد أر بي إم 5 مثلا ؟!!

الموتور بيكون vtec وهتلاقى السحب الى انتا عايزه والموتور بتاع الموديل ده ومش هتلاقى اى مشكلة انشاء الله والمكنه هتنزل على القواعد الاصلية

المشاركة الأصلية كتبت بواسطة بسام محمد

هو كلام حضرتك ده معناه إنه مش حيكون v-tec ولا إيه عايز أفهم ولا حيكون v-tec بس مش الأصلي من اليابان و حاجة كمان هو فعلا مكنة ال sir ينفع و لو ينفع ياريت نعرف التكلفة بتاعتها بالضفيرة بالفتيس بكله حيعمل كام

بالنسبة لل sir تنزل عادي مفيش اى مشكله والتكلفة هتكون في حدود 12000-15000
شامله المكنة والفتيس والضفيره والكنترول والتركيب وباين كمان العفشه وسمعنى احلى 173hp
واحلى صووووت وكدة هتكون واقفة عليك ب 30000+15000=45000 ولما تكون عايز تبيع مش اقل من 55000 وربنا يباركلك فيها ويكفيك شرها انشاء الله
"تمام كدة يا سمسم"