الموضوع: صوت تزييق فى الطرق المكسره و العلاج السريع فى التوكيل

هى دى كاوتشه تراب المساعدين . موضوع قاشقاى و قاشقاى +2 غريب قوى. يعنى اللى بيروح يحجز موديل ٢٠١٣ بيسألوه عايز اى واحده فيهم ؟ و ازاى السعر بتاع الاتنين واحد؟ برجاء الإيضاح من فضلك

المشاركة الأصلية كتبت بواسطة youssef.awad

مبروك على اصلاح العطل وغريبة انهم غيروا ناحية واحدة مش الاتنين الا اذا كان القطع فى جهة واحدة بس وبيكون عبارة عن تفريغ هواء فى المطبات (فسسسسسسسست)
انا غيرت الاتنين فى صيانة ال40 الف كم من اكتر من سنة تقريبا كانوا ب300ج وفعلا المصنعية اغلى من ثمن القطعة لأنه بيفك العفشة كلها من تحت عشان يركبها

وبالنسبة للقاشقاى مفيش غير العادية اللى بتنزل مصر وال+2 ما بتنزل غير فى اوروبا
والاختلاف ممكن يكون بسبب حجم الجنوط اتغير او الروف راك موجود او لأ والله اعلم انما ابعاد العربية واحدة تماما من اول 2010-2013

الله يبارك فى فيك يا باشا. انا فعلا برضه استغربت ان كاوتشه واحده اللى هى ناحيه السائق هى اللى كانت مقطوعه و التانيه كانت سليمه و المهندس كمان خللى الفنى يكشف على المساعدين بالمره و ملقاش فيهم مشكله فكلمنى و قاللى احنا هنغير الكاوتشه الشمال فقط حتى انا قلتله غير الاتنين بس قاللى اليمين سليمه ومفيش داعى اغيرها و حطللى الكاوتشه البايظه فى شنطه العربيه علشان اشوفها . بصراحه انا باحترم السبع جدا فى التعامل سواء فى البيع او فى الصيانه فالناس دى بتهتم بخدمه العملاء فعلا و بتغطى بالخدمة الجيده على اى حاجه ممكن تكون ناقصه فى العربيه إذا ما نظرنا للموضوع كله على بعضه و دى وجهه نظرى الشخصيه بناء على اكتر من تجربه معهم.

موضوع القشقاى ده فعلا شفت بالصدفه الموديلين واقفين جنب بعض فى الشارع و لاحظت الفروق و فعلا اكتر حاجه تميزهم عن بعض موضوع الشباك التالت اللى عند الشنطه بس انا مش متأكد من موضوع ان بينزل منها شكلين بنفس السعر ده و اعتقد ان كل الكبيره اللى شفتها منها كانت موديل ٢٠١١ انما موديل ٢٠١٢ و ٢٠١٣ بتبقى الحجم الصغير و خاصه ان مقاس الجنط واحد فى الموديلين و هو 17 زى ما الصور موضحه

المشاركة الأصلية كتبت بواسطة sehsss

نحن السابقون.. أنا غيرت الكاوتشتين في صيانة الـ15 ألف، وكانوا مقطوعين، وما شاء الله خاماتهم زي الزفت، حاجة تغيظ

معلش يا باشا و خللى بالك طرقنا المكسره بتقصف عمر اى عفشه فى الدنيا