الموضوع: استطلاع رأى .. هل فعلاً القيادة المانيوال أكثر أماناً ضد الحوادث

[justify]أعضاء المنتدى الكرام .. مساء الفل عليكم جميعاً ..
[/justify][justify]
سؤالى اللى اتمنى تشاركو فيه كلكم ..

هل القيادة المانيوال اكثر أماناً ضد الحوادث من القيادة الاوتوماتيك ..

اللى دفعنى للسؤال ده .. ان واحد من أعز اصدقائى بـاع الجولييت بتاعته مانيوال طبعاً و إشترى نوبيرا اوتوماتيك و تاعباه فى فراملها و فتيسها ساعات بيهيس .. كان الكلام ده من سنة تقريباً و من ساعتها عمل حادثتين بالعربية و دفع دم قلبه طبعاً عشان يصلحها و يرجعها لحالها .. و من كام يوم كنا بنتناقش و كل اللى فى المكان أكد على ان سواقة المانيوال اكثر أمانـاً و بتعبير البعض
" سواقة المانيوال تخليك تعرف تلم نفسك أسرع و تحكمك فى العربية بيكون أزيد " .. و واحد تانى قال
" انا عاوز اسوق عربية انا اللى راكبها مش هى اللى راكبانى " ..

يا ترى رأيكم أيه ؟
و يا ريت الخبراء يفيدونا من الناحية الفنية كمان .. هل المانيوال أكثر أماناً فعلاً ؟
[/justify]