مشكلة فى الياريس ياريت المساعدة

**KiNgMaX** · 30-12-2012 05:29 PM

من فترة بدات تحصل حاجة غريبة فى العربية
هى ياريس 2007 مانوال
لما ابقى ماشى بالعربية وادوس بنزين جامد الار بى ام يعلى والموتور صوته يعلى بس من غير سحب خالص اكنى ممور العربية
وبعد ثانية او اتنين ترجع تلقط تانى والار بى ام ينزل لوضعه الطبيعى بس السحب بيبقى ضعيف لانى لازم اخفف رجلى على البنزين عشان ما تفصلش كده تانى
ونفس الموضوع اما اسقط نقلة برضة
ياريت لو حد عنده اى فكرة يساعدنى

**mohammedabdallh** · 30-12-2012 07:35 PM

اخبار اخر صيانه ايه
والفلاتر اخره مره اتغيرت فيهم

**EngAhmedSayed** · 31-12-2012 01:48 AM

انا من راى ياراجع على الحساسات
ممكن يكون حساس عاوز ينظف

**S O P H O S** · 31-12-2012 09:55 AM

اعتقد ان الاقرب اسطوانة
بس حضرتك جرب تنزل بيها منزل وتشوفها واخد سرعتها كاملة ولا لا
لو العربية نزلت بدون تقل او مشاكل علي المور يبقي الاقرب انها اسطوانة
والله اعلم ..

**alking_2006** · 31-12-2012 10:15 AM

غالبا اسطوانه

**KiNgMaX** · 01-01-2013 03:21 AM

شكرا لكل الى رد
انا الدبرياج عندى فعلا حاسس انه عاوز يتغير ممكن يكون هو السبب
كده كده هغيره ونشوف
فاضل بقى تقولولى اغيره فى التوكيل ولا بره ولو بره فين احسن مكان فى اسكندرية
مع العلم ان الفلوس الفترة دى تفرق معايا يعنى لو التوكيل غالى بدون ميزة بلاش منه
انما لو لازم التوكيل عشان الموضوع صعب مثلا ماشى

**exact** · 01-01-2013 12:33 PM

بص ياباشا...انا ما اتعاملتش مع توكيل قبل كده بس هي الميزة اللي في التوكيل ان الطقم غالبا هيكون اصلي ميه فالميه... وهيبقى فيه ضمان على ما اعتقد على الطقم

حضرتك ممكن تسأل على التكلفة داخل التوكيل عن طريق التليفون... وتشوف أنضف واحسن ورشة بمعنى الكلمة بره... وانضف واحسن طقم دبرياج يناسب عربيتك بره... وتبدأ تقارن التكلفة واذا كانت مثلا فارقة في 100 او 200 يبقى روح التوكيل أضمن... لأن طقم الدبرياج ده لو مش راكب كويس ومع تنضيف كويس مكان الطقم القديم هيكرهك في حياتك بمعنى الكلمة... والمفروض انك مش بتغير طقم دبرياج كل يوم...مع ملاحظة ان اهم حاجة تقفيل الشغل بعد الفك لأن ده صعب ومحتاج حرفيه
وربنا يوفقك وابقى عرفنا الأخبار