عربية حلوة...
تقرير ممتاز...
تحياتي
Sent from my SE Arc S using Forum Runner
عربية حلوة...
تقرير ممتاز...
تحياتي
Sent from my SE Arc S using Forum Runner
طبعا انا معاك انها لو نزلت بالمحرك ال 1.5 اكيد كانت هتبقى احسن !!
بس انت لو شفت شكل العربية وجسمها الصغير !! كمان وزنها 1065 كم فقط !! ؟
لو كانت نزلت بالماتور ده كانت هتبقى عاملة زي الجيتز !! حاجة كدة طلقة مش بتقف !! ؟
صدقني من خلال ال 6 سنين اللى قضيتهم مع الياريس القديمة ال 86 حصان
أأكد لحضرتك ان الجديدة بالماتور ال 100 حصان هتزعل اغلبية فئة ال 1.6 في التسارع وبكرة تنزل وتتجرب وهنشوفها على الطريق
----
لكن برضوا ماينفعش حضرتك تقيم العربية فقط بناء على السعة اللترية للماتور
ياما شفنا عربيات 1.6 وبطيخة في الجري !! ودي حاجة معروفة ومش محتاج ادي امثلة عشان الموضوع مايخدش جانب اخر
مش معنى ان العربية 1.3 تبقى بطيخة !! لا ماهي 1.3 ماتور Dual vvti بيطلع 100 حصان !!
وال power to weight ratio بتخليها تديلك اداء ممتاز
مقارنة بماتور الريو على سبيل المثال 1.4 بقوة 109 حصان على وزنها !!
هتلاقي الياريس تكسب !!
ان حضرتك تقيمها انها تكون بسعر 85 الاف جنيه !! فاسمحلي اقول لحضرتك ان ده اي كلام في اي حتة !! معلش انا اسف بس حضرتك كدة بتهزر
يعني حضرتك عايزها تبقى في سعر البيكانتو والصيني ؟؟
لما كانت الياريس القديمة اللى مافيهاش 1/10 من الكماليات دي ب 88 الاف اول فئة اتوماتيك الكلام ده من 6 سنين !!
كانت سعتها الالنترا ب 125 الاف وكذلك السيراتو والبيكانتو في حدود حاجة و 60 الاف
دلوقتي الالنترا وصلت ل 158 الاف البيكانتو دخلت في 92 الاف وحضرتك عايز الياريس تنزل بكماليات اعلى ومحرك اقوى وترخص عن سعرها اللى نزلت بيه من ست سنين !! ؟؟ ياريت نبقى Fair وموضوعين شوية مش بنقول اي كلام في اي حتة !! ؟؟؟ :grrrr::grrrr:
ومقارنتها بالريو فهي تتفوق في كل شئ عدا المساحة الداخلية !!
تقفيل - اعتمادية - جودة - قوة محرك - استهلاك بنزين - كماليات وابشنز كقيمة مقابل سعر - وكفايا علامة التويوتا هنا وعلامة الكيا هناك !!
ولو هتقارن صح هات الريو الهاتشباك الفئة اللى ب 116 الاف وقارنها بالياريس اللى ب 116 الاف
انا اقول لحضرتك بقى المقارنة بما ان لسه ليا زميلي جايب الفئة دي في الريو خليجي
اولا الريو الفئة دي متنفضة تماما من وسائل الامان !!! اللهم يمكن فيها 1 ايرباج تقريبا على حسب ما اذكر
الياريس ABS + EBD + Airbags
ثانيا الياريس الفئة دي نازلة بكاسيت سي دي تاتش اسكرين وSound system مكون من 6 سماعات طبعا ده مش موجود في الريو
ثالثا الياريس نازلة ب Paddle shift للتحكم في النقلات من الطارة وبرضوا ده مش موجود في الريو
رابعا الياريس نازلة بطارة جلد وزر Sport في الفتيس للقيادة الرياضية ! وبرضوا مش موجود في الريو
خامسا استهلاك البنزين وش لصالح الياريس !! انت بتتكلم في VVti على ال Intake وكمان على ال Exhaust !! الى غير السعة اللترية الاقل
كل ده انا بتكلم في كماليات واوبشنز ووسائل امان كقيمة مقابل سعر !! مادخلتش في حتة الاعتمادية والجودة وقلة الاعطال والخامات لانها مفروغ منها لما تبقى بتتكلم Toyota vs Kia !!
