الموضوع: التغطية الرسمية للياريس الجديدة بالصور من التوكيل

المشاركة الأصلية كتبت بواسطة Mohamed.Ramah

للاسف غير عملية وسعرها اعلى من الفئة التنافس بها وكان الافضل تنزل بالمحرك 1.5- L 1NZ-FE I4 مع اربع سرعات اتوماتيك 107 hp و عزم 141nm كان كافى جداا وافضل من الحالى نظارا للسعر المكتوب !

من راى السيارة تسوق بثلاث فئات و سعرها يبدا فى الفئة الاولى 85.000 auto والفئة الثانية 92.000 واعلى فئة 98.000 لان صعب جداا مهما زادت اوبشن اكتر من الموجود تنافس فى فئة سعرية اعلى

وب141.000 البدائل كتير ...

المشاركة الأصلية كتبت بواسطة Mohamed.Ramah

والله هو دة سعرها والبتسوق بية بموتور اعلى وكماليات اعلى من شركة تيوتا نفسها فكرة ان سعر الكورى مرتفع وسعر الصينى قريب منها دة ملوش علاقة بكلامى الانا كاتبة انا مش بقول سعر وبساويها بغيرها فى نفس الفئة بالعكس ولا ظلم ولا شىء ولاكن من كتر السرقة وارتفاع الاسعار فى مصر خلت الموزعين يطمعو بغض نظر عن ظلم او مش ظلم احنا المظلومين فى الاخر

ثانيا جدير بالذكر الابيزا والريو حضرتك مقتنع ان تيوتا ياريس هاتشباك بتنافسهم بغض النظر عن بلد المنشاء ياريت توضحلى تنافسهم فى اية ؟ خاصة بتتساوى بسعرها مع اعلى فئة من الكيا ريو واعلى فئة من سيات ابيزا ؟

طبعا انا معاك انها لو نزلت بالمحرك ال 1.5 اكيد كانت هتبقى احسن !!

بس انت لو شفت شكل العربية وجسمها الصغير !! كمان وزنها 1065 كم فقط !! ؟

لو كانت نزلت بالماتور ده كانت هتبقى عاملة زي الجيتز !! حاجة كدة طلقة مش بتقف !! ؟

صدقني من خلال ال 6 سنين اللى قضيتهم مع الياريس القديمة ال 86 حصان

أأكد لحضرتك ان الجديدة بالماتور ال 100 حصان هتزعل اغلبية فئة ال 1.6 في التسارع وبكرة تنزل وتتجرب وهنشوفها على الطريق

----

لكن برضوا ماينفعش حضرتك تقيم العربية فقط بناء على السعة اللترية للماتور

ياما شفنا عربيات 1.6 وبطيخة في الجري !! ودي حاجة معروفة ومش محتاج ادي امثلة عشان الموضوع مايخدش جانب اخر

مش معنى ان العربية 1.3 تبقى بطيخة !! لا ماهي 1.3 ماتور Dual vvti بيطلع 100 حصان !!

وال power to weight ratio بتخليها تديلك اداء ممتاز

مقارنة بماتور الريو على سبيل المثال 1.4 بقوة 109 حصان على وزنها !!

هتلاقي الياريس تكسب !!

ان حضرتك تقيمها انها تكون بسعر 85 الاف جنيه !! فاسمحلي اقول لحضرتك ان ده اي كلام في اي حتة !! معلش انا اسف بس حضرتك كدة بتهزر

يعني حضرتك عايزها تبقى في سعر البيكانتو والصيني ؟؟

لما كانت الياريس القديمة اللى مافيهاش 1/10 من الكماليات دي ب 88 الاف اول فئة اتوماتيك الكلام ده من 6 سنين !!

كانت سعتها الالنترا ب 125 الاف وكذلك السيراتو والبيكانتو في حدود حاجة و 60 الاف

دلوقتي الالنترا وصلت ل 158 الاف البيكانتو دخلت في 92 الاف وحضرتك عايز الياريس تنزل بكماليات اعلى ومحرك اقوى وترخص عن سعرها اللى نزلت بيه من ست سنين !! ؟؟ ياريت نبقى Fair وموضوعين شوية مش بنقول اي كلام في اي حتة !! ؟؟؟

ومقارنتها بالريو فهي تتفوق في كل شئ عدا المساحة الداخلية !!

تقفيل - اعتمادية - جودة - قوة محرك - استهلاك بنزين - كماليات وابشنز كقيمة مقابل سعر - وكفايا علامة التويوتا هنا وعلامة الكيا هناك !!

ولو هتقارن صح هات الريو الهاتشباك الفئة اللى ب 116 الاف وقارنها بالياريس اللى ب 116 الاف

انا اقول لحضرتك بقى المقارنة بما ان لسه ليا زميلي جايب الفئة دي في الريو خليجي

اولا الريو الفئة دي متنفضة تماما من وسائل الامان !!! اللهم يمكن فيها 1 ايرباج تقريبا على حسب ما اذكر

الياريس ABS + EBD + Airbags

ثانيا الياريس الفئة دي نازلة بكاسيت سي دي تاتش اسكرين وSound system مكون من 6 سماعات طبعا ده مش موجود في الريو

ثالثا الياريس نازلة ب Paddle shift للتحكم في النقلات من الطارة وبرضوا ده مش موجود في الريو

رابعا الياريس نازلة بطارة جلد وزر Sport في الفتيس للقيادة الرياضية ! وبرضوا مش موجود في الريو

خامسا استهلاك البنزين وش لصالح الياريس !! انت بتتكلم في VVti على ال Intake وكمان على ال Exhaust !! الى غير السعة اللترية الاقل

كل ده انا بتكلم في كماليات واوبشنز ووسائل امان كقيمة مقابل سعر !! مادخلتش في حتة الاعتمادية والجودة وقلة الاعطال والخامات لانها مفروغ منها لما تبقى بتتكلم Toyota vs Kia !!