تسلم ايدك يا كبير مجهود رائع
وتقرير اروع
تسلم ايدك يا كبير مجهود رائع
وتقرير اروع
هي دي فعلا نقطة الضعف !! ان العربية مش عائلية ومن جوة صالونها ضيق
اعتقد الريو السيدان اوسع منها
و+111
فعلا ماتوقعتش انها تنزل بالكاسيت الاصلي بتاعها
حبيبي ربنا يخليك من ذوقك
شوف هو بالنسبة للفئة اللى ب 116 الاف او حتى اول فئة مانويل
سعرهم منافس جدا وكمية الاوبشنز والكماليات اللى فيها ممتازة
يعني طبعا هي ياباني وتويوتا واعتمادية عالية يعني اكيد بسعرها ده يبقى كقيمة مقابل سعر افضل كتير من الريو والاكسنت ال RB مافيش كلام
وموضوع انها 1300 فال 100 حصان على وزن الياريس انا متاكد انهم هيدو اداء اكثر من رائع ومحدش هيشتكي من السحب !!
اصلا نادرا لما تلاقي حد بيشتكي من سحب الياريس القديمة مع انها نفس الوزن وماتور 86 حصان فقط !! مابالك لما تبقى 100 حصان ؟؟؟
بس اانا فيه نقطة عايز اتاكد منها او حد ياكدلها !! عزم ماتور القديمة كان 135 نيوتن !! الجديدة عزمها 125 نيوتن فقط !! ؟ ياترى الغلط فين ؟؟ ولا هما رفعو ال HP على حساب العزم ؟؟ مش قادر افهم :drugsneeded:
بالنسبة لانها ضيقة فانا معاك لكن بالنسبة للشكل فبصراحة العربية شكلها رائع وفي الاخر الشكل اذواق
شكرا على التقرير
بس سعرها غالى شوية برضه
100 حصان ع 6000 ار بي ام
تعالي بقي حطها ع الداينو و شوف هيطلع الواقع كام صدقني هتتصدم :grinder:
من ناحية الاوبشنز هي فعلا ممتازة ة لكن برده السعر عالي يعني هو كأنه خد من هنا حط هنا
يعني ضيقها شوية و صغرها و ع ما اتذكر الموتور كان 1500 خلاه 1300 و حطلك كماليات زي الفل و زود سعرها يعني الأول السعر كان معقول
اما نشوف الاداء هيكون عامل ازاي و لو ليها تست متنساش اخوك
هاتشباك !!!!
ولا ليها لازمة مع احترامي لل ABS و ال Air Bag بس لو كان في سيدان كان ممكن يبقي في كلام
بناء على كلام موقع netcarshow
http://www.netcarshow.com/toyota/2012-yaris
The 1.33 litre petrol engine's optional new Multidrive S transmission showcases Toyota's latest Continuously Variable Transmission (CVT) technology. It now features a new manual override, sequential, 7-step mode operable by either the gearshift lever or steering wheel-mounted paddles
الفتيس 7 نسب فعلا و اسمه Multidrive S
عيبها لحد دلوقتي ضيق الصالون مع انها هاتشباك !! الاداء مش هيتحكم عليه من غير تست نتمني حد يعملنا تقرير عن تجربة قيادة السيارة
Ahmod
لما قلت إنها ضيقه
تقصد إنها في فئة ال i10 و picanto ؟؟
ولا زي ال rio وال punto evo والحاجات دي ؟؟
بس تقرير رائع و جميل و تسلم علي مجهودك
تسلم ايدك على التقرير بس العربيه دى تويوتا فرنساوى
واصل الياريس عربيه هاتش باك ومبتنزلش فى بلادها الا هاتش باك وبصراحه مشوفتهاش سيدان الا فى مصر بس وفى كل اوروبا زامريكا هاتش باك..والله اعلم