طالما حضرتك شايف ان كلامى اى كلام فى الهوا ومقتنع بالبتقولة دة شىء يرجعلك واظن ان فى اسلوب ارقى عن كدة حتى لو مختلف معى
انا وضحت ورديت على العضو s o p h o s وهو ذكر الكيا ريو مش انا ووضحت لة وجهة نظرى وتفهمها وعرف مقصدى من الكلام وهو وضح قصدة وانا احترمت راية وتفهمت
وكفاية عندى ان المساحة الداخلية للكيا ريو مناسبة لاحتياجاتى وموتورها من وجهة نظرى انة مناسب لسيارة وزنها 1141 وبها و 2 ايرباح فدة احسن علشان متطيرش زى الجيتز :) ولا تبقى ريشة زى الياريس الوزنها 1005 + المساحة الداخلية مهمة عندى مقابل مساحة ضيقة جدا بالنسبة للياريس
النقاط الذكرتها فى المقارنة ياريت تكمل جميلك وتكمل المقارنة بالنسبة للباقى زى الابيزا التم ذكرها والبولو والفيستا وببساط لو السيارة بتطير وبحجم وبسعر مبالغ فية مش حشتريها لانى بقدر احتياجاتى من السيارة مقابل السعر ما فى الفيات 500 وبالسعر دة هل بكدة
اقول لا علشان فيات ايطالى ومعروف بجودة والتصميم الرائع وحجمها مقابل موتورها كويس اشتريها فى مقومات تانية حضرتك بيتم المقارنة على اساسها وليس الموتور زى ما حضرتك انتقيت من كلامى وفاهم البطلب منك تقرا تانى علشان تبقى الصورة اوضح
ولو عاوز حيادية يبقى اطلب من التوكيل ينزل سعر السيارة من الفئة دة مش انا الحبقى حيادى انا قدامى سعر سيارة وفى سيارات اخرى ذكرتوها فى الموضوع زى الابيزا والريو وسعر الياريس بيمتد ل 141.000 المطلوب انى اعمل نفسى مش شايف الفئة دة مثلا علشان ابقى حجيادى وللاسف الناس بتصدق طالما سعر سيارة وصل لفئة معينة يبقى تنافس لية لا :) :)
لو عاوز اكتب مواضيع عن السيارات التتفوق على الياريس فى نفس الفئة السعرية البتفرض نفسها فيها مش حخلص بس انا ذكرت وجهة نظرى واعتراضى على السيارة انا سجلتة فى مشاركتى السابقة وكل شخص لة مطلق الحرية انة مقتنع ام لا ليس حكر على احد ... وسعيد بنقاشى معاك :)
عين العقل ، فعلا التوكيلات بتستعبط كلها .. يعنى ياريس و هاتشباك و بـ 141 الف ليييه ؟؟؟؟ .. يعنى كده بسعر الفلوينس ثانى فئة .. طيب ديه فئة و ديه فئة تانية خالص و بصراحة مش شايف ابهار فى الاوبشنز يعنى و لا حاجة صاروخية بالعكس موتور عادى جدا لا هو تربو و لا حاجة و اوبشنز كويسة اه بس مش حاجات محصلتش يعنى .. و الريو برضه مبالغ جدا فى سعرها .. مش عارف يعنى مفروض نقول عشان الريو غالية يبقى الياريس تنزل اغلى ..
ده انا نسيت خالص موضوع الفيات 500 دا و حضرتك فكرتنى بيه .. طيب الـ 500 ديه عربية Icon و الناس كانت بتقول كتير الـ 120-150 الف عليها و ديه عربية فئة مستقلة بذاتها .. اهى الياريس بقت بتمنها اهو و نقول كمان الالنترا اللى الناس بتصوت من سعرها و غبور الحرامى .. اهى الياريس ديه زيها مع فرق الحجم و الموتور للالنترا
بالظبط كدة حضرتك فهمت قصدى دة بالاضافة انهم منزلين فتيس 7 سرعات وpaddle shift و زرار sport و + _ على موتور 1.000 سى سى 99 hp دة ناقص يكتبو عليها AMG من الجمب هههههههههه مش فاهم ما المقابل البستفيدة من العربية بالسعر دة تقريبا تم تركيب كل الكماليات ومبقاش فى مكان لأحد يركب العربية !
للأسف الشديد السوق المصرى يعجز عن التقييم السعرى لأى سيارة على الرغم من أن الدخل فى مصر منخفض مقارنة بالخليج مثلا يعنى مين يقول ان الألنترا اعلى فئه فى مصر اللى وصلت ثمنها 170000 جنية ثمنها فى السعودية 100000 جنية مصرى ده على أساس ان مستوى الدخل فى مصر أعلى من السعودية !!!! لكى الله يا مصر
عربية لاتستحق ومش هاتعمل اي حاجة فى السوق المصري والايام بيننا
بصراحة أنا شايف الناس متحاملة على العربية أوي
العربية صناعة تويوتا فرنسا
موتور ممتاز
فتيس 7 نسب و cvt يعني مفيش منه قلق ,مش 4 زي باقي المنافسين بتوعها
أكتر عربية في فئتها فيها كماليات بالنسبة لسعرها (أول فئتين)
عيبها الوحيد هو حجمها
أنا بأمانة مركبتهاش بس دي أرقام العرض و قاعدة العجلات
yaris hb 1695 2510
fabia 1642 2462
evo 1687 2510
RB hb 1700 2570
rio hb 1720 2570
أكبر من ال fabia وال evo
بس اصغر من الريو والاكسينت في قاعدة العجلات
يعني العربية حجمها مناسب
مجهود رائع يا باشا بس 1300 cc وبالسعر دة كتيير اوى عليها وكمان العربية ضيقه مش عائلية