ما هو اكثر شئ مزعلكم من الشارع المصرى ؟

**Ramy.Gamal** · 15-07-2008 01:31 AM

بسم الله الرحمن الرحيم

كنت عاوز اعرف رأى الساده الاعضاء الموقرين فى هذا المنتدى الجميل والرائع عن ما هو اكتر شئ فى نظر كل واحد شايف انه اكبر رمز للعشوائيه والهمجيه والتخلف فى الشارع المصرى وفى كل المدن و ليس فقط القاهره فقط .يعنى هل كسر الاشاره ، ركن صف تانى وتعطيل مواطنين اخرين ، استعمال اله التنبيه (الكلاكس) عمال على بطال وبدون لزوم ، عدد المطبات الخرافى اللى ممكن يعدى عدد نجوم السماء ، الطرق الغير ادميه اللى عندنا واللى واخده لقب اسوء طرق فى الشرق الاوسط وشمال لفريقيا وعن جداره واستحقاق ام القياده فى الاتجاه المعاكس ، ولا القياده برعونه وتهور من قبل وخصوصا الميكروباصات .واى عضو محترم يتذكر اى شئ انا نسيته يا ريت يضيفه وله جزيل الشكر .كلنا عارفين ان كل الحاجات اللى انا ذكرتها ده as a package موديانا فى دهيا وتكفى تماما لوضع مصر فى مقدمه الدول الغير متحضره بس يا ريت كل واحد فينا يختار حاجه واحده بس هى اللى حاسس انها اكثر فعل من وجهه نظرة شايف انه لا يطاق وعاوز يهج ويسيب البلد بسببه

**MMamdouh** · 15-07-2008 01:32 AM

all of the above

MMamdouh

**badblood** · 15-07-2008 01:38 AM

اقصد مفيش حاجه مفرحة الواحد في مصر كلها مش الشارع بس

**فادى** · 15-07-2008 01:39 AM

الكلام ده مش فى مصر بس, موجود فى الكثير من دول العالم التى تعانى الزحام,
ما تتحدث عنه هو أخلاقيات الزحام و هى ليست شىء خاص بمصر,
من أشهر المدن التى تعانى من هذه المشكلة اسطانبول و طهران و نيويورك.
و كفاية بقى موضوع جلد الذات ده.
يمكننى تحمل بعض الزحام و أحمد ربنا انى راكب عربية مش بتعذب فى المواصلات.
و مفيش حاجة هتتحل الا لما يخف الزحام, و ده مستحيل طبعا, عشان كده لازم نستحمل الوضع, و المزيد من القوانين لن يحل المشكلة ربما هيزودها.

**Ramy.Gamal** · 15-07-2008 01:48 AM

المشاركة الأصلية كتبت بواسطة فادى

الكلام ده مش فى مصر بس, موجود فى الكثير من دول العالم التى تعانى الزحام,
ما تتحدث عنه هو أخلاقيات الزحام و هى ليست شىء خاص بمصر,
من أشهر المدن التى تعانى من هذه المشكلة اسطانبول و طهران و نيويورك.
و كفاية بقى موضوع جلد الذات ده.
يمكننى تحمل بعض الزحام و أحمد ربنا انى راكب عربية مش بتعذب فى المواصلات.
و مفيش حاجة هتتحل الا لما يخف الزحام, و ده مستحيل طبعا, عشان كده لازم نستحمل الوضع, و المزيد من القوانين لن يحل المشكلة ربما هيزودها.

اكيد القاهره مش ازحم من طوكيو اللى هى اكبر وازحم مدينه فى العالم بس عمرك ما هتلاقى الحاجات ده عندهم من كلاكسات وكسر اشارات وطرق زى الزفت وميكروباصات بتسابق فى فورميولا ومشى فى المعاكس وبقيه القرف اللى عندنا وبالتالى انا مش مع حضرتك ان الموضوع متعلق بالزحمه والعدد السكان الكبير وانما مرتبط بثقافه العشوائيه والهمجيه لبعض السائقين واكبر دليل ان مثلا عندى هنا فى اسماعيليه مش زحمه زى القاهرة ولا اسكندريه بس بتلاقى كل مظاهر التخلف فى الشارع المصرى يا راجل ده وانا رايح مرة العريش مع والدى الاقيلك بولمان ( اوتوبيس 52 راكب) ماشى معاكس فى طريق صحراوى وماشى على الشمال كمان انا مع انى مكنتش سايق انهرت وحسيت بصدمه اه ولله

**kind** · 15-07-2008 01:54 AM

اكيد القاهره مش ازحم من طوكيو اللى هى اكبر وازحم مدينه فى العالم بس عمرك ما هتلاقى الحاجات ده عندهم من كلاكسات وكسر اشارات وطرق زى الزفت وميكروباصات بتسابق فى فورميولا ومشى فى المعاكس وبقيه القرف اللى عندنا وبالتالى انا مش مع حضرتك ان الموضوع متعلق بالزحمه والعدد السكان الكبير وانما مرتبط بثقافه العشوائيه والهمجيه لبعض السائقين واكبر دليل ان مثلا عندى هنا فى اسماعيليه مش زحمه زى القاهرة ولا اسكندريه بس بتلاقى كل مظاهر التخلف فى الشارع المصرى

الكلام ده مزبوط ميه فى الميه واحنا البلد الوحيده اللى كل العربيات الزيرو فيها مكحته واحنا البلد الوحيده اللى شوارعها 8 متر اتجاهين واحنا البلد الوحيده .........

أكمل ولا هتقولولى جلد الذات ؟!! حرام بجد

**MoToRiZeR** · 15-07-2008 01:57 AM

الواحد بيبقي زعلان علي عربيته المسكينة قبل ما يزعل علي اعصابه اللي بتتحرق

لا يوجد شئ لا يعصبني في الشارع المصري و لكن أكتر شئ بينرفزني هو قلة الأدب
واحد يبقي غلطان و يشوح .. واحد يخش عكس و يقولك ارجع انت لورا .. واحد راكب فوق الكلاكس اكنه في زفة .. الجحيم هو الشارع المصري

**MMamdouh** · 15-07-2008 02:01 AM

المشاركة الأصلية كتبت بواسطة ramylancer

وايه هى الحاجه من الحاجات ده اللى لما بتشوفها بتعصبك وتبقى عاوز تقتل اللى عملها

same answer

Egypt's problems are like busted windows system... their is no solution to it but formatting the whole thing and installing a new OS

MMamdouh

-

الموضوع: ما هو اكثر شئ مزعلكم من الشارع المصرى ؟

LinkBack

أدوات الموضوع

عرض

-

-

-

-

-

-

المواضيع المتشابهه

صور من الشارع المصرى

طرائف من الشارع المصرى

طرائف الشارع المصرى

ما هي اكثر أخطاء القيادة التي تستفزك في الشارع المصري

الكلمات الدلالية لهذا الموضوع

المفضلات

المفضلات

ضوابط المشاركة