الموضوع: أبو اصه طلع انيل من مجدي الدسوقي

المشاركة الأصلية كتبت بواسطة moh_rayan

و الشيخ دا موجود فين

قدام مسعد وعدلي النحية التانية

انا دلوقتي عايز اعمل العفشة عندي

عايز اجيب 4 مساعدين جداد والبارات الداخلية والخارجية والمقص العلوي

عايز واحد يظبط لي سعر علشان انا قرفت من الاستيراد بيبقي بايظ وبنرمي فلوس فى الارض

المشاركة الأصلية كتبت بواسطة tarekomar66

يا علام لو الطنابير لسه موجوده انا ها اخدهم ان شاء الله
بالمناسبه كمان هوه ايه اللى طلع من عندك وحالته كويسه

يا باشا يجولك لحد باب البيت واللهِ
عامتن الجانب اليمين كله زي الفل مفيهوش الهوا ..كل اللي حتعملوا حتاخد الطنبورتن وش جلخ حلو وتركب فيهم المسمارين اللي بيركبوا في الصره ...لكن الجنب اليمين كله زي الفل من طنبوره لبلي لتيل لكاليبر لبيض ...كل حاجة زي الفل
إنت تؤمر بس يا عم طارق يا جميل

المشاركة الأصلية كتبت بواسطة ahmed_hamdy

يا جماعه ولو الجديد صدقوني ابو قوره ارخص من مجدي وتوشكا كمان في جسر السويس

فين ياحمد في جسر السويس ...أرجو الإفادة

المشاركة الأصلية كتبت بواسطة belladona

هههههههههههه انا اتخانقت مع ابو اصه دا عشان كنترول بيقلي 1000 جنيه وفي الااخر جبته من واحد بي 500 جنييه الحرفيين بكرههاااااااااااااااااااا ااااااااا بس عندي سؤال ممكن اعرف محمد الشيخ دا فيييين لو سمحت تحيااتي اه بالمناسبة مسعد وعدلي قالي ان الكنترول بي 1400 عملتله ها ها ها ها ها ها ها ورحت مااشي

يا عم دول عالم رايحة في ستين داهية فاكرين الناس اللي بتجيلهم جيالهم من جنوب افريقيا بلد الماس
مش عارفين إن للي راكبين الهوندا معدودين ومش كتير
أما مسعد وعدلي فحدث ولا حرج ...فاهمين في الهوندا بس غاليين جدا اجدا جدا وكمان وصلوا لمرحلة التناكة ...يعني دلوقتي ممكن تروحله بمكنة sir يقولك مابشتغلش فيهم ...أُمال بتشتغل في ايه يا عم الحاج ...قالك بشتغل في ال GSR و ال type-r ...هاهاهاها
وبالنسبة لمحمد الشيخ ...قدام مسعد وعدلي من ناحية الشارع مش من ناحية البلوك

المشاركة الأصلية كتبت بواسطة semsem kane

ياعم ولا من السما ولا من الفضاء , الحج مجدى معاملتة معايا كويسة , ولما بوديلة اى حد بيكرمة اخر كرم كفاية المواتير اللى بيديهالهم بتبقى لوزز , وسعرها زى برة وارخص

وانا قولتلكوا اللى عايز حاجة منة يقولى عليها ويسأل عليها برة ويشوف ارخص سعر ليها وهجيبهالة من عند مجدى بس تبقى حاجة نظيفة , وعارفينها ويوم مايحصل فيها هترجع تانى \

وعموما كويس ان علام عرف واحد تانى اهوة يسد

اية المشكلة يعنى , يابو حميد كبر دماغك , الدنيا كلها مصالح

ماشي يا سامح إنت صح كده ...بس مش ضروري أبدًا إني لما أروح أجيب من عنده حاجة اكلمك علشان يديني حاجة نضيفة أو حتى سعرها كويس ...فين الإعتماد على الذات ...يعني هو لو سعرها بما يرضي الله مش الناس حتجيله هو بس مش حتروح لحد تاني ....صح ولا غلط
وعامةً الحمد لله الواحد بيتعب في اللف والدوران علشان يلاقي حاجة نضيفة مع تجار نضاف ...علشان يعرف يفيد بيها حبايبه هنا

هههههههههه على كدا لو رحتله بي 1600 واحد كامة ممكن يولع فيا على طوول هو من جهة تناااااكة ياختييييييييييييييييي هههههههه بس يا فرج الله في واحد في الحرفيين اسعاره كويسة دي ازغرط فييها معن المشكلة الكبية ان اي احتياجات ليا بتكون تبع المحرك بس هههههه بااااقي الحااجات اسعاارها غاليا ومجبر اجيبها لانها مش موجودةالا عند ناس معينة وادي عيب الميني كوبر القديم دا انا مرة كنت مااشي ولقيت 128 مع كامل الاحترام ليهم بيقلي باشا هيا دي زستافا قلتلها اه قالي بتعمل كام قلتله من 20 ل 45حسب الحالة والموديل هههههه لو كنت زودت كان نزل ادهوملي ازواجا وافرادا